Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE048

1346, 24 novembre

Type de document: charte: traduction d'une concession

Objet: Arthaud, prieur de Romainmôtier cède la mairie de Sainte-Colombe à Richard, fils deRobelet dit Saunier, pour la somme de 20 florins.

Auteur: Arthaud, prieur de Romainmôtier.

Disposant: Arthaud, prieur de Romainmôtier.

Sceau: sceau d'Arthaud, prieur de Romainmôtier.

Bénéficiaire: Richard, fils de Robelet dit Saunier.

Lieu de conservation: ACV C VII a 340.

1 \2 Donner par copie traite du latin en romain par la maniere que s’ ensuet: 2 Nous, frere Arthaud, humile priour du priorez de Romainmostier de l’ ordre de Cluny et de la diocese de Lausanne, 3 non mie \3 par force, par barat, par pahour ad ce indut, mais de nostre droit de nostre dit priorez ad plein certifiés, considerez nostre evident profit et utiliter en ceste maniere pour nous et pour nous successours \4 et en nostre dit priorer, 4 lohons, approvons, ratiffions et confermons à Richard, fil Robelet dit Saunier, maire çay-en-arriers de nostre ville de Sainte Colunbe de la dyocese de Besençom, la maerie \5 de Sainte Colunbe, saul nostre droit et du dit priorer cens[…] cil aprés escript et le droit d’ autruy de quelcunques persones qu’ il soient, haient et possidoient perpetuellement et inrevocablement \6 es formes et condicions cil après escriptes, es quelles par nostres predecessours à dit Robelet çay-en-arriers baillé et outroié, c’ est à savoir: 5 que le dit Richard et ses hoirs haient et possidoient \7 perpetuelment la dicte maerie de nostre dicte ville de Sainte Colunbe, et à lui et à ses hoirs legitimes, ensanble les avances et pertinences, 6 pour nous et nostres successours outroions et confermons \8 par ces presentes de havoir et possider la dicte maerie par la meilleur maniere que faire se puet et diviser, 7 et par tel maniere que il ne doit havoir en nostre dicte ville de Sainte Colunbe que \9 ung souz maire maiscle, le primier nez legitime en descendant de graid en graid; 8 et ne doit estre partie le dicte maerie ne les appartinances de ycelle. 9 Et celui maire \10 doit estre franc de toute taille et aultre servitute en tel maniere, se de son corps hoirs maiscles legitimes hauroie, le primier de lours doit avoir la dicte maerie et \11 doit possider, et en aprés ses hoirs à tout jours à durer c’ est à savoir le primier nez; et se le dit maire se mouroit de cest siegle sanz hoirs legitimes maiscles, la dicte \12 maerie doit estre à acuns de ses freres ou de lours hoirs les primiers nez et à hung de lours, tout jour à plux prochain de graid en graid, les freres du dit \13 maire que à present est et que serunt à temps advenir endemantiers ^[1]; et quant il seront en son partaige, sunt et doit estre tuit quites de tailles et frans ensanbles et \14 lours estre partit et divist cuy seront es custumes de nostres homes de la dicte ville et il demoront, exceptez le souz maire. 10 Et ne puet ou doit le dit maire faire \15 burgeserie, garde ne reclamaciom d’ autre seignour, de chaistel, de seignorie sens nostre voluntez et de nous successours, ou de nostre licence espicial; 11 et cil maire que contre \16 les dictes chouses feroit ou en acune de icelles, il cherroit du droit de la dicte maerie de son mesme fait, et ne joeroit ou explecteroit de icelle franchise, mais \17 reviendroit et retorneroit es custumes de nostres aultres homes de nostre dicte ville. 12 Et volens et decleirons que, se le dit maire ou ses predecessours ou acuns de \18 ycels hont aquis ou temps paisez ou acqueroient ou temps ad-venir acunes terres, prelx ou posessions de nostre homes talaibles ou de aultres persones, \19 quelxcunques que soient, que-il transient ensanble lours charges à luy, et sens faire solucion des dictes cens[…] et terraiges à nous ou à nouz successors que […] le droit à nous \20 appertenant ou à nostres successors que censsoient que estoient aquis devant la dicte acquisition et censsion ylz n’ en puet estre perturber pour ce nostre droit en acune chouse. 13 \21 Item, volons et outroions, pour nous et pour nostres successours, que le dit maire et ses hoirs, es condicions devant dictes, proinent et leivent es emendes et claimes \22 advenues en la dicte nostre ville ou ad-venir de trois souls de monoie corsaible à dit luef douze deniers; item, es bant, emendes et acourances par nous acordees \23 ou par nostre certain commandement, de trois souls en montant trois souls et non plux. 14 Item, volons et outroions que le dit maire et ses hoirs tout son pain pour son \24 hostel tenir puisse et doige cuire en nostre fourt de Sainte Colunbe, sens acune exacion demander ne lever ne soluciom de sa peste de farine ou de pecune recevoir \25 purement, franchement et paisiblement, c’ est à-savoir pour une livre de cire la-quelle il paierat à nous ou à nouz successours annuellement et paisiblement le jour de la feste \26 saint Andrier, ou à nostre certain commandement, acune exceptiom de droit et de fait non obstant. 15 Item, le dit maire doit perciper et havoir, por lui et por ses hoirs \27 annuellement et perpetuellement, toutes corvees des fenours et des septours de nostre dicte ville de Sainte Colunbe, les quelles nous havons et devons havoir en \28 quecunque maniere sur nostres homes de la dicte ville, 16 c’ est à-savoir pour cinq souls de bons estevenens à nous et à nouz successours paier et rendre, ou à-mon \29 certain commandement, par le dit maire le jour de la dicte feste saint Andrier, pour les dictes corvees et pour la cognessance de la dicte maerie, toute exceptiom \30 tant de droit comme deffait non obstant, en retenant à nous, nos le dit prior, pour nous et nouz successours, les emendes de touz nouz homes de la dicte ville, 17 c’ est \31 à-savoir celours que les dictes corvees des fenours et des septours en acune maniere seroient refusant de les faire et que sur celles fait seroient rebelles \32 de faire; 18 et sur ces banc et claimes, yls ne doit riens havoir ne percevoir, non obstant les dictes condicions, le dit maire que est de present maire et que \33 le serat à-temps ad-venir; 19 et doit à nous et à nouz successours ou à-mon certain commandement relever et rapourter tout les banc, clames et emendes que adviendront \34 pour les dictes corvees non faites de nostres homes de nostre dicte ville, en acune maniere. 20 Et pour la quel concession et confermatiom, nos le dit priour, havons \35 ehu et recehu du dit Richard, nostre maire, vint florins de bon our et de bon pois de Florence, tornez et convertit en nostre profit et de nostre dit priorer. 21 Et \36 prometons, en nostre bone foit et sur lo vout de nostre religion, que contre la dicte concession et confermacion par nous ne par aultres ne venrons ou ferons ad-venir \37 ou temps ad-venir, en fait en paroles, taisiblement ou espressement, reunçant en cest fait de nostre certaine science, nos, le dit priour, pour nous et pour nouz \38 successours, à-toutes excepcions de mal, de barat, de lesion, circonveciom, à-condicion sens cause ou moins soffisant cause, à la dicte concession et confermaciom non emsi \39 estre faite, à-tout droit escript et non ecript, de loys, de canon et de civils, à-tout previlige pour nous et nostre ordre impetrez, et à-totues aultres \40 excepcions et allegacions par les quelx cest fait porroit estre cesser et annuler. 22 Et se acuns droit et actiom contre lo dit Richard havons ou pohons \41 demander à dit Richard ou à ses hoirs en acune maniere, celui droit et action donnons et remetons, pour nous et nouz successours, à dit \42 Richart et à ses hoirs perpetuellement, salves à nous le dit cense et condicions devant dictes, et à-nouz successours. 23 En tesmognage de la quel chouse, nous \43 li dit priour, havons mist nostre seel en ces presentes letres. 24 Donnees en nostre dit priorez le vint et quatre jour du mois de novembre en l’ an Nostre Seignour \44 mil trois-cent quarante et siex.

Notes de transcription
^[1] Ainsi coupé: en demantiers.