Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0156

1259, décembre. - Douai.

Type de document: charte: reconnaissance de dette

Objet: Reconnaissance par les chevaliers Gérard d'Avelin, Bauduin de Courcelles, Bauduin "Broiars", Jean, frère de Gérard et Jean "le Senescal" d'une dette de 76 livres de par. envers Gautier "Piet d'argent" le jeune pour l'achat de deux sacs de "laine de Beckland".

Auteur: non annoncé, échevins de Douai.

Disposant: Gérard d'Avelin, Bauduin de Courcelles, Bauduin "Broiars", Jean, frère de Gérard et Jean "le Senescal".

Sceau: non scellé; devise chirographaire: CIROGRAFE

Bénéficiaire: Gautier Pié d'Argent le jeune, bourgeois de Douai.

Autres Acteurs: échevins de Douai: Gérard le Morant, Lanvin de Douayeul.

Support: Original parchemin chirographe superposé bipartite - partie supérieure.

Lieu de conservation: AM Douai, FF 659/5741.

Édition antérieure: Espinas, PirenneRec. doc. Ind. drap, n° 254.

Verso: Chis escris est Watier Piet d'argent le jovene.

1 Sachent tout cil ki sunt et ki a venir sunt que 2 Gerars d'Avelin, chevaliers, Bau\2duins de Courceles, chevaliers, Bauduins Broiars de Juvenchi, chevaliers, Jehans, li fre\3res le devant dit Gerart, chevalier, et Jehans li Senescaus doivent et ont en-covent, \4 cascuns pour le tout conme se propre dete, a Watier Piet d'argent le jovene, bour\5gois de Douay, .LXXVI. lib. de par. pour deus sas de Begelande a rendre et a pai\6er a le Pentecouste prochainne ki vient en un an. Et s'il avenoit chose que ceste \7 dete ne fust rendue et paie au devant dit bourgois ou a sen conmandement dedens \8 le termine devant deviset, li deteeur ki devant sunt noumet li rendroient kan\9ques il li cousteroit par sen dit sans autre provance faire auvec toute le dete devant \10 dite; et vuelent et otroient ke li devant dis bourgois puist douner del leur, \11 fust a seigneur de tere ou a bailliu, desques a .XX. lib. de par. pour le sien faire avoir \12 sans le couvenance devant dite amenrir et ke li bourgois devant dis le puist prendre \13 a aus et au leur, partout ou k'il l'aient, conme le sien, toute ceste convenance devant dite. \14 Et nous deteeur devant noumet avons renonciet a toutes crois et a tous privileges ki \15 aidier nous poroient et Watier devant noumet nuire. 3 Che fu fait en l'an de l'Incar\16nacion Nostre Seigneur mil .CC. LIX., el mois de decembre. Si furent conme eskievin sire \17 Gerars li Morans et sire Lamvis de Devioel.