Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

R 1298 10 02 01

Saint-Germain-en-Laye (Yvelines) - 1298, [1^er ou 2] octobre ^[a]

Type de document: lettre patente en forme de charte

Objet: [1] Philippe [IV, dit le Bel], roi de France, [3] décrète [4] à la requête des parties [6] les conditions du mariage projeté entre Marguerite, fille de Charles de Valois, et Guy, fils d’Hugues de Châtillon, comte de Blois, [5] quand les enfants seront en âge. [9] Premièrement, dès que le mariage aura eu lieu, Charles assignera à sa fille une rente de 1.000 £ t. [10]. Il payera aussi à Hugues de Châtillon la somme de 25.000 £ t. en plusieurs traites, dont 13.000 £ – avec les 2.000 £ qui seront ajoutées par le comte de Blois lui-même – [13] seront transmises à des personnes de confiance pour acheter des terres destinées à constituer l’héritage de la nièce du roi. [15] Si elle n’a pas d’enfants, ces terres reviendront au comte de Valois. [18] Les 1.000 £ t. de rente de Marguerite écherront à Hugues de Châtillon après un an de mariage, [21] mais reviendront à Charles de Valois si sa fille meurt sans enfants. [23] Guy est proclamé héritier de tout le comté de Blois et en recevra la moitié de l’usufruit, l’autre moitié demeurant à son père. [25] Si Guy meurt sans héritier né du mariage avec la nièce du roi, le comté retournera à Hugues de Châtillon. [28] Si pour une raison quelconque, le mariage ne se faisait pas, [29] Hugues reversera les 12.000 £ à Charles de Valois.

Auteur: Philippe [IV], roi de France

Disposant: Philippe [IV], roi de France

Sceau: Philippe [IV], roi de France

Bénéficiaire: Marguerite, fille de Charles de Valois ; Guy, fils de Hugues de Châtillon, comte de Blois

Autres Acteurs:

Rédacteur: Chancellerie royale

Support: Original parchemin, 39,7 x 36,3 cm, scellé du sceau de cire verte sur lacs de soie rouge et verte de Philippe [IV], roi de France

Lieu de conservation: Paris AN : J 410 - Mariages II, n° 9 ^[b]

Édition antérieure:

Commentaire:

Verso: Sur le repli à droite : Facta est collatio per me Egidium. Verso (première main) : C’est la lettre des convenances du mariage de Marguerite fille monseigneur Challes et de Guiot filz au conte de Bloys ; (deuxième main) : Ce sont les convenances du mariage Marguerite la fille mon_seignur et de Guiot fiuz mon_seigneur le conte de Blays

1 Phelippes· par la grace de Dieu rois de France, 2 à touz ceus qui verront ou orront ces presentes letres,, salut.,
3 Sachent tuit 4 que, comme nostre chier et amé frere Challes cuens de Alençon,, \2 de Valois, de Chartres et de Anjou, et nostre amé et feel Hues de Chasteillon cuens de Blois et sires d’ Avesnes, 5 traitassent entr’ els de fere mariage de Marguerite fille de nostre dit chier \3 frere, nostre niece,, et de Guyot filz du dit conte de Blois, quant li dit enfant seroient en aage,· 6 à la parfin les devant diz nostre chier frere, et li cuens de Blois se mistrent du tout en \4 tout en nous pour fere et ordener à nostre plainne volenté du dit mariage· 7 et promistrent par lour serement à tenir, fere et acomplir, tout ce que nous en dirons,, ordenerions ou declare\5rions en tant comme à chascun de els porroit apartenir.· 8 Et nous, à qui il a pleü à l’ instance et à la requeste des dites deus parties recevoir suz nous le fés et la charge de ordener et \6 acorder le dit mariage parlé entre els, en ordenons en la maniere qui s’ ensuit.,
9 Premierement, nous disons et ordenons, que nostre chier frere dessus dit asserra et baillera mil livrees de terre \7 à tourn. à sa dite fille nostre niece,, à toute seignourie et justice haute et basse, si tost com le mariage sera fet et acompli.·
10 Item,· nous disons et ordenons que le dit nostre chier frere ballera et \8 paiera pour la reson du dit mariage vint et cinc mille livres tourn.,, 11 ce est assavoir cinc mille livres à la Chandeleur prochene à venir,, sept mille livres à l’ autre Chandeleur prochainne ensi\9vant aprés,· 12 et des treze mille livres qui demeurent,, le dit nostre chier frere paiera la moitié dedenz le premier an que le mariage sera fet, et l’ autre moitié dedenz l’ an prochain ensivant aprés.· \10 13 Et seront les dites treze mille livres, ovoec deux mille livres que le dit cuens de Blois rendra des devant dites douze mille livres receües,, mises en mains d’ amis, ce est assavoir seüres et certainnes, \11 pour acheter terre,, 14 la quele terre sera heritages, à nostre dite niece, et à ses heirs, qui de li isteront., 15 Et se ele n’ avoit heir de sa char,, la dite terre seroit et demourroit, à nostre dit chier frere et à ses heirs, ou \12 les dites quinze mille livres seroient rendues à nostre chier frere ou à ses heirs,, se eles ne estoient emploiees en terre.
16 Item,· nous disons et ordenons, que, se descort estoit entre les personnes en qui \13 mains les dites quinze mille livres seroient pour la dite terre acheter,, 17 que nous ou noz successeurs rois de France, ordenerons à nostre plainne volenté suz le dit descort.·
18 Item,· nous disons et ordenons \14 des dites dis mile livres, qui ne seront mie, ne ne doivent estre converties en heritage, 19 que se les deux enfanz demeurent ensemble en mariage par an et par jour,, les dites dis mille livres \15 demourront au dit conte de Blois,, tout fust il, que ja n’ aviegne,, que nostre dite niece moreüst sanz heir nei de sa char., 20 Et se il avenoit, que ja n’ aviegne,, que ele, le mariage fet entre \16 els,, moreüst avant l’ an et le jour du dit marriage fet,, 21 nous disons et ordenons, que les dites dis mille livres seroient rendues à nostre dit chier frere ou à ses hoirs, et de ce li doit donner li diz \17 cuens de Blois bonne seürté.·
22 Item, nous disons et ordenons que nostre dite niece, avra tel douere comme coustume de païs aporte.·
23 Item, nous disons et ordenons, que, le dit mariage fet,, \18 le dit Guyot sera herité de toute la contee de Bloys et des apartenances, et avra la moitié des usfruiz de la dite contee, se il se vouloit partir de son pere, 24 et l’ usfruit de l’ autre moi\19tié oveques toute la terre de Avesnes et de Guyse sera et demourra au dit conte de Blois, tant comme il vivra.·
25 Item,· nous disons et ordenons, que se le dit Guyot estoit herité de la dite \20 contee de Blois, et en nostre foi, et il moroit avant le dit conte de Blois son pere sanz heir avoir de la dite Marguerite,, que la dite contee de Blois retourneroit au dit conte de Blois,· \21 26 non contrestant droit ou coustume de païs, se point en i-a à c’ en contraire, sauf le douere de la dite nostre niece, si comme il est dessus dit., 27 Et entendons que les chasteleries qui s’ ensuient, \22 ce est assavoir Remorentin,, Milencay,, Les Montiz,, Chastelrenaut,, Chasteaudun,, la Ferté de Villenueil, et Marcheis Noir et le Chastel de Freteval, et le tierz de la chastelerie \23 d’ icelui, o toutes lor apartenances, sont de la contee de Blois.·
28 Item,· nous disons et ordenons que se le dit mariage ne se fesoit,, 29 le dit cuens de Blois rendroit au dit nostre chier frere ou à \24 ses heirs les dites douze mille livres que il aroit receües, et en doit le dit cuens donner bonne seürté.· 30 Les queles ordenances et dit les devant dites parties voudrent et otroierent, et les \25 promistrent à-emplir et enteriner 31 sanz aler encontre par quele cause que ce soit, suz l’ obligement de els, de lours heirs et de touz lours biens muebles et non muebles presenz et à-venir,· 32 et \26 quant à ce que nous ou noz successeurs les puissons contraindre de nostre plainne volenté.·
33 Et pour ce que les choses dessus dites soient fermes et estables à touz jourz,· nous avons fet \27 metre nostre seel en ces presentes letres de l’ acort et à la requeste des parties dessus dites.·
34 Toutes ces choses dessus dites furent faites, ordenees et acordees· à Saint Germain en Laye,· 35 l’ an \28 de grace· mil deux cenz quatrevinz et dis et wit, ou mois de octembre.·

Notes de fiche
^[a] Le document ne porte pas de quantième. En le datant du « 1^er ou 2 » octobre, nous suivons l'ItinéraireII 2007, 151.
^[b] Copies : Paris BN : fr. 15509, fol. 235-237v (Harlay, XVII^e siècle) ; nafr. 6999, fol. 277 (Brienne, XVII^e siècle [datée par erreur « décembre 1297 »]).