Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0230

1264,(25-30)juin. - Douai.

Type de document: charte: promesse

Objet: Reconnaissance d'une dette de 45 livres par. par Thiebaut "le Maire", de Gavrelle, envers Henri "Maton" et Huart de Hénin.

Auteur: non annoncé, échevins de Douai.

Disposant: Thiebaut le Maire, de Gavrelle.

Sceau: non scellé; devise chirographaire: CIROGRAPH-E

Bénéficiaire: Henri Maton, Huart de Hénin.

Autres Acteurs: échevins de Douai: Bernard Catel, Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5805.

Verso: C'est covenence Henri Maton et Huart de Henin.

1 Sacent tout cil ki sunt et ki a venir sunt ke 2 - Tiebaus li Maires, de Gaveriele, doit et a en-covent a Henri Maton et a Huart de Henin \2 .XLV. lb. de par. de boine dete et de loial a rendre et a paier dedens les .XV. jours prochains apriés le jour de le Nativité Saint Jehan Baptiste, le premiere \3 ki vient; et s'il avenoit cose ke ceste dete n'estoit rendue et paiee a Henri et a Huart devantdis u a l'un d'aus deus u a leur hoirs, se d'aus estoit \4 defalit, u-a leur conmant a Douay dedens le termine devantdit, Tiebaus devantdis leur doit et a en-covent a rendre tous les cous, tous les despens \5 et tous les damages ke il i-aroient u feroient par le defaute de sen paiement en-quelconke maniere ke ce fust juskes au double de le dete devantdite, \6 se tant leur coustoit, par leur dis u par le dit de l'un d'aus deus u de leur hoirs, se d'aus estoit defalit, sans autre provance faire avoec le dete de\7vantdite. Et tout çou leur a Tiebaus devantdis en-covent a lui et au-sien en-tele maniere ke Henris et Huars devantdit u li uns d'aus \8 deus u leur hoir le puissent prendre et faire prendre a lui et au sien partout u ke il l'ait com le leur juskes a tele covenence ki-ci-devant \9 est dite. 3 A ceste covenence furent com eskievin Biernars Cateus et Simons Malés ^[1], en l'an del-Incarnation Nostre ^[2] \10 Signeur mil .CC. LXIIII., el mois de juing.

Notes de transcription
^[1] le nom des échevins est écrit d'une autre main ms.
^[2] le tilde manque ms.