Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0115

1257, août. - Douai.

Type de document: charte: reconnaissance de dette

Objet: Reconnaissance par Gérard de Lauwin d'une dette de 4 livres 15 sous de par. envers Ansel Pelerin.

Auteur: non annoncé, échevins de Douai.

Disposant: Gérard de Lauwin.

Sceau: non scellé; devise chirographaire: CHY-RO-GRA-[coupé]

Bénéficiaire: Ansel Pelerin, bourgeois de Douai.

Autres Acteurs: échevins de Douai: Gérard le Morant, Robert le Fevre.

Support: Original parchemin chirographe superposé bipartite - partie supérieure.

Lieu de conservation: AM Douai, FF 659/5709.

Verso: Ansel Pelerin.

1 Sacent chil ki sunt et ki a-venir sunt ke 2 Graus de Lanvin doit a \2 Ansel Pelerin, bourgois de Douai, .IIII. lib. et .XV. s. de par. a paier a le \3 Saint Remi prochaine ke nos atendons; et se li devant dis Graus defaloit \4 de paier le dete devant dite au terme ki mis i est, li devant dis Ansiaus \5 puet despendre en plait ou donner a quel justice ou a quel segneur \6 ke il vauroit .IIII. lib. et .XV. s. de par. por le dete devant dite requerre \7 ou faire avoir; lesquels .IIII. lib. et .XV. sol., li devant dis Graus doit \8 au devant dit Ansel, se il les avoit despendus ou dounés por se dete re\9quere, rendre ausi avant coume le premeraine dete devant dite. \10 Et tout ce a li devant dis Graus fianchiet a tenir et a li devant \11 dis Graus renunchié a tous privileges de crois ki sunt donnet et \12 ki sunt a douner, a toutes bares de plait et a toute aiue de droit \13 de crestienté et de moundaine justice et a toutes coses ki porroient \14 estre dites contre cest escrit ou contre le counissance ke ens est escrite \15 et a toutes coses ki porroient le devant dit Graut aidier a le devant dit \16 Ansel nuisir a ravoir et a requere les devant dis deniers. 3 A ceste cou\17nissance furent eskievin Gerars li Morans et Robers li Fevres. Ce fu fait \18 l'an del Incarnation .M.CC. et. LVII., el mois d'aoust.