Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE058

1381, 12 mai

Type de document: charte: promesse

Objet: Jean-Philippe de Montbéliard promet de respecter les coutumes, usages, franchises etlibertés des habitants d'Orbe.

Auteur: Jean-Philippe de Montbéliard.

Disposant: Jean-Philippe de Montbéliard.

Sceau: sceau d'Etienne de Montfaucon et de Jean-Philippe de Montbéliard.

Bénéficiaire: Les habitants d'Orbe.

Lieu de conservation: Archives communales d'Orbe PAA 3/a.

Verso: La lettre d-un serement fait par Jeham […]seigneur d-Orbe sur les libertés et franchises d-Orbe.

1 \2 Nous, Jeham Phelippe de Montbeliart, sires d’ Orbe et d’ Escharllams, 2 faiçons savoir à touz 3 que, comme nous bourjois et habitans d’ Orbe nos haient fait et jurey fealtey comme à-lour veray et liege seigneur \3 ainssin comme il appartenoit et comme il havoient fait à-nos davantiers les signeurs d’ Orbe, 4 nous de la velontey et consentement de nostre tres-chier seigneur et pere, monssi Estienne, conte de Montbeliart et \4 seigneur de Montfaucon, nous avons promis et promettons, par nostre foy et sairemant, tenir garder et mantenir les diz noz bourjois et habitans d’ Orbe et la dicte ville en toutes lours bonnes costumes, usaiges, \5 franchises et libertez des quelles il ont usey ou temps passey et usent de present, et qu’ il hont ehu par la fourme et maniere que nos devantiers, les signeurs d’ Orbe, les hont tenuy, \6 gardey et mantenuy ou temps passey. 5 Et se aulcunl debait sourdoit de aulcum point de lour libertey, costume etr franchise entre nous ou noz officiers et les diz nous bourjois et habitans ou aulcun \7 de lour, nous dehuement enfourmez de lour costumes ou libertez qu’ il allegueroient pour celuy debait, davons et sarons tenuz de garder ycelle costume et libertey, dont \8 dehuement et raisonnablement nous sariens enfourmez, par la manere qu’ il hauroient usey ou temps passey. 6 Et celx chouses havons promis et jurey, promectons et jurons, par nostre foy \9 et sairement donney et toichie corporelment et loyalment, pour nous et noz hers, et la tenour de ces lettres entierement tenir, garder et observer et faire tenir, garder et observer fermement \10 et inviolablement es diz nous bourjois et habitans et à-lours hers bourjois et habitans d’ Orbe et les appartenances, sanz attanter ou venir ou contraire de fait, de parole ou de consentement, \11 ne soffrir que autres y vigne en aulcune manere. 7 Et pour ce que ceste chouse soit plus ferme et estauble, nous havons supplié et requis à nostre tres-chier signeur et pere, le dit \12 monsi le conte de Montbeliart comme soverain et signeur dou fiez dou dit Orbe, que en ce se vuille consentir et le vuille confermer, rattiffier et approver; 8 et nous, Estienne, conte \13 de Montbeliart et signeur de Montfaucon, à la supplication et requeste dou dit Jeham Phelippe, nostre filz, en toutes et singuleres les chouses dessus escriptes, comme soverain et sire \14 dou fiez, nous sumes consentuy et consentons, pour nos et nos hers, et ycelles louhons, agrehons, confermons et ratiffions et approvons par ces presentes lettres, et promectons \15 de non aller encontre ou temps ad-venir. 9 En tesmoignage des quelx choses, nous havons mis nostre seel en ces presentes lettres, ensamble et avec celuy dou dit signeur d’ Orbe, \16 nostre filz; le quel nous, li diz Jehans Phelippe, sire d’ Orbe, y havons mis en signe de veritey de toutes et singuleres les choses dessus escriptes. 10 Donné, presenz monsi Thiebaul, \17 signeur de Rye, monsi Jeham, signeur de Verié, chevaliers, monsi Pierre d’ Ornans, cheign[…] de Montbeliart, Jeham de Veler et Richart Noblat de Montbeliart, escuiers, ensamble plusours \18 autres tesmoings, le douziesme jour dou mois de may, l’ am Nostre Seigneur courrant par mil trois cenz ottante ung. Ita est ..C.. de Culley Conchon.