Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0220

1263, 1^er-29 avril. - Douai.

Type de document: charte: vente

Objet: Vente de 8 marcs de rentes héritières sur diverses maisons et d'une maison au Pont de Wibert Picquette, le Moine, à Renier Picquette, son frère.

Auteur: non annoncé, échevins de Douai.

Disposant: Wibert Pikete, le moine.

Sceau: non scellé; devise chirographaire: CY-RO-GRA-PHUM

Bénéficiaire: Rénier Pikete, son frère.

Autres Acteurs: échevins de Douai: Baudouin d'Estrées, Bernard Catel.

Support: Original parchemin chirographe superposé bipartite - partie inférieure.

Lieu de conservation: AM Douai, FF 660/5791.

Verso: Cis escris est Renier Pikete.

1 Sacent tout cil ki cest escrit veront et oront ke 2 Wibers li moines Pikete a vendu et werpi \2 a Renier Pikete, sen frere, .VIII. mars d'iretage k'il avoit es lius ci desous deviseis, 3 c'est a savoir \3 sour le maison Grart le Coureur dehors le porte dou Marchié, dou fons de le tere, .I. marc, sour \4 le maison Richart Cardion el Marchié .I. marc, sour le maison Watier de Moulli el Maisiel. 1/2. marc, \5 sour le maison Simon le Fevre en le rue de Belaing, dou fons de le tere, .II. mars, sour le mai\6son Fremaut Luserier, dou fons de le tere,. 1/ 2. marc et .I. lot, sour le maison Jehan le Borgne \7 selonc le moelin d'Escoufliel, dous fons de le tere,. 1/2. marc, .I. lot mains, sour le maison Andriu \8 de Coustices as Weis, dou fons de-le tere,. 1/2. marc, sour le tenement Lione le Telier a Barlet au \9 ponciel, apriés le fons de le tere, .I. marc, sour le maison Rogier le Mie, apriés le fons \10 de le tere, a le Noevile .I. marc. 4 Encore li a il vendu et werpi se maison ki siet el pont entre \11 le maison Renier de Goy et le maison ki fu Eremberghien Pikete, tout ensi k'ele siet \12 wide et herbegie devant et derriere, sans rente. 5 Et tout çou, ki deseure est dit, a Wibers de\13vant només en covent a aquiter a Renier deseure dit ensi com devisé est duskes au dit \14 d'eschievins; 6 et de toutes ces choses deseure dites, a Reniers devant només en-covent a ovrer \15 par le conseil d'eschievins, s'il i avoit a amender en tout u en partie. 7 Tout çou fu fait \16 par devant eschievins en le hale Baude d'Estrees et Bernars Cateus en l'an del Incarnation \17 Nostre Segneur mil .CC. LXIII., el mois d'avril.