Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

R 1289 04 20 01

Pontoise - 1289, 20 avril

Type de document: lettre patente

Objet: [1] Philippe [IV, dit le Bel], roi de France, [3] fait savoir que le 20 avril 1289, une trêve a été conclue [5] entre Guy de Dampierre, comte de Flandre, [6] Renauld [I^er], comte de Gueldre et Walram de Rosse, seigneur de Faulquemont d’une part [7] et Jean, duc de Brabant [8] et les villes de Cologne et d’Aix-la-Chapelle d’autre part, [9] jusqu’au 15 août suivant. [10] Le comte et le duc promettent que si quelque seigneur de leur parti n’acceptait pas cette trêve, l’abbé de Saint-Corneille de Compiègne en serait informé avant le 8 mai suivant. [13] Si l’un des alliés du comte de Flandre, signataire du traité ou non, rompt la trêve, le comte doit le punir [15] et il s’oblige à ne pas lui donner accueil. [17] Dans le cas contraire, le duc de Brabant est autorisé à intervenir lui-même. [18] Le duc de Brabant confirme la trêve dans les mêmes termes. [27] Les habitants d’Ypenburg (Pays-Bas) et d’Herve (Belgique) sont exclus de la présente entente. [28] L’évêque d’Orléans reçoit au nom du roi le serment du comte de Flandre et du duc de Brabant d’observer la trêve.

Auteur: Philippe [IV], roi de France

Disposant:

Sceau: Philippe [IV], roi de France

Bénéficiaire: Jean [I^er, dit le Victorieux], duc de Brabant, de Lothier et de Limbourg ; villes de Cologne et d’Aix-la-Chapelle

Autres Acteurs: Guy de Dampierre, comte de Flandre ; Renauld [I^er], comte de Gueldre ; Walram de Rosse, seigneur de Faulquemont [Valkenburg] ; Pierre de Mornay, evêque d’Orléans

Rédacteur: Chancellerie royale

Support: Original parchemin, 37,9 x 36,1 cm, scellé du sceau de cire jaune sur double queue de Philippe [IV], roi de France

Lieu de conservation: Paris BN : Mél. Colbert 345, n° 27 ^[a]

Édition antérieure:

Commentaire:

1 Phelippes par la grace de Deu· roys de France,· 2 à touz cels qui ces lettres verront et orront,, salut.·
3 Sachent tuit 4 que, le mercredi \2 aprés Pasques closes, 5 nostre amez et feialx· Guiz· cuens de Flandres, à nostre requeste,; de lui et des siens,· de sa terre et des hommes de sa terre, \3 6 de la terre le conte de Guelres,· de ses hommes, et dou seigneur de Falquemont, de sa terre et de ses hommes,, 7 ha donnees à noble homme \4 Jehan· duc· de Brabant,· as siens,· à sa terre et à ses aloiez,· 8 à la vile de Coloigne,· à la vile d’ Ays· et à ses autres aidanz, 9 trehe \5 bonne et leial et sehurté,· tant que au jour pruchein de la Miahoust,, tout le jour durant,· 10 en tel maniere que se li sires de Falquemont \6 ou autres des terres desus dites ne voloit entrer en la dite trehe,, 11 li diz cuens le feroit savoir, pour nous, à nostre amé et feial, \7 l’ abbé de Compigne, dedanz le diemenge aprés l’ invention seinte Croiz, en may.·
12 Et est à savoir que le mortel fait des Escauvendriesh \8 et de Melrepais, ^[1] n’ est pas contenuz en ceste trehe.· 13 Et est à savoir que, se aucuns de cels contenuz en la dite trehe, meffaisoient \9 au dit· duc,, à sa terre ou à ses aidanz, la trehe durant,, 14 li diz cuens seroit tenuz d’ amender les forfaiz, si cum il seroient \10 trouvez, se il en estoit requis.· 15 Et se aucuns dehors la trehe meffaisoit au dit duc· ou à siens devant diz, la trehe durant,, 16 li cuens, \11 ne li sien, ne cil qui sunt et seront de la trehe,, aux, ne leur roberies, ne leur meffaiz ne porront recepter sus aux,, ne en leur \12 pooir., 17 Se li diz cuens ne le voloit amender pour aux,, einz s’ en porroit li· dux· vengier par soi et par ses aidanz.·
18 Et autresi, \13 aprés ce, li diz dux,· à nostre priere et requeste,, donna, de lui, des siens,· de ses aloiez· de la vile de Coloigne et de la vile d’ Ays \14 et de ses autres aidanz, 19 au dit conte de Flandres,· as siens,; à sa terre et à ses hommes,· à la terre le conte de Guelres, à ses hommes \15 de sa terre,· au seignour de Falquemont, à sa terre et à ses hommes,, trehe bonne et leial et sehurté par le terme devant dit, 20 en tel manie\16re que, se aucuns de ses aidanz ou aloiez, ne voloit entrer en la dite trehe,, 21 li dux, le feroit savoir, pour nous, au dit \17 abbé de Compigne dedanz le diemenge aprés l’ invention seinte Croiz, en may.·
22 Et se aucuns de la trehe, meffaisoit,, la \18 trehe durant,, au dit conte, ou à cels de la trehe par devers lui,, 23 li dux, se il en estoit requis,, seroit tenuz d’ amander le \19 meffait, si cum il seroit trouvez.· 24 Et se autres dehors la trehe meffaisoit,, la trehe durant,, au dit conte ou à cels de sa trehe, \20 li dux,, ne li sien, ne cil qui sunt et seront de sa trehe,· 25 aux,, ne leur roberie, ne leur meffaiz, ne porront recepter sus aux,, ne en \21 leur pooir. 26 Se li diz dux, ne le voloit amender pour aux,· einz s’ en porroit li cuens vengier par soi et par ses aidanz.· 27 Et sunt \22 hors, de ceste trehe, cil qui sunt et seront dedanz Ipremont et Herves,, les quelx, non contraitant la trehe, li dux porra \23 prandre et leur biens hors des dites maisons· et celes maisons,, li dux ne porra prandre, la trehe durant.·
28 Et toutes ces \24 convenances li diz cuens de Flandres et li dux· de Brabant ont promis et graanté, loialmant tenir et garder par leur foiz \25 donnees en nostre presence, en la main nostre amé et feial clerc,· l’ evesque, d’ Orliens,, pour nous.·
29 En tesmoign de ce, nous havons fait \26 mettre nostre seial en ces lettres, 30 faites et donnees à Pontoise, 31 le mercredi aprés Pasques closes,· 32 en l’ an de grace ·M· CC· quatrevinz \27 et nuef.·

Notes de fiche
^[a] Copie : Paris BN : lat. 9124, fol. 78 (XVII^e siècle).

Notes de transcription
^[1] Sic! Il doit s’agir de la forme française de noms flamands, cf. la formulation similaire dans la sous-unité 22 des documents R 1296 01 06 01, VR 1296 01 06 01 et R 1296 01 06 04.