Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0195

1262 (n.st.), 1^er-29 mars. - Douai.

Type de document: charte: reconnaissance de dette

Objet: Reconnaissance par Jean "Tanars" et Jean "Masenghe" d'une dette de 13 livres envers Hues "le Boursier" et constitution de deux pleges, Willot "Corbiaus" et Jacques de Mons.

Auteur: non annoncé, échevins de Douai.

Disposant: Jean Tanars, Jean Masenghe.

Sceau: non scellé; devise chirographaire: CY-RO-GRA-PHUM

Bénéficiaire: Huon le Boursier.

Autres Acteurs: Willot Corbiaus, Jacques de Mons. - échevins de Douai: Gérard le Morant, Robert le Fevre.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5771.

Verso: Cis escris est Huon le Borsier.

1 Sacent tout cil ki sunt et ki a-venir sunt que 2 Jehans Tanars et \2 Jehans Masenghe doivent et ont en-couvent cascuns por le tout \3 a Huon le Borsier .XIII. lb. de par. a-rendre et a-paier a-le Tousains proçainne \4 ke nous atendons et s'il en-defaloient, Hues li Borsiers poroit douner de \5 leur deniers sans le sien amenrir a quel signeur u a-quel justice k'il vol\6roit dusques a .X. lb. de par. por se dete devant dite a-requerre et \7 faire avoir et ces .X. lb. deveroient rendre et renderoient li deteur devant \8 dit a Huon le Borsier avoec le dete devant dite; et toutes ces couvenences \9 ont fiencies a tenir Jehans Tanars et Jehans Masenghe a Huon devant \10 dit et toutes ces couvenences ont en couvent Jehans Tanars et \11 Jehans Masenghe sor als et sor le leur que Hues li Borsiers le puist pren\12dre a als et au leur partout u k'il l'aient dusques a-tel couvenence ki \13 chi devant est dite. De-toute ceste couvenence et en autel point sunt \14 dette cascuns por le tout Willos Corbiaus et Jakemes de Mons. \15 Et sacent tout que Willos Corbiaus ^[1] et Jakemes de Mons devant dit doivent et \16 ont en-couvent cascuns por le tout à Huon le Borsier devant dit .VII. \17 lb. et .XVI. sol. de par. a-rendre et a-paier a-le Tousains prochaine ke nous \18 atendons; et tout chou ont en-couvent Willos Corbiaus et Jakemes de \19 Mons sor als et sor le leur que Hues li Borsiers le puist prendre a als et au \20 leur par tout et quanques il li cousteroit dusques a-sen dit sains (sains) ^[2] \21 autre prouvance faire avoec les .VII. lb .XVI. s. devant dites. A ces counis\22sances devant dites furent coume eschevin Gerars li Morans et Robiers \23 li Fevres, en l'an de l'Incarnation .M.CC. et. LXI., el mois de march.

Notes de transcription
^[1] Corbiausen interligne ms.
^[2] ms. répétition de sains.