Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

R 1300 10 25 01

Abbaye de Longpont (Aisne) - 1300, 25 octobre

Type de document: lettre patente scellée de cire verte

Objet: [1] Philippe [IV, dit le Bel], roi de France, [3] vidime une lettre de son frère Charles, comte de Valois, [5] qui promet de respecter la disposition royale [10] que pendant une éventuelle régence due à la mort du roi, [14] la régence du royaume et la tutelle de son fils aîné seront dévolues à la reine Jeanne. [26] Le roi précise en outre que pendant la période de régence [28] son frère Charles ne sera tenu d’obéir à personne d’autre qu’à la reine et au fils aîné du roi. [29] En cas de prédécès de la reine, [30] il recevra lui-même la régence.

Auteur: Philippe [IV], roi de France

Disposant: Philippe [IV], roi de France

Sceau: Philippe [IV], roi de France

Bénéficiaire: Charles, comte de Valois, frère du roi

Autres Acteurs:

Rédacteur: Chancellerie royale

Support: Original parchemin, 34,4 x 29,6 cm, scellé du sceau de cire verte sur lacs de soie rouge et verte de Philippe [IV], roi de France

Lieu de conservation: Paris AN : J 401 - Régences, n° 5 ^[a]

Édition antérieure: Dupuy 1655, 147 ; Lancelot 1720, 109 (preuves)

Commentaire:

1 Phelippes·· par la grace de Dieu rois de France,·· 2 à touz ceus qui ces presentes lettres verront,, salut.·
3 Comme nostre chiers et feaux freres·· Charles cuens d’ An\2jou, de Valoys, d’ Alençon et de Chartres,, 4 à nostre requeste et par nostre commandement, ait fet seeller de son propre seel unes lettres, dont la teneur est tele.·
5 Charles \3 filz le roi de France,, cuens d’ Anjou,, de Valoys,, d’ Alençon et de Chartres,, 6 à touz ceus qui ces presentes lettres verront,, salut.·
7 Nous fesons assavoir, que comme \4 trés excellant prince, nostre trés chier seigneur,·· Phelippes· par la grace de Dieu rois de France,, 8 entendanz au bon estat de son roiaume et du peuple qui est commis \5 à son governement, et volenz pourveoir contre les perilz qui pourroient ensuivre ou tans à-venir,, 9 ait pourveü, ordené et establi par deliberacion de son conseil \6 10 que se, par la volenté nostre Seigneur, qui rappele à li si comme et quant il li plest ses creatures,, il avenoit, que ja n’ aveingne,, que il trespassast de cest siecle, avant \7 que son ainzné filz qui doit estre son hoir et son successeur ou roiaume de France fust en_aagé,, 11 trés excellant nostre chiere dame Jehanne par cele meisme \8 grace reine de France, 12 ait le governement,, l’ aministracion et la cure du roiaume et la garde de l’ ainzné filz dessus dit,, jusques à tant que cil ainzné filz soit \9 en_aagé,, 13 se par aventure la dite reine ne se remarioit avant que il fust venuz en son aage,· 14 et li ait commis et baillié desorendroit par son auctorité roial, \10 ou cas et sus la condition dessus diz, le governement, l’ aministration, et la cure du roiaume et la garde de l’ ainzné filz dessus dit.· 15 Et ce meisme ait pourveü,, orde\11né et establi desorendroit par l’ auctorité dessus dite ou cas et sus la condition dessus expressez, de celi de ses autres filz nez ou à nestre, qui par droit ordre devra \12 estre son hoir et son successeur ou roiaume dessus dit,, 16 se il avenoit, que ja n’ avieingne, que son devant dit ainzné filz trespassast de cest monde avant que il \13 fust venuz au governement d’ iceli roiaume.· 17 Et ait commandé desorendroit par ses lettres à touz ses feaux et sougiez seur le deü de la foiauté à quoi il li sont \14 tenuz,, 18 que, à la dite reine ou cas et sus la condition dessus dite, il entandent et obeïssent loiaument et diligemment.·
19 Nous, resgardanz que la dite ordenance peut \15 estre molt profitable à la pés et au bon estat du devant dit roiaume et contrester à molt de perilz qui pourroient avenir par le procés du tans,, 20 pour ce que nous \16 avons plainne fiance de la bonne foi et de la grant loiauté de la dite reine, icele ordenance volons et agreons et nous i consentons expressement,, et la prame\17tons tenir et garder fermement et loiaument, ou cas et en la condition dessus dite, 21 sanz venir encontre en aucun tans.·
22 En tesmoing de la quel chose, nous \18 avons fet mettre nostre seel à ces presentes lettres.·
23 Donnees à l’ abbaye Nostre Dame delez Pontoyse,, 24 l’ endemain de la Penthecoste,, 25 l’ an de grace, mil et trois-cenz.· \19
26 Nos fesons assavoir, que nostre volenté et nostre entancion est, 27 que se il avenoit, ou cas et seur la condition dessus escripte,, le governement, l’ aministracion et la cure \20 du roiaume et la garde de nostre ainzné filz roi de France, estre en la disposition et en la main de nostre chiere et amee compaingne la reine devant dite, jusqu’ à-tant \21 que il venist en aage,, 28 que nostre diz freres durant le dit tans ne fust tenuz à obeïr à nulle autre persone, forz que à nostre dit ainzné fil roi de France et à la \22 reine devant dite.· 29 Et se par aventure avenoit que aprés nostre decés, nostre Sires appeloit à soi nostre dite chiere compaingne la reine, avant que nostre diz ainzné filz \23 rois de France venist en aage de governer le roiaume,, 30 nous, resgardanz l’ especial amour et la grant fiance que nous avons à nostre chier frere devant dit, meis\24mement comme il soit li plus prouchains à noz enfanz et de cui plus especiaument nous fions,, 31 volons et ordenons, que nostre diz ainzné filz rois de France,, se il \25 n’ estoit en aage de governer,, se governe par le conseil et par le governement de nostre devant dit frere, jusqu’ à-tant que il venist en aage du roiaume gouverner.· \26
32 En tesmoing des queles choses,, nous avons fet metre nostre seel en ces presentes lettres.·
33 Donnees à l’ abbaïe de Loncpont,, 34 le mardi devant la feste de Touz\27sainz,, 35 l’ an de grace mil et trois-cenz.·

Notes de fiche
^[a] Copies : Paris AN : KK 551, fol. 4-5 ; K 815, fol. 10-12 (XVIII^e siècle) ; Paris BN : fr. 16630, fol. 32 (Harlay, XVII^e siècle) ; nafr. 7115, fol. 79 (Brienne, XVII^e siècle) ; fr. 23659 fol. 9v ; fr. 23661, fol. 19 ; fr. 23662, fol. 19 (XVII^e siècle), fr. 21713, fol. 5 (Delamare, XVII^e siècle).