Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0222

1263, décembre. -

Type de document: charte: vente

Objet: Vente par Wautier, châtelain de Douai, et sa femme Jeanne des menus tonlieux de Douai aux échevins de cette ville.

Auteur: Wautier, châtelain de Douai, chevalier, Jeanne, sa femme.

Disposant: Les auteurs.

Sceau: sceau de cire brune sur cordelette de soie rouge tressée de Wautier, châtelain de Douai.

Bénéficiaire: Echevins et commune de Douai.

Autres Acteurs: Marguerite de Constantinople, comtesse de Flandre.

Support: Original parchemin scellé.

Lieu de conservation: AM Douai, CC 171.

Édition antérieure: BRASSART, Preuves, p. 87, n° 64.

Verso: VII^a. lettre du castelain de Douay du vendage qu'il fist as eschievins de Douay de ses menus tonnelius.

1 Nous Watiers, castelains de Douai, chevaliers, et Jehane, se feme, faisons savoir a tous çaus ki ces lettres veront et oront \2 ke 2 nous avons vendu bien et loiaument et par droit pris dont nos nos tenons a_paié, pour no grant pourfi, par le gré et l'otroi de no \3 chiere dame Margritain, contesse de Flandres et de Hainau, as eschievins de Douai, a-oes le conmunité de le vile devant dite, tous \4 nos menus tonlius fors de l'iauwe ke nos aviens et poiens avoir et demander en le vile et el pooir de le vile de Douai devant dite, \5 ke nos teniens en fief de no dame devant dite. 3 C'est a savoir en hanas de madre et de fust, en escueles, en taules, en platiaus, \6 en pos quel k'il soient, en mais, en aubes, en palius, en peles, en couves-peles, en fourkiés, en retines, en ramons, en coerbisons, \7 en panieres, en vans, en coerbilles, en barisiaus quel k'il soient, en estandars, en taules, en berlens, en eskieles, en chivieres, \8 en brouetes, en espois quel k'il soient, en verghes, en fauchilles, en voiles, en lanternes, en pignes et en toutes fustailles et \9 quankes nos aviens et poiens avoir d'estalages a merchiers, a escueliers, a potiers, a vaniers, a mairouniers, a hugiers, a kes\10tiers et a quel ke soit estaliers ki a ces choses apartienent et en totes les apartenances de toutes les choses devant dites; 4 tout le \11 droit ke nos aviens et poiens avoir en cel tonliu, tous ces estalages et en toutes ces choses devant dites, nos avons porté et mis \12 en le main de Thibaut de Levincort, ki baillius estoit adont de Douai, et ki pour cesti chose estoit el liu de no dame le contesse \13 devant dite, a-oes les eschievins et le conmunité de le vile devant dite par devant les homes no dame le contesse devant nomee, \14 ki no per et jugeur sunt de ces choses ki disent par le cojurement dou bailliu devant dit ke nos estiens issu de ces tonlius, \15 de ces estalages et de toutes les choses devant dites bien et par loy et jamais riens ne nos hoirs n'i poiens demander; 5 et li devant \16 dis baillius les rendi et raporta devant les homes devant dis en le main des eschievins, a-oes le conmunité de le vile devant dite, \17 pour deus deniers dowisiens de cens et de rente cascun an ke li conmunités de le vile de Douai devera au segneur de Flandres, \18 a paier cascun an a sen bailliu de Douai le jour Saint Remi et s'on ne paioit ceste rente cascun an le jour Saint Remi, on en deveroit \19 double rente, c'est a savoir quatre deniers dowis. de celi anee c'on en defaurroit. 6 Et si est a savoir ke je Watiers devant només ai \20 en covent ke se Jehane, me feme devant nomee, u ame de le sive partie traioit en aucun tans a cel tonliu, a ces estalages et a ces cho\21ses devant dites, en tout u en partie, pour l'ocoison de sen dowaire, je et mes hoirs seriens tenu dont j'ai assené et assenne les eschievins de \22 Douai, a-oes le conmunité devant dite, sour tout chou ke je tieng a Douai en fief de me dame le contesse deseure dite, de rendre qua\23tre livres de par. de rente par an et ke li eschievin devant dit les aient et et prengent cascun an sour celui fief tant longement ke \24 Jehane, me feme deseure dite vivera; 7 et cest assenement, ai jou greé, loé et fait par devant le bailliu et les homes me dame le con\25tesse devant nomee, ki deseure sunt dit mes pers, li quel home, sour ce conjuré dou bailliu devant dit, disent ke li assenemens \26 devant només est bien et a loi fais. Toutes les covenences deseure devisees, nos Watiers et Jehane devant nomé, avons en covent \27 bien et loiaument par foi et par seremens de nos cors prope, en-tout et en partie, a tenir. 8 Et pour ce ke ce soit ferme chose et bien \28 tenue de nos et no hoir, jou Watiers devant només ai ces presentes lettres seelees de men seel, donees l'an del Incarnation No\29stre Segneur mil .CC. sexante et trois, el mois de decembre.