Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0140

1258, septembre. - Douai.

Type de document: charte: contrat de mariage

Objet: Contrat de mariage de Gautier "Boistiel" et de Marien, fille de Gérard de Marellon.

Auteur: non annoncé, échevins de Douai.

Disposant: .

Sceau: non scellé; devise chirographaire: CIROGRAPHE I

Bénéficiaire: Gautier "Boistiel" et de Marien, fille de feu Gérard de Marellon.

Autres Acteurs: Jacques de Lens, Pierre de Hasnon, Jean de Marellon. - échevins de Douai: Jean Petit Dieu, Malet de la Corbille.

Support: Original parchemin chirographe superposé bipartite - partie inférieure.

Lieu de conservation: AM Douai, FF 659/5731.

Verso: Ceste covenence est les avoés Watier Boistiel.

1 Sacent tout cil ki sunt et ki a-venir sunt ke 2 Watiers Boisteaus a-en-covent ke s'il defaut de lui ançois ke de \2 Marien, le fille Gerart de Marellon ki fu, lequele il doit prendre a-feme, 3 ke il deveroit a Jakemon de Lens, a-Pieron de \3 Hasnon et a Jehan de Marellon, avoés celi Marien,. VI xx. lib. de par.; et de ces. VI xx. lb. en a-asseneit cils Watiers les avoés \4 devant només sor le tierce part d'une maison ki fu Jakemon Roupie, ki siet encosté le maison le dame d'Aubi, et sor \5 une maison ki siet devant le noef moelin, lequel hiretage il doit prendre en mariage avoec celi Marien; et \6 cils hiretages est mis empris de .XXIIII. lib. de par. et les. IIII xx .XVI. lb. de par. ki demoueront des. VI xx. lb., il \7 en a en-covent ke dedens .IIII. ans proçains ensivans, il les ara tous mis en hiretage soufissant par le consel et \8 l'assentement des avoés devant només. 4 Et en cel hiretage k'il acatera de ces. IIII xx. XVI., 1b., il en metera ens \9 et fera werpir, a-le mesure ke-il l'acatera, les avoés devant només; et se cils Watiers n'avoit acateit hiretage \10 de tous ces. IIII xx .XVI. lb. et mis ens les avoés devant dis dedens ces .IIII. ans, ensi com ci devant est deviseit, li \11 avoeit devant nomeit u li doi u li uns d'als trois poroient prendre ces. IIII xx .XVI. lb. de par. au devant \12 dit Watier et au sien partout u k'il l'eust et le poroient prendre, vendre et despendre conme le leur. 5 Et s'il \13 avenoit cose ke il defallit de Marien devant nomee ançois ke de Watier Boistiel et il avoient hoir en\14sanle de leur car, li avoeit devant nomeit aroient cesti covenence apriés le deciés de Watier et le \15 warderoient et sanveroient a oes cel hoir; et s'il n'avoient hoir aparant de leur car au jour del tres\16passement celi Marien et Watiers devant dis le sorvivoit, il et li-siens seroit quités et delivrés \17 de toutes ces covenences envers les avoés devant només. Et de toutes ces covenences ont en-co\18vent à-ovrer li avoeit devant nomeit par le consel des eschievins. 6 A ces covenences furent com \19 eschievin Jehans Petis dius et Malés de le Corbille. 7 Ce fu fait en l'an del Incarnation Nostre \20 Segneur mil .CC. et. LVIII., el mois de septembre.