Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE030

1320, février

Type de document: charte: donation en aumône

Objet: Guillaume et Joinville et Jeanne de Savoie, sa compagne, donnent en aumône à l'abbaye deBonmont les fruits des corvées de printemps, d'été et d'automne de la seigneurie deDivonne. Ils ordonnent au châtelain de Divonne de respecter cette donation sous peined'une amende 60 sous genevois à payer au seigneur de Gex et de 120 sous à payer àl'abbaye.

Auteur: Guillaume de Joinville et Jeanne de Savoie, fille de Louis de Vaud.

Disposant: Guillaume de Joinville et Jeanne de Savoie.

Sceau: sceaux de Guillaume de Joinville et de l'official de la cour de Genève.

Bénéficiaire: abbaye de Bonmont.

Autres Acteurs: Les habitants de la seigneurie de Divonne.

Lieu de conservation: ACV IB 268/295.

1 \2 Nos, Guillaumes de Jenville, sires de Gex, e Johanne de Savoe, dame de cel meyme [lué], 2 façons savoir à touz \3 cex qui verront e orront ces presenz lettres 3 que nos, considerenz le profit e le salvement de nostres armes e \4 en aprés de toz nostres devanters, donons e outreions par donation pure faite entre viz, pour nos e pour nostres hoirs, à toz \5 jors, puremant pour Deu e en aumogne perpetuaul, à religioux home e honeste, à frere Esteyne, abbé de Bonmont ^[1], \6 present e recevent à lait de luy e de son covent de Bonmont ^[2], totes nostres corvaes que nos havons e devons \7 havoir e usé havons de prendre e de lever, c’ est assavoir trois foyz en l’ ant les charrues, en primaveyre, en soma\8raul e en outont, en la parroche de Dyvone e en la ville de Visinay e partout ^[3] la ou nos […]vons havoir corvaes en \9 la segnorye de Dyvone, 4 e donons e outreions ou dit abbé, present e recevent par le non que dessus, tot droit, tote action \10 que nos havons es dites corvaes par ensi com nos havons usé tant-que ou jor-d’ uy. 5 E nos desvitons des dites cor\11vaes e des appartinences de celes, e le dit abbé en envitons à lait de luy e dou dit covent de Bonmont ^[4], par le baille\12ment de ces presenz lettres. 6 E mandons e commandons par ces presenz lettres à nostre chastellain e à nostre mestral de \13 Dyvone, qui orendroit i sont e seront ou temps à-venir, qu’ il contregniont toz les boviez e les charruions \14 des diz lués de rendre bien e entierement e en bone foy chascon ant à chascone seyson les dites corvaes e char\15ruies es diz religioux ou à lour message quant il les requerront pour arer lour terres de Bogie, de Bossey, de la \16 Grant Sulinet, de Chastaneree ou dou Channey, ou autrement faire tote lour volunté; 7 e s’ il ne le faceont, nos donons \17 e outreons plein poer, pour nos e pour nostres hoyrs, à toz jors, es diz religioux ou à lour message de prendre, par lour \18 auctorité, la couttal de cele charruie qui ne voudroit venir arer à lour comant, un jor ou dos aprés lour requeste, \19 car ensi l’ avons usé tant-que ou jor d’ uy; 8 e deffendons à toz nostres subget e megnens qui sont orendroit à nos e qui seront \20 ou temps à-venir qu’ il ne pregnont ne demandeons es diz religioux, pour aucone rayson qui soit, aucone des dites \21 charruies, cum nos les haions donees puremant pour Deu e pour le remede de nostres armes. 9 E prometons pour \22 e pour nostres hoyrs presenz e à-venir, en nostre bone foy e par nostre soiremant doné sus senz evangile, que nos les di\23tes corvaes e charruies ensens lour appartinences ou dit abbé, present e recevent en non que dessus, mantindrons e \24 deffendons de toz e encontre toz, en jugement e defors, e que nos jamais ne vindrons contre la dite donation ne \25 consentirons que nyons autre viegne encontre par negon droit ne par negon privilege qui aidier nos poist e es diz religioux \26 poist nuyre. 10 E pour miez tenir e atendre totes les choses dessus e dessoz dites bien e fermement es diz religioux, nos, \27 li diz sire et la dite dame, nos obligons e nostres hoyrs, presenz e à-venir, e totes nostres choses, mobles e non mobles, \28 presenz e à-venir e toz nostres officiayres, e nos supposons en la juridicion de la cort monsire l’ evesque de Geneve, li \29 quez nos puisse e dege contraindre par son officiaul, e nostres hoyrs, presenz e à-venir, par escumuniement à gardé e à-tenir to\30tes les choses dessus e dessoz dites. 11 E se ensi estoit, li quez chose ne sera ja se Deu plait, que nostre hoyr ou aucon de cex ne \31 volit tenir les dites choses, nos les condampnons, à lait des diz religioux, ou doble de la valour des dites corvaes e charr[uies]; 12 \32 e se ensi estoit encores que li diz religioux ne puissaint juir ne avoir em-pais les dites charruies e corvaes ensens […] \33 dit doble par le deffaut ou par l’ empegnement de nostres hoyrs ou d’ aucons de cex, nos cex qui doneriont ne fariont […] \34 le deffaut ou l’ empegnement, condampnons ensi com nos miez poons, par droit e par rayson, en cent livrees de terre à Geneve, \35 les quez nos assetons ou meillour de nostre terre de Gez, c’ est assavoir sus nostres choses que nos havons en la souterye de \36 Sessye; les quez cent livrees de terre, nos donons à toz jors à celuy de nostres hoyrs qui voudroit tenir e faire atendre les \37 dites choses e puit recovrer les dites .C. livrees de terre sus celuy de nostres hoyrs qui auroit doné l’ empegnement. 13 E se \38 aucons des diz boviers ou de nostre megnyez turbave les diz religioux ou lour message en aucone chose les dites \39 corvaes nos le condampnons en sexante soz de genevois vers nos e ou doble à-rendre es diz religioux de ce qu’ il lour \40 auroit torbé. 14 E renonçons en cest fait de nostre certayne science à toz droiz de canon e de loys par les quez nos por\41riont venir encontre les dites choses ou aucone de celes. 15 Les quez choses dessus dites, totes ensemble e chascone par soy, \42 petites e granz, nos prometons ensi cum dessus garder senz corrumpre e non venir encontre, e les diz religioux e lour \43 choses garder e deffendrede totes genz à nostre leaul poer. 16 En tegmoin de la quele chose, nos li diz sires, dou lo e \44 de la volunté de la dite dame, nostre compaigne, havons doné ces presenz lettres es diz religioux saelees de nostre \45 sel pendant, e havons requis ensemble le dit officiaul qu’ il en cez presenz lettres mete lo sel de la dite cort de \46 Geneve en tegmoin de verité; e nos li diz officiauz, à la proiere e à la requeste des diz segnour e dame de Gex, \47 havons mis lo sel de la dite cort en cez presenz lettres avoy lo sel dou dit sire de Gex. 17 Ce fu fait à Dyvone, \48 l’ ant de grace corant par mil trois-cenz e vint ant, ou meys de fevrer.

Notes de transcription
^[1] Ainsi coupé: Bon Mont.
^[2] Ainsi coupé: Bon Mont.
^[3] Ainsi coupé: par tout.
^[4] Ainsi coupé: Bon Mont.