Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

R 1295 03 31 01

Paris - 1295 (n. st.), [entre le 26 et le 31] mars^[a]

Type de document: lettre patente en forme de charte

Objet: [1] Philippe [IV, dit le Bel], roi de France, [2] confirme les dispositions, [3] par lesquelles Othon [IV], comte palatin et sire de Salins, cède à Hugues de Bourgogne, son frère, des biens que celui-ci détenait déjà depuis trois ans ou plus, [6] notamment Châtillon-le-Duc (Doubs) devant Besançon (Doubs). [13] Le comte n’aura aucun droit d’entrer dans les possessions de son frère, [14] ni Hugues d’entrer dans les fiefs du comte.

Auteur: Philippe [IV], roi de France

Disposant: Philippe [IV], roi de France

Sceau: Philippe [IV], roi de France

Bénéficiaire: Hugues de Bourgogne, seigneur de Montbrison et d’Aspremont

Autres Acteurs: Othon [IV], comte de Bourgogne

Rédacteur: Chancellerie royale

Support: Original parchemin, 35 x 23,1 cm, scellé du sceau de cire verte sur lacs de soie rouge et verte de Philippe [IV], roi de France

Lieu de conservation: AD Doubs : B 338 (anc. A/164)

Édition antérieure:

Commentaire:

1 Phelippes·· par la grace de Dieu rois de France.··
2 Nous faisons assavoir à touz presenz et à-venir, 3 que toutes les villes, chasteaux, fiez et rentes, \2 les queles nostre amez et feaux·· Othes cuens palatins de Bourgoingne, et sires de Salins, a assené et baillié en non de partage à nostre amé et feel chevalier Hugue \3 de Bourgoingne, son frere,, des queles il estoit tenanz trois anz ja passez ou plus,, 4 et la moitié du peage de Augeranz et la ville de Orchanz, des queles il \4 n’ estoit pas de si lonc_tans tenanz ;,
5 derechief, le don et l’ outroi que li diz cuens a puis fez au dit Hugue, son frere, en acroissement du dit partage, à \5 prendre et à avoir de lui et de ses hoirs aprés le decés du dit conte,, 6 c’ est assavoir Chasteillon devant Besançon, le chastel et la chastelerie,, les fiez, les \6 fiez les gardes, et toutes les apartenences, sanz riens retenir, 7 nommeement les fiez Jehan de Lisle et Huguenin de Cromari et le fié Huguenin de Chasteillon, \7 8 c’ est assavoir Chasteillon qui est apelez Monsiponçon et toutes les apartenences au dit fié apartenanz,, 9 et les fiez de la Roiche sus Loingnon, einsi comme il i ap\8pendent de heritage et de conquest,, 10 et la garde de Balenaux et de toutes les appendences,, et le fié de Monstron quique le teingne,, 11 et avec toutes ces choses \9 cinc-cenz livrees de terre, les queles doivent estre assises et assenees au dit Hugue au plus pres du dit chastel de Chasteillon,, 12 en tel maniere que la dite \10 assise avra li diz Hugues sanz conter en valeur de terre, fiez, gardes et fortereces, se nulles en i avoit,, 13 et en tel maniere et condicion que par ces convenences \11 li diz cuens ou ses hoirs, ne autres pour li, ne peut, ne ne doit entrer es gardes ne es fiez du dit Hugue, son frere, ne retenir ses hommes,· 14 ne li diz Hugues \12 es fiez du dit conte, ne retenir ses hommes, 15 sauf toutevoies que li diz Hugues et ses successeurs tendront du dit conte et de ses successeurs en fié et en homa\13ge toutes les choses dessus dites.· 16 Li quel partages et dons sont dit plus plainnement estre contenuz en lettres fetes sus ce, seellees des seaux du devant dit conte \14 et de la court de l’ official de Besançon, 17 forz le peage d’ Augeranz et la dite ville d’ Orchanz, des quels il a lettres souz le seel du dit conte tant seulement, si comme \15 il disoit.;
18 Nous, à la requeste de noz devant diz amez et feaux, le partage, le don et toutes les convenances dessus dites et chascunne par soi,, 19 selonc toute \16 la teneur des devant dites lettres fetes seur ce,, tant comme à nous apartient, pour nous et pour noz hoirs,, 20 volons, loons et approvons et par la teneur de \17 ces presentes lettres confermons, et promettons à non venir encontre,; 21 sauf en autres choses nostre droit et en toutes choses l’ autrui.·
22 Et pour ce que \18 ces choses soient fermes et estables à touz jours,, nous avons fet mettre nostre seel en ces presentes lettres.··
23 Ce fut fet à Paris, 24 l’ an de grace, mil \19 deus cenz· quatrevinz et quatorze, 25 ou mois de mars.··

Notes de fiche
^[a] Le document ne porte pas de quantième. En le datant « entre le 26 et le 31 » mars, nous suivons l’Itinéraire II 2007, 108.