Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0235

1264,juin. - Douai.

Type de document: charte: reconnaissance de dette

Objet: Reconnaissance d'une dette de 60 livres par. par Huart de Hénin et Gautier de Bouchain envers Gautier de Gouy.

Auteur: non annoncé, échevins de Douai.

Disposant: Huart de Hénin, Gautier de Bouchain.

Sceau: non scellé; devise chirographaire: CIROGRAPHE

Bénéficiaire: Gautier de Gouy, fils de feu Bernard de Gouy, bourgeois de Douai.

Autres Acteurs: échevins de Douai: Bernard Catel, Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5797.

Verso: C'est covenence Watier de Goy, le fil Biernart de Goy ki fu.

1 Sacent tout cil sunt sunt et ki a-venir sunt ke 2 Huars de Henin, li freres Monsigneur Gerart de Henin, chevalier, et Watier de Bouchaing \2 doivent et ont en-covent, cascuns por le tout, a Watier de Goy, le fil Biernart de Goy, bourgois de Douay ki fu, .LX. lb. de par. de boine dete \3 et de loial a-rendre et a paier dedens le Nativité Saint Jehan Baptiste en l'an .LXV. isme; et s'il avenoit cose ke ceste dete n'estoit ren\4due et paiee au bourgois devant dit u a-sen hoir, se de lui estoit defalit, u a-sen conmant a Douay dedens le termine devantdit, li deteur \5 devantdit li doivent et ont en-covent cascuns por le tout a-rendre tous les cous, tous les despens et tous les damages ke il-i-aroit u \6 feroit par le defaute de leur paiement en-quelconke maniere ke ce-fust juskes au double de le dete devantdite, se tant li coustoit, par sen dit \7 u par le dit de sen hoir, se de lui estoit defalit, sans autre provance faire avoec le dete devantdite. Et avoec çou, li deteur devantdit \8 veulent et otrient ke li borgois devantdis u ses hoirs puist doner del leur au signeur de le tere u as baillius u a-quele justice k'il vaura \9 por se dete devantdite a-requere et faire avoir juskes a .X. lb. de par. sans les covenences devantdites ramenrir. 3 Et de tout çou-faire et tenir \10 ensi com ci devant est dit, en metent et ont mis li deteur devantdit en droit, en loi et en abandon envers tous signeurs et envers toutes justices \11 tous leur biens et aus et tout le-leur, u ke il-l'aient, en tele maniere ke li bourgois devantdis u ses hoirs le puist prendre et faire prendre \12 a-aus et au leur et a cascun d'aus por le tout partout u ke il-l'aient com le-sien juskes a-tele covenence ke ci devant est dite. 4 Et s'est \13 a-savoir ke Huars devantdis doit et [a] [en] [cov]ent ^[1] a-aquiter Watier de Bouchaing devant noumeit de toute ceste covenence et de \14 quankes il li cousteroit juskes a sen dit. A ceste covenence, furent com eskievin Biernars Cateus et Simons Malés ^[2] \15 en l'an del Incarnation Nostre Signeur [mil] ^[3] .CC. LXIIII., el mois de juing.

Notes de transcription
^[1] le parchemin est troué.
^[2] le nom des échevins est d'une autre main ms.
^[3] le parchemin est troué.