Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

R 1298 10 32 02

Paris - 1298, octobre

Type de document: lettre patente en forme de charte

Objet: [1] Philippe [IV, dit le Bel], roi de France, [3] déclare que voulant récompenser [4] les bons et agréables services de son chevalier et chambellan Pierre [V], sire de Chambly, [5] il lui avait fait don du quart des droits de courtage perçus sur les marchandises de toute nature aux foires de Champagne et de Brie. [8] Les lettres faites au sujet de cette donation le 1^er octobre 1294 sont vidimées (cf. RV 1294 10 01 01). [48] Dudit quart, Pierre de Chambly et sa femme Isabeau [58] en avaient cédé un tiers au roi contre l’obligation pour celui-ci de faire également recouvrer par ses gens les deux tiers qui leur étaient dus. [67] Les maîtres des foires de Champagne devront jurer de respecter cet accord. [72] Les revenus dudit droit de courtage ne pourront pas être diminués par le roi de France et ses successeurs. [75] Les lettres écrites à ce sujet par Pierre de Chambly, le 18 octobre 1294, sont vidimées dans un vidimus latin du roi Philippe datant du mois de novembre 1294, à son tour inséré dans le présent acte. [78] À présent, Pierre de Chambly cède également au roi [81] les deux tiers restants dudit quart du droit de courtage. [84] En échange, et en récompense, le roi Philippe lui a constitué [85] une rente annuelle et perpétuelle de 700 £ t. [86] que lui-même et ses descendants issus de mariages légitimes pourront prélever sur la vicomté de l’Eau de Rouen. [88] Après le décès de Pierre, Isabeau ou toute autre veuve dudit Pierre en aura l’usufruit. [90] Au cas où ledit Pierre mourrait sans enfant issu de son mariage avec Isabeau ou une autre femme après elle, [92] la rente sera transmise à Pierre [VI] de Chambly, sire de Viarmes, chambellan du roi et fils dudit Pierre d’un précédent mariage. [94] Pierre de Chambly pourra disposer de sa rente en pleine liberté, [96] et toutes les dispositions de la coutume de Normandie qui pourraient s’y opposer sont déclarées non valables. [99] Les vicomtes de l’Eau à Rouen, lors de leur prise de fonction, devront jurer de payer ladite rente. [114] Pour cette rente, Pierre de Chambly a juré hommage lige au roi.

Auteur: Philippe [IV], roi de France

Disposant: Philippe [IV], roi de France

Sceau: Philippe [IV], roi de France

Bénéficiaire: Pierre [V], sire de Chambly, chambellan du roi ; Isabeau de Mauvoisin de Rosny, dame de Chambly, sa femme ; Pierre [VI] de Chambly, sire de Viarmes, fils de Pierre [V] de Chambly

Autres Acteurs:

Rédacteur: Chancellerie royale^[a]

Support: Original parchemin, 78,2 x 51,4 cm, scellé du sceau de cire verte sur lacs de soie rouge et verte de Philippe [IV], roi de France^[b]

Lieu de conservation: Paris AN : J 208 - Chambly, n° 13

Édition antérieure:

Commentaire:

1 Phelippes·· par la grace de Deu·· rois· de France.·
2 Nous fesons savoir à touz presenz et à venir 3 que, come· de la volenté et de l’ assentement nostre trés chiere compeigne·· Jehanne· royne de France, 4 et en guierdon des bons et agreables services que nostre amé et feial chevalier et chambellent·· Pierres sires de Chambly a fez lonc_temps, à nous et à noz devanciers, \2 et ne cesse chascun jour du fere,, 5 ehussiens piece a donné,, outroié,, quittié et delessié du tout en tout heritablement à touz jorz à icelui· Pierre· le quart de tout le courretage qui nous estoit dehu en noz foires de Champeigne et de Brie,, 6 de toutes manieres de marchandises,, et touz les esploiz,, emolumenz et proffiz, quelx qu’ il soient, 7 si cum est contenu en noz lettres fetes seur ce, dum \3 la teneur s’ ensuit.··[...] ^[1] \4 \5 \6 \7 \8 \9 \10 \11 \12 \13 \14 \15 \16 \17
48 Et aprés celui don, li diz Pierres sires de Chambli· et la dite Ysabel de Rooni sa famme nous ehussent acompeignié à la tierce partie du dit quart dou courretage, si cum il est contenu es lettres fetes seur ce, dum la teneur s’ ensuit.
49 · Philippus· Dei gratia Francorum rex.· 50 Notum faci\18mus universis tam presentibus quam futuris· nos infrascriptas vidisse litteras tenorem qui sequitur continentes.·
51 À touz ceus qui ces presentes lettres verront et orront,, 52 Pierres· sires de Chambly,· chevaliers et chambellens nostre seigneur le roi· de France,, et Ysabel de Roony,· dame de Chambli, salut en nostre Seigneur.·
53 Nous feson savoir à touz presenz et à venir, 54 que, comme trés excellent prince, nostre \19 trés chier seigneur·· Phelippes·· par la grace de Deu rois, de France, nous ait donné,, quitté, et delessié perpetuelment à touz jourz et heritablement en guerredon de nostre sorvice, le quart dou courretage de ses foires de Champeigne et de Brie, 55 et touz les esploiz,, emolumenz, et profiz, quel que il soient et en quelque maniere qu’ il puissent et pourront du dit courretage et de touz les courretiers \20 des dites foires issir et venir,, 56 à tenir,, avoir,, recevoir et poursoir dés ore en avant à touz jourz, de nous et de noz hoirs,, 57 si cum il est contenu plus pleinement es lettres nostre seigneur le roi, dessus dit, fetes et bailliees à nous sus le dit don, seelees de sum seal,· 58 nous à la tierce partie du dit quart et de touz les esploiz,, emolumenz,, issues et profiz dessus diz, pour ce que li diz nostre sires li rois \21 et ses successeurs soient et doient estre tenu à pourchacier,, garder et fere venir enz par ses genz les autres deus parties de celui quart et des autres choses dessus dites,· 59 les queles deus parties demeurent et demourront à touz jourz à nous et à noz heirs cumme nostre propre heritage,, 60 avons acompeignié et acompeignons pour nous, pour noz heirs et pour ceus qui avront cause de \22 nous,, le devant dit nostre seigneur le roi, et ses successeurs,· 61 les queles deus parties aveuques la tierce dessus dite seront cuellies, levees et recehues par celi ou par ceus,, un, ou pluseurs, que le dit nostre sires li rois ou ses successeurs, 62 et nous et noz hoirs et ceus qui aront cause de nous, metrons et establirons communement à ce,· 63 li quel ou les quex feront serement qu’ il, le droit nostre \23 seigneur le roi et de ses successeurs et le nostre et de noz hoirs et de ceus qui aront cause de nous,, garderont, bien· diligenment et loiaulment en toutes les choses dessus dites.·
64 Et les genz nostre seigneur le roi dessus dit et de ses successeurs,, 65 c’ est à savoir les mestres des foires qui seront pour le temps, ou ceus que il establiront à ce,, 66 feront venir enz et paier bien et enterinement \24 le dit quart, les fruiz,, les issues,, les emolumenz et les profiz dessus diz,· 67 li quel mestres des dites foires qui seront pour le temps, toutes les foiz que il seront mis et establi nouvelement en l’ office de la garde des dites foires,, 68 feront et seront tenu fere serement presenz nous ou noz hoirs ou ceus qui avront cause de nous,, 69 que bien, diligenment et loialment, garderont et feront \25 garder à leur pooir le droit et la reson du dit nostre seigneur le roi et de ses successeurs, et le nostre et de noz hoirs en toutes les choses dessus dites.· 70 Et est à savoir que li diz nostre sires li rois ne peut, ne ne pourront ou temps à venir, il ne ses successeurs,, 71 franchir,, quiter ne fere grace à nuli des diz courretiers de noz deus parties du quart dessus dit.·
72 Et pour ce que ce soit fer\26me chose et estable à touz jourz, nous avons mis noz seials en ces presentes lettres 73 qui furent fetes l’ an de grace, mil, deus-cenz quatrevinz et quatorze, 74 le lundi ou jour de la feste seint Luc l’ evangeliste.··
75 Nos itaque associat[i]onem huiusmodi sub modis et condit[i]onibus antedictis, pro nobis et carissima consorte nostra Johanna regina Francorum, tenore presentium acceptamus, modos et conven\27t[i]ones eosque ac omnia et singula suprascripta, volentes,, laudantes, et approbantes expresse.· Que ut rata permaneant in futuris, presentes litteras, sigilli nostri fecimus appensione muniri.· Nos autem Johanna Dei gratia Francorum ac Navarre regina, Campaniae Brieque comitissa palatina, premissis omnibus nostrum impartimur assensum,· et ad maiorem cautelam, presentibus hiis sigillum nostrum \28 apponi fecimus una cum sigillo prefati domini nostri regis.·
76 Actum apud Albaciam iuxta Pontisam,, 77 mense novembre, anno domini· millesimo ducentesimo nonagesimo quarto.··
78 Et aprés le dit acompeignement, le quel nous avions recehu et pris à gré, si cumme il est dit dessus,· 79 li diz· Pierres· sires de Chambli, qui touz jourz a esté enclins et appareilliez à nostre volunté fere,, nous \29 ait à nostre requeste baillié,, quitté et du tout en tout delessié à touz jourz en nom de pur eschange les dites deus parz que il avoit ou dit quart dou courretage et de touz les esploiz,, emolumenz et profiz dessus diz,; 80 nous,, en ce regardanz nostre profist, et que les dites deus parz du dit courretage nous sunt et seront profitables et necessaires,· 81 iceles deus parz et tout ce que le dit \30 Pierre, sires de Chambli i avoit ou pooit avoir par quelque reson ou maniere que ce fust,· 82 information fete seur ce bien et diligenment et raportee à nous par noz genz,, 83 par nostre grant consoil ou nom de nous et de nostre dite compeigne,, retenons,, prenons, et acceptons desorendroit à touz jourz.··
84 Et en recompensation et eschange d’ iceles, par marchié et convenant esprés fet \31 seur ce entre nous et le dit· Pierre·, 85 nous baillons,, assignons et asseons desorendroit en heritage perpetuel à touz jourz· au dit Pierre, seigneur de Chambli· sept cenz· livres ^[2]· de tournois de rente, 86 à prandre,, tenir,, avoir, pousseoir et recevoir chascun an· à la feste de Noël, en la receite de nostre vicontee de l’ Eau, de Roan,, à touz jourz mes perpetuelment et heritablement par lui, 87 et par \32 ses hoirs de sum propre cors,, creez et à creer en· Ysabel· de Roony, dame de Chambli, sa famme qui ore est,, ou en autre, se il l’ espousoit aprés cele Ysabel,; 88 la quele des dites dames qui le seurvivroit, tendra et avra l’ usufruit de celes sept cenz livres de torn., de rente tout le cours de sa vie seulement, soit qu’ eles aient enfanz dou dit· Pierre· ou non.· 89 Et aprés le decés de cele qui le seurvivroit,, \33 le dit heritage vendra franchement et quittement, as enfanz,, un, ou pluseurs, creez, ou à creer, dou dit· Pierre· seigneur de Chambli en la dite Ysabel, ou autre sa fame aprés li,· et à touz les hoirs, d’ icels enfanz à-venir aprés.· 90 Et se le dit· Pierres· trespassoit de cest secle sanz lessier hoirs de sum cors et de la dite Ysabel· ou d’ autre sa famme espousee aprés cele Ysabel,· 91 ou se li enfant qui sunt ou se\34ront creez, dou dit· Pierre· en la dite Ysabel· ou en autre aprés li, trespassoient sanz hoirs de leur cors et de leur leiaus espouses, aprés ce que la dite Ysabel, ou autre famme dou dit· Pierre· qui le seurvivroit, seroient trespassees de cest secle,, 92 le dit heritage retournera quittement et delivrement à nostre amé chevalier et chambellent, nostre feial Pierre de Chambly, seigneur de Wirmes, filz du dit Pierre \35 seigneur de Chambly, cumme sum propre heritage,, 93 ou as enfanz d’ icelui Pierre le fil, se il estoit trespassez de cest segle.·
94 Ce adjousté,, sauvé, et retenu au dit Pierre le pere, seigneur de Chambli,· à la personne du quel nous feismes principalment le don dessus dit,; 95 que non contreitanz les manieres ou les conditions dessus escrites ou aucunes d’ yceles, et non contreitant la coustume \36 de Normandie, par la quele fié de mambre de hauberc ne se puet departir,, 96 la quele coustume nous volons estre nule en ce cas envers le dit Pierre le pere,, 97 que des dites sept cenz lb. de torn. de rente, il puisse et pourra heritablement et à touz jourz, vandre,, donner,, laissier pour s’ ame en sum testament et departir à qui que il li plera et faire toute sa pleine volenté sanz nul \37 empeeschement ou contredit,, en tout ou en partie.··
98 Et est assavoir que le dit Piere seigneur de Chambli,· la dite Ysabel sa famme,, ou autre, aprés li, qui le seurvivroit, et li hoir dessus nommez, et cilz qui avront cause de aus,, 99 prandront et recevront la dite rante de sept cenz livres torn., au dit terme, en la dite receite de la vicontee de l’ Eau de Roan, par la main du viconte, un \38 ou pluseurs du dit leu,, 100 ou de celui ou de ceus, qui pour nous par le temps à venir,, ou de nous, tendront la dite vicontee, ou en garde, ou à ferme ou en autre maniere,, 101 li quel viconte, ou cil qui pour le tens à venir, i seront establiz,, avant que il usent de leur office devant dit,, jurront seur seinz evangiles, 102 present le dit Pierre seigneur de Chambly, ou celui, ou cels, qui de lui \39 avront cause en la dite rente pour le temps à venir,, 103 que au dit terme, il leur paieront les dites sept cenz lb. torn. des deniers de la dite receite et encores qu’ il paieront, au dit· Pierre· seigneur de Chambli, et as autres devant diz, quarante solz torn. en nom de peine aveuc le principal pour chascun jour qu’ il faudroient de paiement outre le dit terme.· 104 As quelx paiemenz de la rente et \40 de la peine,, nous les ferons contreindre par noz genz, sanz respit,, si tost cum nous en serons requis.· 105 Et de cele receite, dou dit terme,, nous ne leverons riens par nous ne par noz genz,, pour nule necessité,, tant qu’ à ce que la dite somme de rente des dites sept cenz lb. soit paiee enterinement, au dit Pierre· seigneur de Chambli, et à ses hoirs et ses successeurs devant diz.· 106 Et se peine i avoit \41 commise par defaut de paiement au dit terme,, li dit viconte, ou cil qui la dite receite tendront par le temps,, la paieront du leur propre.·
107 Encores volons nous et outroions au dit Pierre seigneur de Chambli que sui dit hoir qui seront ou sunt creez de lui, en la dite Ysabel, ou seront creez en autre sa famme,, 108 tiegnent et aient le dit heritage des dites sept cenz lb. torn. \42 de rente sanz passer as autres hoirs, descendenz de eus· 109 et en soient verai heritier sanz empeeschement,, non contreitant la coustume de Normandie de la garde des non aaigiez, et de la succession de ainzneesté, 110 et toutes autres coustumes qui en la succession de la dite rante leur porroit fere prejudice ou empeeschement en aucune maniere, ou as conditions, et convenances \43 dessus dites.· 111 Toutes les queles coustumes contraires à ce, ou aucunes des celes,, de certeine science, nous ostons du tout en tout· et de nostre auctorité et pooir reial voulons, que quant as diz enfanz du propre cors du dit· Pierre· seigneur de Chambli, nez ou à nestre, de la dite Ysabel, ou d’ autre aprés li, 112 soient nules et de nule valeur, auxi cum se eles estoient \44 en ces presentes lettres, expressement et singulerement nommees.·
113 Et toutes les choses devant dites, soient tenues et gardees fermement à touz jorz sanz jamés venir encontre.· 114 Et de la dite rente, le dit Pierre sires de Chambli est entrez en nostre homage lige, et cil qui aprés lui la tiendront, nous en feront au-tel hommage.·
115 En tesmoign des queles \45 choses, pour ce qu’ eles soient fermes et estables perdurablement,, nous avons fet seeler cestes lettres de nostre seial,· 116 sauf en autres choses, nostre droit.,
117 Ce est fet et donné à Paris,, 118 l’ an de grace· mil· deus cenz, quatrevinz dix et huit,, ou mois de octovre.·

Notes de fiche
^[a] Acte donné en l’absence du roi (cf. Itinéraire II 2007, 151).
^[b] Copie : Paris AN : JJ G fol. 13 (XV^e siècle).

Notes de transcription
^[1] Cf. RV 1294 10 01 01.
^[2] Il manque un jambage du « v » de « livres ».