Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE044

1340, 8 mars

Type de document: charte: arbitrage

Objet: Arbitrage par Girard de Montfaucon d'une qurelle entre les habitants d'Orbe et le curédu même lieu.

Auteur: Girard de Montfaucon.

Sceau: sceau de Girart de Montfaucon.

Bénéficiaire: les gents d'Orbe et le curé d'Orbe.

Lieu de conservation: Archives communales d'Orbe PAA 1.

1 \2 l’ an Nostre Segniour corant mil trois cent quarante, le mescredi aprés les Bordes, 2 fut ordinez et concordez par \3 nos, Girard de Montaucon, sire de Orba, 3 dou discorz qui estoit entre nostres gent de Orba et nostre curié de \4 cel maime luef, dou parrochinage et des choses es queles les dictes nostres gent sunt tenues ou dit \5 curié dou consentemant des dictes parties: 4 primieremant ^[1], que aulmona ne se face mais-que de la \6 voluntez dou mors; 5 item, que por lo mors se facent trois presvera solont la pussance dou mors, et n’ i \7 doit mener li curié avoc luy fors des presveres et des clers si nonnest de la voluntez dou mors; ne puet \8 ne doit contrendre li dit curié de doner argent es dit presveres fuer que de la voluntez des heirs dou \9 mors; 6 item, ne doit lever li dit curié sus gent ou sus enfant qui sunt en tue ou en governacion de \10 pere ou de mere nulle chose, ce exceptez se li enfés mors havoit quatorze an ou quinze, l’ on doit lo tren\11taner et offerandes acustumees; 7 item, que li home riche qui prent feme doit ou curié por noces et \12 por beneicion doze deniers si ne mange es noces, et li povre home, six deniers, c’ est à savoir li riche de \13 quatro posses de terra ou de vignyes ou de la value; 8 item, feme qui vait à messe d’ enfant offrisse un pot \14 de vin, un pan de dos deniers et une chandele, et ne li puet demander li curié autre chose; 9 item, tuit \15 cil qui, tenent charue entere paoent ou dit curié une cope de froment chascon, et tuit li autry \16 qui tenent terra ou vinyes, c’ est à-savoir quatro posses de vinyes ou qui haurant la value, paoit chascon \17 un bichet, et qui ne tient terra, neant; 10 item, que li home riche qui ne wet faire lo ressat paoit ou \18 curié doze deniers, c’ est à savoir cil qui tient des quatro posses de terra ou de vinyes ou qui saroit \19 riche de la value, et li povre, six deniers, et li manovrers, trois deniers; 11 item, que tuit cil qui hont \20 fuef paoent chascon six offerandes par an, li home un denier et les femes ainsi corne elles hont acustu\21mez; 12 item, tuit cil qui sunt chié d’ ostauz paoent por cierge, luminare et confession chascon trois \22 deniers; 13 item, tuit cil qui sunt chié d’ ostauz, homes et femes, qui voudrent recevoir lours sacrament \23 et lours enolier ne doivent ou curié fors que à-la voluntez dou malade; 14 item, cil qui tenent charrues \24 paoent les trois corvaes ou curié, par les trois seisons par ainsi come il li est acustumez; 15 item, cil qui \25 hauront nassent paoent ou curié le dieme, c’ est à savoir dou pollein quatro deniers, dou veel un \26 denier et des autres nassent attendet jusque à l’ annee sequant. 16 Item, lo fait de la mayson la quelle \27 les dictes nostres gent demandent ou curié, nos retenons à nos à faire rayson qui neant hy \28 voudrat ou sarat demander. 17 En tesmoniage des quel choses, nos havons mis nostre seel pendant \29 en ceste presente letre. 18 Donee l’ an et lo jor sus dit.

Notes de transcription
^[1] Ouprumeremant.