Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0191

1261, novembre. - Douai.

Type de document: charte: reconnaissance de dette

Objet: Reconnaissance par Jehan d'Evin d'une dette de 200 livres; prix de 5 sacs de laine et d'un cheval, envers Simon "dou Castiel" et son frère Amaury.

Auteur: non annoncé, échevins de Douai.

Disposant: Jehan d'Evin.

Sceau: non scellé; devise chirographaire: CY-RO-GRA-PHUM

Bénéficiaire: Simon du Castel, Amaury, son frère.

Autres Acteurs: échevins de Douai: Gérard le Morant, Robert le Fevre.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5768.

Édition antérieure: Espinas, Vie urbaine, t. III, n° 407, p. 312.

Verso: Cis escris est Simon dous Castiel et Amolri sen frere.

1 Sacent tout cil ki sunt et ki a venir sunt ke 2 Jehans d'Aivin doit et a en-couvent \2 coume se propre dete a Simon dou Castiel, borgois de Douay, et a Amolri, sen frere, \3 deus cens lib. de par. de boine dete et de loial et de leur propre catel sans cous et \4 sans usure, s'est a-savoir de .V. sas de lainne et d'un cheval, a rendre et a paier a \5 Douay a Simon dou Castiel et a Amolri sen frere devant dis u a l'un d'aus deus u a leur \6 coumant u a leur hoirs, se d'als estoit defallit, de cest Noel prochain que nous aten\7dons en .I. an apriés; et s'il avenoit cose ke ceste dete n'estoit rendue et paie de\8dens le termine devant dit, si que devisset est, et Simons dou Castiel et Amolris, ses \9 freres, i avoient painne, cous u damages par le defaute del paiement Jehan d'Aivin \10 devant dit, rendre leur doit Jehans d'Aivin devant dis tous les cous, tous les \11 despens et tous les damages que il i aroient u feroient en quelconques maniere \12 que ce fust dusques a leur dis u dusques al dit de l'un d'aus deus u dusques al \13 dit de leur hoirs, se d'als estoit defallit, sains altre prouvance faire avoec le dete \14 devant dite. Et toutes ces couvenences a en-couvent Jehans d'Aivin devant dis \15 sour lui et sour le sien que Simons dou Castiel et Amolris ses freres u li uns \16 d'aus deus u leur hoir, se d'als estoit defallit, les puissent prendre a lui et \17 au sien par tout u k'il l'ait et vendre et despendre coume le leur dusques \18 a tels couvenences ki chi devant sunt dites. Et de toutes ces couvenences en \19 a Jehans d'Aivin renonciet a tous privileges de crois ki soit dounee u a dou\20ner soit, a toutes bares, a tous refuis soit de plait de crestienté, soit de \21 plait mondain, a tous warans et a toutes les coses ki li poroient aidier et va\22loir et grever Simon dou Castiel et Amolri, sen frere, u leur hoirs, se d'als \23 estoit defallit. A ceste counissance furent coume eschevin Gerars li Mo\24rans et Robiers li Fevres. 3 Ce fu fait en l'an del incarnation Nostre Segneur .M.CC. et. LXI., el mois de novembre.