Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE054

1356, juin

Type de document: charte: vente

Objet: Vente par Perrin le saunier de deux journaux de terre et d'une soiture de pré à Jacquetdit l'Aîné pour la somme de 10 livres.

Auteur: Perrin le saunier de Sainte-Colombe.

Disposant: Perrin le saunier de Sainte-Colombe.

Sceau: sceau de la cour de Romainmôtier.

Bénéficiaire: Jacquet dit l'Aîné de Sainte-Colombe.

Lieu de conservation: ACV C VII a 360.

Verso: Jaquet dit Asné de Sainte Columbe.

1 \2 Je, Perrin le saulnier, de Sainte Columbe, 2 fay savoir à-touz celx qui verront et orront celx presentes \3 lettres 3 que je, non mie contrain, deceut ne baratel, en cest fait, mais de maz bone voluntel, ait venduz, \4, quittel, outroiez et delivrez, à touz jour mais, touz franchement, pour moy et pour mes hoirs, ad Ja\5quet dit Asné, de Sainte Columbe, pour luy et pour ses hoirs, dus journaul de terre seant ou-territoire \6 de Sainte Columbe, en liuz que l’ om dit ou-Cham des Sages, atochant d’ une part à-laz terre est enfant à-l’ Ar\7cenere et d’ atre part à-laz terre Vuinet dit Moinne, de Sainte Columbe, et contornan sus laz terre Hugonim \8 Chaponet, de Bannens; 4 item, une soiture de prez seant en liuz que l’ om dit en Ateser, atochan à-prez \9 à-maires de Sainte Columbe et cha[…] ad Brise Vere, de Bannens, 5 pour le pris de dix livres de \10 monnoie corsable en l’ arceveschiez de Besençon, c’ est à-savoir um gros tornot por ^[1] vint deniers; laz quelle \11 somme d’ argent je, le dit Perrin, ait heue et recepu bien et entierement du dit Jaquet en bons deni\12ers nonbrez et m’ en tien por ^[2] bien paiez. 6 Desquel dus jornaul de terre et d’ une soiture de prez \13 je me desvis et suis devestuz, pour moy et pour mes hoirs, et lez dit Jaquet et ses hoirs \14 en ait envestu ^[3] et mis em-possissiom corporel et perpetuel par laz tradiciom de cest present lettres. 7 Et \15 promet et ait promis, par mon donel soirement sus sains evangille de Diex, laz devant dite vendue \16 garentir, mantenir, deffendre et apaisier à-dit Jaquet et à-ses hoirs, en touz leuz et encontre toute \17 gent, en toute cour et deffuer cour, par devant touz juges, et que je laz devant dite ven\18due ne rapalleray ne feray rapaller ne consentiray qu’ elle soit rapallee par moy ne par autres persones prochan \19nes ou lointannes en touz le temps à-venir. 8 Et renonce et ait renonciez en cest fait à-touz droit \20 escript et non escript de loy et de canon, et à-toutes autres exceptions de droit et de costumes qui \21 en cest fait me poroit valoir et aidier, et à-dit Jaquet nuire et grever. 9 En tesmoignage de laz qul \22 chose, je le dit Perrin, ait priez et requis à-mon chiers sires Arthaut Alamant, priour de Romanmostier, qu’ i face seler cest presentes lettres dou sel de laz cour de Romanmostier, salve sa-raison, du-quel sel l’ om use en \23 ses viles en Borgogne, par monsires Amiez de Cerdom, chambelliers de Romanmostier, procurour et governere à-cest temps \24 est villes en Borgogne, en la juredicion de laz quel cour je souz-met ^[4] et ait souz-mis ^[5] moy et touz \25 mes biens moubles et non moubles, present et à-venir, por faire tenir et garder laz tenour de celx \26 presentes lettres. 10 Faites et donees, present Hodet le chereton, Rechar Buillant et Mechiez Gredo, l’ am corant \27 mil trois cent cinquante et siez, ou mois de juynet.

Notes de transcription
^[1] Le pbarré doit apparemment être développé en por.
^[2] Le pbarré doit apparemment être développé en por.
^[3] Ainsi coupé: en vestu.
^[4] Ainsi coupé: souz met, souz mis.
^[5] Ainsi coupé: souz met, souz mis.