Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0202

1262, juillet. - Douai.

Type de document: charte: arrentement

Objet: Arrentement d'une maison rue Saint-Jean par Robert "le Lormier" à Mahieu "le Clerc" moyennant 20 s. de par. de rente et l'engagement pris par Mahieu "le Clerc" d'y faire des améliorations pour 40 s. de par.

Auteur: non annoncé, échevins de Douai.

Disposant: Robert le Lormier.

Sceau: non scellé; devise chirographaire: CY-RO-GRA-PHUM

Bénéficiaire: Mathieu le Clerc.

Autres Acteurs: échevins de Douai: Bernard Pilate, Bernard Catel.

Support: Original parchemin chirographe superposé bipartite - partie inférieure.

Lieu de conservation: AM Douai, FF 660/5778.

Édition antérieure: Espinas, Vie urbaine, t. III, n 415, p. 318.

Verso: Et s'a en-covent Mahius li Clers d'autre part nomeis ke se maisons soit as us et as coustumes des hiretages de le vile. - Cis escris est Mahiu le Clerc^[a].

1 Sacent tout cil ki sunt et ki a-venir suntque 2 Robiers li Lormiers a werpit et dounet a rente \2 a Mahiu le Clerc une maison que cils Robiers avoit en le rue Saint Jehan entre le maison Ydain \3 Peskeriele et le maison celui Robiert, si que cele maisons siet, wuide et hiebreghie, a .XX. s. de \4 par. par an sor toutes rentes; et s'il avenoit c'on deswagast le maison Mahiu li Clerc devant \5 dite por le defaute de le rente des maisons Robiert devant dit en alcun tans, Robiers \6 devant noumés a-counut et otriiet que Mahius li Clers s'en tiengne al autre maison celui Ro\7biert qui est joingnans a-le maison celui Mahiu de tout chou c'on demanderoit de rente \8 a le maison Mahiu devant dit outre les .XX. s. devant dis. Et si a en-couvent Mahius \9 li Clers a-esmiudrer le maison devant dite de .XL. s. de par. dedens ces deus ans prochains \10 par le dit de preudoumes; et ces .XL. s d'esmiudrement, a en-couvent Mahius devant dis \11 sor lui et sor le-sien que Robiers devant noumés le puist prendre a-lui et au sien u k'il l'ait \12 coume le sien apriés les deus ans devant dis. Et tout ensi com chi devant est devisset, \13 a en-couvent Robiers devant dis a-aquiter le maison devant dite dusques al dit d'es\14chevins a Mahiu devant noumet. Tout chou fu fait en le hale par devant \15 eschevins Biernart Pilate et Biernart Catel, en l'an del Incarnation .M.CC. et. LXII., \16 el mois de julié.

Notes de fiche
^[a] mention écrite au dessus de la précédente, un peu à l'écart