Accueil>Les corpus textuels>Charte chdouai0269

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0269

1264, septembre. - Douai.

Type de document: charte: délivrance d'héritage

Objet: Délivrance par Guillaume de Gouy, Jacques "Pourciaus", Guérin "Mulés" et Jean "Boinne brocke", exécuteurs du testament de Gilles "Mulet", de la part d'héritage qui doit revenir à Gérard "Mulet", fils de Gilles.

Auteur: non annoncé, échevins de Douai.

Disposant: Guillaume de Gouy, Jacques Pourcel, Guérin Mulet, Jean Boinebrocke.

Sceau: non scellé; devise chirographaire: CIROGRAPHES [CIL H?E?][a]

Bénéficiaire: Gérard Mulet, fils de Gilles Mulet.

Autres Acteurs: Gilles Mulet. - échevins de Douai: Gérard du Markiet, Bernard Catel.

Support: Original parchemin chirographe superposé bipartite - partie.

Lieu de conservation: AM Douai, sans cote, anc. cote: BM Douai, ms. 1096, t.I, n° 8.

Verso: Cest contre escrit warde par eskevinnage Gerars dou Markiet.

 1 Sacent tout cil ki-sunt et ki-a-venir sunt ke 3 Willaumes de Goy, Jakemes Pourciaus et Jehans Boinne_brocke [1], executeur dou testament Gilion Mulet ki-fu, par \2 le gret et par l'assentement des autres testamenteurs celui Gilion, si coume il dient [2], çou-est a-savoir maistre Robiert le Poure [3] 4 et Waubiert Baudane, ont assené et \3 delivré, por le mius k'il sevent, a Gerart Mulet, fil Gilion Mulet ki-fu, en le partie de celui Gerart de l'eschance de Gilion Mulet, sen pere, d'endroit le testament Gilion \4 Mulet ki fu, de coi il sunt executeur [4], 5  . II. muis de tiere ahanaule, pau-plus pau mains, a tes rentes et a-tes coustumes ke li tiere doit, de coi les .VII. rasieres de tiere, pau-plus pau-mains, \5 gisent ou tieroir et ou tenement de l'eskievinage de Douay; 6 et de ces .VII. rasieres de tiere, pau plus pau mains, devant dites, en sieent .VI. coupes, .XXX. vergieles \6 mains, a-le voie de Lambres, si furent Barde Buee et quatre rasieres, quarentaine et demie mains, ki fu Waubert Baudane et siet a le Plankiele, deriere le mous\7tier des Mesiaus et .VII. coupes, .XV. vergeles mains, ki seent a-le piece Hierenc et les .XVII. rasieres de tiere, pau plus pau [5] mains, gisent ou-tenement et en \8 l'eskievinage de Sim. 7 Et si li-ont encore assené et delivret .XXX. mars d'iretage par an a-prendre devens l'eskievinage de Douay yretaulement en paresis, en douysiens \9 et en capons de si a-le sonme devant dite; 8 et de ces [6] .XXX. mars d'iretage devant dis, en prent on .IX. dou. et .III. capons en-le ruiele [7] dou Four, ou Pont, sor une mai\10son ki fu Marien Pain moilliet, et de ces .IX. dou. et .III. capons [8] devant dis prent-on a Jakemon Camus le quarte partie et as mesiaus les trois, et fu fait par acorde \11 entreus, puis le mort le devant dite Marien Pain moilliet ki entroes k'ele vivoit, paioit toute le devant dite rente; 9 et as Fours des Ewes, sor tout \12 le tenement Durant de le Posterne, .II. mars et .VI. s. de dou. et .VIII. capons; en-cele rue meisme sour le tenement ki fu Marien Fille diu, ke Evrars de Saint Venant tient, \13 .X. s. de dou. et .III. capons; en cele meisme [9] rue sor le tenement ki fu Pieron de Barlet, ke \14 Watiers Boine broke tient, .VI. s. de dou. et .II. capons; 10 en le rue des Folons sor le grant maison ki fu Jehan Denglos .XVIII. dou. et .III. cap.; a le Fause Posterne, en-le rue d'Ainfroit, \15 sor le maison ki fu Raoul d'Astrikes, .IIII. s. de dou. et .II. capons \16 en le rue Mallevaut, sor le maison Pierot le Poingneur, .II. s. de dou et .II. capons; en le grant rue de\17hors le porte Vakerece, sour le tenement ki fu Tieri le Boulenghier, ke Jehans de Falempin, li boulengiers, tient, .XII. dou. et. 1/2. ferton d'un acat et .III. fertons \18 d'un autre; en le rue d'Aube Marle, sor le tenement ki fu Pieron Lescohier, .XII. s. de par.; et 11 et sor tout le tenement Huon d'Aval les bles, tenant a celui, .XII. s. de par.; \19 dehors le porte des Wes, sor le tenement ki fu Guinart le Marbrier, ke Mallars tient, .I. march; dehors le porte Saint Jakeme en le Grant rue, sor le maison \20 ki fu Mehaut le Coriiere, ke Mikius dou Brai tient, .XLIII. s. de par.; dehors le porte des Wes sor le maison ki fu Engerran de Doregni, ke Jehans de Cisoing \21 tient, .I. ferton; a le Noeve Vile, en-le rue Wistasie del Brekin, sor le fosset, sor le maison ki fu Jehan Wloge, .I. march; en le rue de le Fause Posterne, a le Noeve Vile, \22 sor le maison ki fu Jehan de le Fontaine, .I. ferton; en le rue Mallevaut, sour le tenement Willaume Pikavet, ke Jehans li Tourbiers tient, .II. mars; en le Grant \23 rue de Saint Jakeme, sor le tenement ki fu Giorvais, .I. march et .VI. d. par.; sour le Fossé Malgart, sour le maison Nicholon Puciele, ke Pieres de Saint Ni\24cholai tient, .I. mars et. 1/2. ferton, 12 es-Draskiers, sour le maison Yvorie le Fevre, ke Simons li-Couteliers tient, .I. ferton; al-Puc Fillori, en le ruiele Willaume le Mignot, \25 sor le maison Aelis le Fouriere. 1/2. march; en le rue al Cierf [10], sour le maison ki fu Willaume des Plankes, ke Pieres Fauke tient, .III. mars; a-Canteleu, sour le maison \26 Marien le Mairesse,. 1/2. mars en-le Sansnerie, sor le maison ki-fu Sohier dou Maisiel, ki siet dalés le maison \27 Gilion Boine_vie deviers les Draskiers, .III. mars; en le ruiele de le Praiele, al Aubiel, sor le maison Jehan Corde,. 1/2. march; devant l'atrie Saint Piere, a-le-petite bou\28kete del atrie, sor le maison ki fu Helotain le Petite, ke Liegars de le Corbille tient,. 1/2. mars; a Dewieul, dalés le maison Quas de fier, sor le maison Bon Tans, .I. ferton; 13 \29 a Dewieul, sor le tour de le-rue ki va a Sainte Margerite, sour le tenement Mikiel le Linier, .XIX. s. et .III. d. de par.; en le Sansnerie, sor le noviel carpentage \30 ki-fu Mikiel Clincart, ke li feme Willaume le Waite tient, et sor .II. heudes en costé ki-furent Gilion de Doregni, ke Nicholes li-Fietons tient, .I. mars; devens le-porte \31 d'Eskierchin, sour le tenement ki-fu Willaume des Lices, ke Jehans de Henin tient, .I. marc; sor le Fosset Malgart, sor le maison ki fu Watier Foillet, ke Jehans \32 li-clers de le vile tient,. 1/2. ferton; a-le Noeve Vile, sour le maison ki fu Symon Bourede, ke Jehans de Bauvin tient, .I. ferton; el Pont Croisiet, sour le maison \33 ki fu Pieron Pourcelet, .I. ferton; en le rue Saint Piere, sor le maison ki fu Evrart le Cat, ke Nicholes li Alains tient, .II. mars. 14 Et si-ont delivret li devant \34 dit testamenteur Gilion Mulet ki fu, a-Grart Mulet devant nonmé, .CCC. lb. de par. en deniers contans; et parmi ces .II. muis de tiere et ces .XXX. mars d'iretage et \35 ces .CCC. lb. devant dites ke Gherars a en se partie de l'eschance et dou testament sen pere, si-ke deseure est dit, a quitet cius Gerars tout le remanant ki \36 demeurés est de Gilion, sen pere, et tous ses freres et ses sereurs et les executeurs devant dis, sauf çou ke cius Grars n'a mie quitet tele eschance ki-eskaïr li puet \37 de .XIIII. mars d'iretage ke se mere tient et doit tenir toute se vie et sauf çou ausi ke cius Grars n'a mie quitet tele escance ki-eskeit li-poroit et de\38veroit de le mort de ses freres et de ses sereurs, se li-partie de ciaus u de celes ki trespassé seroient lor fust delivree par les testamenteurs Gilion, sen pere devant \39 dit; 15 et tant ke li bien demoerroient et seroient en le main des testamenteurs devant nonmés, cius Grars ne puet nient demander a l'eschance de celui \40 ki trespassés seroit et a-cui on n'aroit le sien delivret. A ces quitances et a toutes ces coses ordener et deviser, furent conme eskievin Gerars dou \41 Markiet et Biernar Chateus [11]. 16 Ce fu fait en l'an de-le Incarnation Nostre Signor M.CC. et. LXIIII., el mois de septembre.
Notes de fiche
[a] Deux ensembles de lettres non identifiables de respectivement deux ou trois et quatre ou cinq caractères occupent la fin de la ligne
Notes de transcription
[1] etJehansBoinnebrockeen interligne ms.
[2] sicoumeildienten interligne ms.
[3] JehanBoinebrokerayé après lePourems.
[4] decoiilsuntexecuteuren interligne ms.
[5] entre pauet mainsil y a unpexponctué ms.
[6] cesen interligne ms.
[7] doupontbarré ms.
[8] caponsen interligne ms.
[9] ms. le deuxième mde meisea quatre jambages.
[10] rde Cierfau-dessus de la ligne ms.
[11] le nom des échevins est d'une autre main ms.