Téléchargement du document

Documents linguistiques galloromans
Corpus : docVaud (chVauGe)
Responsable du corpus : NN
Édition de la charte : Bernadette Gavillet.

docVDGE021

1304, mai

Type de document: charte: quittance

Objet: Pierre d'Usiers déclare que l'abbaye de Romainmôtier l'a acquitté des 20 sous de censqu'il lui devait en raison des îles situées sur le Drugeon qu'il a repris en fief duprieur.

Auteur: Pierre d'Usiers.

Disposant: abbaye de Romainmôtier.

Sceau: sceau de Pierre d'Usiers et de Henri, seigneur d'Usiers.

Bénéficiaire: Pierre d'Usiers.

Lieu de conservation: ACV C VII a 215.

Verso: Carta de feodo domini Petri de Usyes, militis.

1 \2 Je, Pierres d’ Usiés, chevaliers, chastelains de Monmaour, 2 fais savoir à touz ces qui verront et orront \3 ces presentes letres 3 que, come religiouse persone et honeste, li priours de Romainmostier ^[1] me \4 demandest vint soz de cens sus une hylle que siet sur le Donion ^[2], atenant d’ une part \5 à l’ ille à saunier de Sainte Colombe et d’ atre part atenant dou Donion, que je ai repris la dite \6 hylle dou dit priour an fief, ansanble une hille li quele part à monsi Jehan Fromaget, atenant \7 d’ une part et d’ atre dou Donion, et mes hilles que partent à Renaut de Saint Jome, atenant \8 d’ une part dou Donion et d’ atre part atenant des mares. 4 Et por la raison de ce que je ai reprises \9 les devant dites hilles, por moi et por mes hoirs, dou dit priour, li diz priours m’ a quité des \10 diz vint soz de cens, moi et mes hoirs, ne jemais ne m’ an puet ne doit riens demander, \11 moi ne à mes hoirs. 5 Et je, li devant diz Pierres, chevaliers, ai renuncié et renunçoi à toutes exceptions, \12 allegacions et deffenses de mal, de barat, de deception, et à toutes exceptions de droit, de fait, \13 de costume et de lois, et touz droiz, escrit et nonmie escrit, que moi et es mes hoirs porroent aidier \14 et à dit priour porroent nuire, especialment à droit disant generax renunciacion ne vaut. 6 \15 En tesmoignage de la quel chose, je ai mis mon seel pandant en ces letres et ai prié et requis mon \16 tres bien amé seignour, mon seignour Henril, seignour d’ Usiés, qu’ i meste son seel en ces \17 letres ensanble le mien seel; et je, Henriz, sires d’ Usiés, à la priere et à la requeste dou dit mon \18si Pierre, ai mis mon seel pandant en ces letres ensamble le suen seel. 7 Faites et donees \19 l’ an Nostre Seignour corrant par mil trois cenz et quatre, ou mois de may.

Notes de transcription
^[1] Ainsi coupé: Romain Mostier.
^[2] Ici et ci-après: Donjon?