Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE045

1340,mais

Type de document: charte: remise d'un héritage

Objet: Guillaume, abbé de Thielle (?), et l'abbaye, remettent à "Johanot dit Charratonat" et àses héritiers son héritage en biens meubles et non meubles qu'il avait donné à l'abbayepour une cens de 7 sous, un denier et une maille et 1 livre de cire du vivant de"Johanot" et 9 sous, 5 deniers, 1 maille et 1 livre de cire dès son décès. "Johanot"reprend ainsi pour lui et ses héritiers les terres qu'il avait à Froideville.

Auteur: Guillaume, abbé de Thielle, et l'abbaye.

Disposant: Guillaume, abbé de Thielle.

Sceau: sceau de Guillaume, abbé de Thielle, ou de Jean, abbé de Bellevaux.

Bénéficiaire: "Johanot dit Charratonat" et ses héritiers.

Lieu de conservation: ACV C VIII c 126.

Édition antérieure: Mémoires et documents publiés par la Société d'histoire de la Suisse romande, série 2,X, 209-210.

1 \2 ^[1] [Wille]mes, abbés de Thele, de l’ ordre de Citeaux, de la dyocese de Lausanne, et touz li covent de ce meime luef, 2 façons savoir à toutz, present et à-venir, 3 \3 […] heussiens quittez et remis à Johanot dit Charratonat, de la Froide Vile, et à ses hers, à tout jors mais, sein jemais rapaler, por nous \4 […] toutes les donations de toutz ses biens, moubles et non-moubles, que il nous havoit fait et donez ou temps passez, aprés son deceps \5 […li]vres de bons lausannois que nous havons heuz et receuz dou dit Johanot en bons deniers nombrez ansy comme il est contenuz en unes letres \6 que […] de nous; 4 et ne soit contenuz es dites letres quelx heritaiges li dit Johanot et six hers tenent de nous ne quel cense il nous doigent paier, 5 et \7 nous haiens aprés trovez que en façant les covenances dessus dites, à dit Johanot nous hoüssiens outroié, à luy et à ses hers, que toutz lours heritaiges, biens \8 moubles et non-moubles lours doivent demorer perpetuelment par paiant, à nous et à noz successours, chescune annee lo jors de feste saint Andrer \9 l’ Apostre, sept sol, un denier et mallie de Lausanne, à la vie dou dit Johanot; 6 et aprés son deceps, sis hers sunt tenuz et doivent paier à nous et à noz suc\10cessours, nuef sol, cinc deniers, une mallie et une livre de cire; 7 et li dit Johanot ausy une livre de cire à sa vie, de cense, ou terme dessus dit ches\11cune annee por les terres, que de part luy que de part sa feme, cy aprés devisees: 8 primierement, lo Prez de Jorat, par lo quel cort li Mentue; 9 item, l’ oche ou sa maison siet \12 entre la terre de Perrout lo Charratonatet et de Jehannin; 10 item, un prez en Falaton; 11 item, lo quart d’ un prez qui part à Jehannin; 12 item, doues pieces de terre seant \13 entre lo prez Girot et la terre Fauconet, fil Walner, fil Jaquier Oubry; 13 item, une pose de terre seant entre la terre Perrot, son frere, et la terre à Magnotz; 14 \14 item, un champ en la fin de la Vilette, entre la terre Jehanot d’ enchief lo Witon et lo chemin; 15 item, doues poses seant en Maumeldey, entre la terre Girat \15 ou joram et la terre Michiel; 16 item, un champ seant es Essert, ou conver, sus la mollie es Bussains et lo chemin de Moudon; 17 item, lo champ de la combe qui affron \16te à son prez et d’ autre part ou chemin de Moudon; 18 item, une pose de terre sus la mollie Jocier, ou Boverat affrontant à la vie corseaine. 19 Les quelx terres \17 dessus dites sunt assises ou territoires de la Froide Vile; 20 et est assavoir que les dites terres sunt es costumes de la dite vile quant à diemes, terraiges et la \18 main morte se elle y venoit; les quelx terres nous havons laissiez et outroiez à dit Johanot et à ses hers en la manere que dessus est devisez. 21 Et \19 prometons en bone foy que nous ne viendrons à l’ encontre en touz lo temps à-venir, mais les garderons fermament. 22 Et nous, freres Jehan, abbés de \20 Bellevaux, visitaires de nostre dite fille de Thele, qui ces covenances havons enquis diligiment et y havons estez presenz, les dites chouses, en la \21 condicion que dessus est ditz, par lo consentement des dit abbey et covent, à dit Johanot et à ses hers outroions et les luons, ratiffions et confermons. 23 En tesmoignage \22 de la quel chouse, nous havons mis noz seaulx en ces presentes letres en signe de vertez, saul nostre droit et lo droit d’ autruy. 24 Faites et donees l’ an \23 Nostre Seignour corant mil trois cent et quarante, ou mois de may.

Notes de transcription
^[1] Le bord gauche des l. 1-5 est rongé.