Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE034

1322, avril

Type de document: charte: octroi

Objet: Guillaume de Joinville octroie à l'abbaye de Bonmont 30 soudées de terre à percevoir surle territoire de la ville de Vésenex en paiement d'une dette de 30 livres genevoisesqu'il lui doit depuis longtemps. Si les tenanciers de la ville de Vésenex qui doiventverser leur cens à l'abbaye en paiement des 30 soudées refusent de le faire, ils devrontpayer le double à l'abbaye. Dès que les 30 livres seront payées, les 30 soudéesreviendront à Guillaume.

Auteur: Guillaume de Joinville, seigneur de Gex.

Disposant: Guillaume de Joinville, seigneur de Gex.

Sceau: sceau de Guillaume de Joinville, seigneur de Gex.

Bénéficiaire: L'abbaye de Bonmont.

Autres Acteurs: Les tenanciers.

Lieu de conservation: ACV C VIII a 328.

1 \2 Nos, Guillaumes de Genville, sires de Gex, 2 façons savoir à-toz ceaux qui verront cex presenz lettres 3 que, cum nos \3 deusons à religious home et honeste, freire Estiene, abbé de Bonmont ^[1], et au couvent de ce meime lue trente livres de \4 genevoix de-par Mermillyot, le fil Jaquemin au Provençaul ça en-arryer, les quez trente livres nos deussons avoir paiés \5 grant temps i-ha passé au diz religioux, 4 nos, por nos et por nostres hers, dou lo et dou consentemant et de l’ outroy dame Johanne \6 de Savoe, nostre chiere compaigne et feme, assignons, ballions et outroions ^[2] à toz jours au dit abbé, present et recevent pour \7 luy et pour son couvent, trente soudees de nostre terre de monoe de genevoyx de annueil pension per chascon ant, assises en \8 la ville de Visinay sus les choses dedanz escrites, c’ est assavoir: sus Jaquemet dit Feste, de Visinay, et sus son tenememt, \9 treze soz; sus cez dou pont de Visinay. Wit soz; sus Perussot dit Groubete, troys soz; sus la Guye et ses freyres, troys soz; \10 sus Jannyn, freyre Lyarde, doze denyers; sus Estevenot le Preveret et sus son freyre, doze denyers, et sus les hoers Perret ou \11 douz, de Grens, doze denyers, et sus les tenemanz de toz les devanz-diz qu’ il tiegnyont de nos pour les cens desus nomez. 5 \12 Et volons et outroions ^[3] et commandons au diz homes et à lour hoers, pour nos et pour nostres hoers, à toz jours, que il paeont \13 au diz religioux et à lour successours chascons de lour la summe de l’ argent desus ^[4] dite chascons ant à la Saynt Michiel et à \14 Pasques, ensi comm-il havoent acostomé payer à nos, et que li diz religioux peussent recovreyr le doble se il ne payevont aus \15 termes desus nomez, par ensi com nos havons acostomé de recovreyr de celuy qui ne nos payeve à jour; 6 et se par aventure avenoyt que \16 aucons des homes desus diz ne vousit payer ensi com-il devroyt et est dit desus, nos prometons aus diz religioux que nos lour \17 ferons payer entyerement, ensi com-il est desus escrit, et en teyl manyere que, totes foez que nos paeront aus diz religioux, les dites \18 trente livres, que li diz trente soz revyegniont à nos et à nostres hoers, et en teyl forme et manyere que pour ce que nous poüns \19 rehavoir les diz trente soz par les dites trente lyvres payes es diz religioux. 7 Nos prometons, pour nos et pour nostres hoers, à toz jours, \20 par nostre bone foy, que nos ne lour demanderons negons fruiz ne trahites, ens les lour donons en aumone perpetual pour Deu et pour le \21 remeyde de nostre arme et de nostres ancessours. 8 Et prometons, par nostre bone foy, pour nos et pour nostre hoers, aus diz religioux et à \22 lour successours, les dites choses et chacone de celes mantenyr, deffendre et garentir de toz et contre toz, en jugement et defors, et \23 tenir en bone pays sens nulle corruption, et que nos ne vendrons encontres ne consenterons à autruy qui vouray encontre venir. 9 \24 Et renunçons en cel fait à toz droez et costomes et totes autres choses qui adier nos pourriont à-venir contre les dites \25 choses ou aucone de celes et es diz religioux pourriont noyre, et especialment au droit ^[5] qui dit la generaul renuncion non valoyr se li es\26peciauz ne ^[6] la devance. 10 En tesmoyn de la quel chose, nos, devan-diz sires, havons mix nostre sale en ces presanz lettres. 11 Done\27es et faytes ou moyx d’ avril, l’ ant de l’ Encarnacion Nostre Seigniour corrant par mil .CCC. et vint et dous.

Notes de transcription
^[1] Ainsi coupé: Bon Mont.
^[2] Abréviation pas résolue
^[3] Abréviation pas résolue
^[4] Ainsi coupé: de sus.
^[5] Le scribe, par erreur, a écrit: dorit.
^[6] Le scribe, par erreur, a écrit: de.