Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0149

1259 (n.st.), 1^er-12 avril. - Douai.

Type de document: charte: donation

Objet: Donation par Emma "li Loirs" et sa fille Marie de leur maison rue Saint-Albin à J. fils d'Enme moyennant un certain nombre de clauses.

Auteur: non annoncé, échevins de Douai.

Disposant: Emma le Loir, Marie, sa fille.

Sceau: non scellé; devise chirographaire: CHIROGRAPHUS

Bénéficiaire: J., fils d'Emma.

Autres Acteurs: échevins de Douai: Gérard le Morant, Robert le Fevre.

Support: Original parchemin chirographe superposé bipartite - partie inférieure.

Lieu de conservation: AM Douai, FF 659/5719.

1 Sacent tot cil ki sunt et ki a venir sunt que 2 Enme li Loirs et ^[1] Maroie, se fille, ont doné et werpi leur mason ki siet \2 en le grant rue Saint Aubin a J., le fil Enmain devant dite, 3 par maniere que Enme et Maroie ^[2] doivent manoir en l'estre leur vies et \3 paier le rente tele com li estres le-doit jusques a .VII. sol. de par. et .XII. doesiens et .I. capon; 4 et ceste rente doivent eles aquiter tant \4 qu'eles viveront ensanle; 5 et se li une defaut, li autre i puet manoir se-vi por nient, s'ele veut, et doit J. paier le-rente puis \5 dont a-tos jors; 6 et puet J. devat dis metre aveuc l'une .I. ostese u .II. pasiules et receveroit J. l'ostage com le \6 sien; 7 et se-li quele ki sorviveroit l'autre de-ses .II. ne-voloit demorer en-l'estre, J. devantdis li doit doner .VI. sol. \7 de par. cascun an tote se-vie; et doit J. devant dis retenir l'estre de totes coses; 8 et doit J. despolier le cortil de tos \8 fruis, sans l'ortel des porees, et ne doit nient avoir J. del cortil ahanaule par force de la le grant vigne ne planter cose ki-tole le \9 hanage; 9 et bien puet prendre Emme u Maroie del frus des arbres jusques a .XII. d. valant et si n'en-doivent vendre ne doner, se-n'est par le congié \10 J. et pour sen-preu faire; et s'il avoit defautes en le mason, mostrer le doit on a J. et se il ne le pooit u ne voloit amender dedens \11 .XL. jors aprés, Enme u Maroie dovent retenir les fruis des arbres por amender les defautes et se li fruit ne poent tant rendre que a-le \12 mason convenroit, Enme u Maroie poroient enprunter sor le mason par le consel J. tant de d. que li estres fust retenus sofisantment ^[3] 10 et se J. \13 veut revenir a-sen iretage, il doit paier tos cos et tos damages c'on i-aroit mis deseure ço c'on i-aroit pris; 11 et ne puet J. \14 le mason ne-tot l'estre vendre ne en_wagier tant qu'eles vivent ensanle, se n'est pour l'esmiudrement de le mason; et se J. \15 devant dis trespasoit sans ^[4] testament et sans devise, si enfant k'il aroit par mariage en seroient frarel en autel \16 point com J. en aroit esté parmi ço qui devant est devisé, et poroit li feme J. manoir en l'estre se vie, tant qu'ele seroit a-marier, \17 aprés ço que li iretages seroit esqueeus a J. u a-ses oirs de se-car u aprésço que Enme u Maroie l'aroient widiet, 12 et deveroit ^[5] li feme \18 J. devant dit retenir l'estre envers ses oirs devant dis tant qu'ele i-manroit par tel maniere et ensement com J. doit envers \19 se-mere et se-sereur; 13 et se li feme J. se remarioit, li oir J. devant dit trairoient a leur iretage et en feroient \20 leur preut et leur volentés en au_tel poi[n]t com J. fesist. 14 Ce fu fait l'an del Incarnation .M.CC. LVIII., \21 el mois de avril. 15 La furent eskevin Gerars li Morans et Robers li Fevres.

Notes de transcription
^[1] des lettres ont été effacées ms.
^[2] des lettres ont été effacées ms.
^[3] ms. ainsi coupé: sofisantment.
^[4] après sans, te, à demi effacé et barré ms.
^[5] ide deveroitau-dessus de la ligne ms.