Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE031

1321, 15 juin

Type de document: charte: octroi de faveurs

Objet: Agnès de Savoie intègre Guillaume d'Epagny, curés de Copponex, à sa maignie en tant quemaistre de son hotel, en récompense des bons services qu'il lui a rendus.

Auteur: Agnès de Savoie, comtesse de Genève.

Disposant: Agnès de Savoie, comtesse de Genève.

Sceau: sceau d'Agnès de Savoie, contesse de Genève.

Bénéficiaire: Guillaume d'Epagny, curé de Copponex,.

Lieu de conservation: AEG Pièces historiques 199.

Édition antérieure: Mémoires et documents publiés par la Société d'histoire et d'archéologie de Genève,XVIII, 66-68.

1 \2 Nos, Agnés de Savoe, contesse de Geneva, 2 façons savoyr à totz cez qui verront \3 et orront ces pressent letres 3 que pensez et diligement considerez los servis ^[1] \4 et les bontez les quez nos à fayt ou tens çay en arrees et especyalement deys la \5 mort de nostre chier seigniour en çay, et fat cheque-jors dontz Guillames d’ Espagny \6 curez de Copunay, ly quez en à eutz ^[2] compassyon de nos et de nostre estat nera de ce dacorr[ir] \7 nostres pluys grant necessytez en poynt et en lue que totes autres gent nos \8 ant fally et por ce fayre nera assymant dote de soy metre en peryl de avoyr \9 et de sostenyr le fays et la charge de povreté 4 nos vollyent et dessirent sus \10 totes chosses guierdoner les dytz servysses ensy com nos poons meytenaz en-esperat \11 de melloyrier totz jors sey l’ esmeydemant de fortune et de nostre estat, \12 encor vollyantz et dessirantz porver à nos et à nostres besongnes de la-leauté \13 dou sentz et de la dyscrecyon dont dyt dont Guillame, ly quez nos apar mannifestemant \14 per ses faytz et per ses ovres lui ^[3] retenons de nostre conseyl pluys estroyt \15 de nostre meynie, de nostre hostel et de nostres robes tant quant nos et luy serons \16 en cete mortel vie 5 et se ly prions en-pidyé et requerons que la charge dou \17 guovernament de la cure de la ministracyon de nostre hostel sotenir vellyet \18 ^[4] et porter per celluy mayme tens en telle guisse que de celluy guo\19vernament et aministracyon ne soy tenuz de rendre conte aprés nostre mort \20 à nostres sucessors ne à autre persone vivant 6 et se yssés estoit que il oüt \21 ryens mesprys au-dyt guovernament par que-que mannere ne par queque ochisson \22 que yl fut, celle mesprisson et la poynne que yl en-devreyr porter nos li denons, \23 remetons, quitons et outroons par la pluy fort mannere que nos poons men\24tenantz par adonque et quar acunes gentz especyalment cyl qui sunt desco\25ngnissant des servysses qui lour ^[5] ont esté fayt, porryont penser que \26 nos fyssant ces chosses per l’ esmoniemant dou dyt dont Guillame ou d’ autruy \27 por luy à oster la folle pansee de tez gantz nos jurons et prometons sus \28 les sentz avangelles de Nostre Seigniour en la pressance de dont Jordaynt, \29 curé de Quintaz, nostre chapellayn, et de Mermet de Chenay, nostre escuer, et \30 de pluyssors autres dyngnes de foy que nos ces chosses façons et \31 faytes avons de nostre bone vollonté et par nostre profyt et sens esmovemant \32 d’ autruy et par co que myoz nos souyngnet et denget sovenyr \33 des dytes bontez, servys et cortessyes faytes à nos par lu-dyt dont Guillame, 7 \34 nos prometons et jurons ensy com desus que nos totes les chosses desus escrites \35 atendrons, garderons et servarons tote nostre vie par nostre poor ne contre celles \36 ne vyndrons par nos ne par autruy. 8 Au tesmongnyage de les quez chosses faytes \37 et outreyes par nos, avons mys en cez pressent letres nostre grant seel et \38 de nostres mayns et tantos les avons ballyes au-dyt dont Guillame, ly quez \39 par nostres proeres et en-dotaz de encorroe nostre endynacyon s’ il out fally \40 à celles nostres proeres les à receues en mercyantz formantz à nos et a \41 juré tantos et promis qu’ il sera fyaz ver nos et ver nostre fil Amé, conte \42 de Geneva, tote sa vie sens nostre requeste. 9 Donees et ballyes auss[…] ou chatel \43 en la chambre qui regarde ver lu lay de costé la salle vyez en l’ an de Nostre \44 Sengniour mil et .III^ccc. et .XXI. et le .XV. jors de juynner.

Notes de transcription
^[1] Suit par erreur: lesnon biffé.
^[2] Ouaentz.
^[3] Suit: redenons ouredevons, biffé.
^[4] Au début de la ligne, répétition par erreur de sotenir.
^[5] Suitsunt biffé.