Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

RM 1285 03 32 01

Paris - 1285 (n. st.), mars

Type de document: lettre patente (minute de testament)

Objet: [1] Philippe [III, dit le Hardi], roi de France, [2] établit son (second) testament. [5] En premier lieu, toutes ses dettes devront être payées. [6] Ensuite, il stipule la distribution de différentes sommes d’argent à de nombreux légataires : abbayes, couvents, hôpitaux, églises démunies, veuves et orphelins dans le domaine royal. [60] Sa sépulture sera édifiée à Saint-Denis. [62] Il établit une rente pour sa fille Blanche, à percevoir aussi longtemps qu’elle ne pourra recouvrer son douaire en Espagne. [65] Une somme est aussi dévolue au bénéfice de la Terre sainte et [68] pour financer dix chevaliers en cas de croisade. [75] Les exécuteurs testamentaires sont nommés et [77] et leur éventuel remplacement réglé.

Auteur: Philippe [III], roi de France

Disposant: Philippe [III], roi de France

Sceau:

Bénéficiaire: De nombreux abbayes, monastères, hôpitaux, églises démunies, veuves et orphelins dans le domaine royal ; Blanche sœur du roi, épouse de Ferdinand de La Cerda, infant de Castille ; la Terre sainte

Autres Acteurs: Guy de Genève, évêque de Langres ; Thibaut [I^er] de Pouancé, évêque de Dol ; Mathieu de Vendôme, abbé de Saint-Denis ; Robert [II], abbé de Royaumont ; Jean d’Acre, bouteiller de France ; Humbert de Beaujeu, connétable de France ; Jean de Puiseux, chanoine de Chartres ; Pierre [V] de Chambly et Jean seigneur de Poucin, chambellans du roi

Rédacteur: Chancellerie royale

Support: Minute originale parchemin (rouleau), 20,3 x 87,3 cm

Lieu de conservation: Paris AN : J 403 - Testaments I, n° 11^bis ^[a]

Édition antérieure:

Commentaire:

1 En non de Sainte Trinité,, dou Pere, dou Fill et dou Saint Esperit,· amen.· 2 Phelippes par la grace de Dieu rois de France. \2
3 Nous faisons à savoir que nous, par la grace Dieu, sain et hetié de cors,, avons pour le salu de nostre ame \3 ordené nostre testament en la maniere qui s’ ensieut ci aprés,, 4 en rapelant touz autres testamens que nous \4 avons fais ou tans passé.· \5
5 Premierement, nous volons et commandons que toutes nos deites soient paiés, et tuit nostre tort_fet amendé \6 par les executeurs de cest nostre testament, qui aprés sunt nommés,, ou par autres, si comme il verront \7 que bien sera à feire.
6 Aprés, nous commandons et donnons nostre ame à Dieu.· \8 Et laissons à l’ abaïe de Cistiaus cinquante libr. tornois pour fere en cele abbaïe nostre anniversere perpetuel\9ment. \10 7 À l’ a_baïe de Realmont ^[1] seur Aise,· deus cens lb. torn. por ^[2] fere perpetuelment nostre anniversaire· et pour esta\11blir ileuc un moine prestre, qui pour nous chantera messes aprés nostre decés.· \12 8 À vint autres abbaïes de cel ordre meismes et de Clerevaus, en nos demaines,, cinc cens ^[3] lb. torn. \13
9 As nonnains de Pontoise,· deuz cens lb. torn., por ^[4] fere perpetuelment nostre anniversaire, et por establir un \14 frere chapelain qui chantera ilec messes por nous, aprés nostre decés.· \15 10 As nonnains de l’ abaïe dou Lis delez Meleun,· cent lb. torn. pour fere perpetuelment nostre anniversaire. \16 11 As nonnains de Saint Antoine delez Paris, cent lb. torn. pour ce meismes fere.· \17 12 À autres abbaïes de nonnains de cel ordre meismes, en nos demaines, sis cens lb. torn.· \18
13 À la Maison Dieu de Paris, deuz cens ^[5] lb. torn. de rente· ^[6] et deuz cens lb. en deniers pour fere perpetuelment \19 nostre anniversaire en la dite maison· et por establir ilec un chapelain qui chantera messes pour nous \20 aprés nostre decés.· \21 14 À la Meson Dieu de Pontoise,, sexante lb. torn.· \22 À la Meson Dieu de Vernon, sexante lb. torn.· \23 À la Meson Dieu de Compiegne, sexante lb. torn.· \24 15 À deus cens autres Mesons Dieu plus besoigneuses et plus chargiés dou rëaume, en nos demaines, \25 deuz mil lb. torn., à departir entre eles selonc le sens et l’ ordenance de nos executeurs.· \26 16 À huit cens maladeries plus besoigneuses et plus chargiés dou rëaume, en nos demaines, deuz mil \27 lb. tur.· \28
17 As Freres meneurs de Paris, cinc cens ^[7] lb. tur. por ^[8] feire perpetuelment nostre anniversaire, et por establir un \29 frere qui chantera pour nous aprés nostre decés.· \30 18 À autres Freres meneurs, en nos demaines,, siz cens lb. tur., à departir par le conseil dou mestre provin\31cial de France· et dou gardien et dou lecteur de Paris. \32 19 As Freres preescheeurs de Paris,· cinc cens ^[9] lb. torn. por nostre anniversaire fere, et por establir un frere \33 autresi comme il est dit des Freres meneurs.· \34 20 À autres mesons des Freres preescheeurs ou rëaume, en nos demaines,, siz cens lb. tur. à departir par \35 le conseil dou prieur provincial de France, et dou prieur et dou plus ancien lecteur de Paris.· \36
21 À l’ abbaïe de l’ Umilité Nostre Dame delez Saint Cloot, cinquante lb. tur. pour fere perpetuelement nostre anni\37verseire. \38 22 Au priouré de Saint Morisse de Senliz,, cinquante lb. tur. pour fere autresi nostre anniversaire.· \39 23 As sereurs Saint Dominique delez Montargi,· cent ^[10] lb. tur. pour fere autresi nostre anniversaire. \40 24 As sereurs de cel ordre meismes delez le pont de Roen,· cinquante lb. pour fere ceismes ^[11].· \41 25 À l’ abbaïe de Fontevraut, pour ce meismes,· cent lb. tur. ^[12] \42 26 As priorés de cel ordre meismes, en nos demaines, trois cens ^[13] lb. tur. à departir selonc le sens et l’ ordenan\43ce de nos executeurs., \44 27 À l’ abbaïe de Premoustré, trente ^[14] lb. tur. pour nostre anniversaire fere perpetuelment.· \45 28 À l’ abaïe de Joieval, trois cens lb. tur. pour fere perpetuelment nostre anniversaire· et pour establir un chapelain \46 qui chantera pour nous.· \47 29 À l’ abaïe d’ Aubecourt, vint lb. tur.· \48 30 As autres abbaïes de cel ordre meismes, en nos demaines, deuz cens lb. tur. à departir selonc l’ ordenance \49 de nos executeurs.· \50
31 À la meson ^[15] de l’ ordre de la Trinité de Paris, sexante lb. tur. por fere perpetuelment nostre anniversaire.· \51 32 À la meson de la Trinité de Fontainebliaut, ·XL· lb. tur.· por fere autresi nostre anniversaire. \52 33 As autres mesons de cel ordre meismes, en nos domaines, ·LX· lb. tur. à departir selonc l’ ordenance de nos executeurs. \53 34 As freres dou Val des Escoliers de Paris, ·LX· lb. tur. por fere perpetuelment nostre anniversaire. \54 35 As mesons de cel ordre meismes, en nos demaines, ·LX· lb. tur. à departir par nos executeurs.· \55 36 À l’ a_baïe de la Victoire delez Senlis, ·LX· lb. tur. pour fere perpetuelment nostre anniversaire.· \56 37 As nonnains de Nemous, quarante ^[16] lb. tur. por fere autresi nostre anniversaire.· \57 38 À l’ a_baïe Saint Victor de Paris, ·XL· lb. tur. pour ce meismes.· \58 39 As freres des Sas de Paris, ·XX· lb. tur.· ^[17] \59 40 As freres dou Mont dou Charme de Paris, ·XX· lb. tur.· \60 41 As Freres hermites de l’ orde Saint Guillame de Mont_rouge, ·XX· lb. tur. \61 42 As Freres hermites de l’ orde Saint Augustin de Paris, XV ^[18]· lb. tur.· \62 43 As freres de l’ orde Sainte Crois de Paris, ·XX· lb. tur.· \63 44 As freres de l’ orde Nostre Dame de Paris, ·XX· lb. tur.· \64 45 As filles Dieu et as repenties de Paris, ·L· ^[19] lb. tur.· \65
46 À la congregacion des povres avugles de Paris, ·L· lb. tur.· \66 47 As escoliers de Saint Thomas du Louvre, ·XV· ^[20] lb. tur.· \67 48 As escoliers de Saint Honoré, ·X· lb. tur.· \68 49 As bons enfans de Paris, ·LX· lb. tur.· ^[21] \69 50 À autres menus escoliers de Paris, ·C· et ·L· ^[22] lb. tur., à departir par le prieur des Preescheeurs et par le gardien des Freres meneurs de Paris. \70 51 As povres beguines de Paris, ·XX· lb. tur., \71 As autres povres beguines en nostre demaine, ·C· lb. tur. à departir par nos executeurs. \72 52 À povres damoiseles et povres dames veves marier,, et à povres gentils hommes honteus soustenir en la \73 terre de Gastinois et d’ Orlenois, ^[23]· mil et cinc cens ^[24] lb. tur. \74 53 À autres povres fames marier et assener,, et orfelins et autres povres soustenir es autres terres dou rëaume, \75 en nos demaines, ·III^m· lb. tur.· à departir par l’ ordenance de nos executeurs.· \76 54 Pour buriaus et solers acheter, à departir as povres en nos demaines, sept cens ^[25] lb. tur. \77 55 As euvres des eglises parroissiaus de Paris, siz cens lb. tur. à departir par l’ ordenance de nos executeurs. \78 56 À acheter aournemens pour povres yglises dou rëaume, en nos demaines, ·C· et ·L· ^[26] lb. tur. à departir par nos executeurs. \79
57 Derechief, nous lessons à la mesnie de nostre ostel, troiz mil lb. tur. à departir par nos executeurs,, c’ est à savoir à nos \80 serjans qui n’ avront eü nul guerredon de leur service, ou qui n’ avront paz esté soufisanment guerredonné, \81 si comme il savront que fera ^[27] à fere. \82 58 Et requerons les chapelains de nostre chapele de Paris qu’ il, aprez nostre decés, facent touz jours mes pour nouz chan\83ter par un de leur chapelains chascun jour la messe que l’ an chante por les trespassés,, et fere sollemp\84neument touz jours mes nostre anniversaire chascun an, le jour de nostre trespassement., 59 Et nous, pour ce, leur donnons \85 et lessons ·X· lb.· tur.· de rente· à prendre en nostre prevosté de Paris chascun an, le jour de l’ anniversaire., \86
60 Derechief, nous donnons et lessons à l’ abaïe Saint Denis en France, là où nous eslisons nostre sepolture, ^[28] pour \87 nostre anniversaire fere dou jour de nostre trespassement en avant, ·XL· lb. tur. de perpetuel rente à prendre \88 le jour devant nostre anniversaire, chascun an, en nostre prevosté de Paris, en deniers por fere pitence au convent \89 le jour de nostre anniversaire.· 61 Et si lessons onquore à l’ abaïe Saint Denis rente en cele meismes prevosté, por establir \90 par nos executeurs un cierge qui ardra perpetuelment en l’ yglise Saint Denis.· \91
62 Derechief, nous lessons à Blanche, nostre suer, quatre mil lib. tur. à prendre chascun an au Temple, à Paris, \92 tant comme ele vivra aprés nostre decés,, se ainsi n’ estoit que ele peüst recovrer son douaire d’ Espaigne ;, 63 car se \93 ele le recovroit, nouz volons que ele cesse de prendre les quatre mile lb. tant comme ele porra joïr dou douaire. \94
64 Et si, volons et commandons que chascuns des clers et des chapelains qui seront à nous ou tens de nostre tres\95passement, et ne seront porveü en benefice d’ Yglise,, aient chascun an de nostre hoir qui sera rois de France, \96 ·XX· lb. tur. de rente chascun an,, tant qu’ il soient porveü par nostre hoir en benefice d’ Yglise ou en autre sou\97fisanment., \98
65 Et pour la grant devocion que nous avons à la Terre Sainte,, s’ il avenoit, que Diex ne weille, que nous trespassissons \99 de cest siecle avant que nous eüssons fet nostre pelerinage d’ outremer, 66 nous lessons au secours de cele terre \100 quarante mile lb. tur. à metre et à despendre ou porfit de cele terre par nostre hoir qui sera rois de France.· \101 67 Et se il en estoit negligent,, nous volons qu’ il en ce soient mis et despendu par ceus que nostre executeur ver\102ront qui miex le porront et savront fere,· selonc ce que cil nostre executeur en porront et savront miex or\103dener au salu de nostre ame.· \104 68 Et puor l’ ame de la royne Ysabel, jadiz nostre fame, soient envoié ou secours de la Terre Sainte, au premier ge\105neral passage aprez nostre trespassement, ·X· chevaliers as despens nostre hoir,, si comme nostre executeur ordeneront. \106
69 Derechief, nous volons et commandons que touz les lez et les dons devant dis soient paié des biens que nous \107 avrons ou rëaume de France ou tans de nostre decés., \108 70 Et à toutes ces choses tenir et acomplir, nouz obligions nostre hoir et nostre terre., 71 Et volons et commandons que, \109 se ceste nostre ordenance ne valoit comme testament, qu’ ele vaille comme desreniere volenté, ou en autre maniere \110 en quoi ele porra mieux valoir. \111
72 Derechief, nous ordenons et commandons que se aucunes choses estoient douteuses, ou oscures en cest testa\112ment,, 73 que nostre executeur desouz nommé aient povoir,, et nous iceli povoir leur donnons, d’ esclarcir et de \113 fere ce qu’ il verront à fere pour le salu de nostre ame.· \114 74 Et volons onquore qu’ à nos tors_fez prover, soufise tel preuve comme il leur samblera que bien soit.· \115
75 Et, de cest nostre testament, nous establissons executeurs noz amez feaus, Guy evesque de Lengres,· Thibaut· \116 evesque de Dol,· les abbés de Saint Denis en France et de Rëaumont,, noz amés cousins, Jehan bouteil\117lier, et Imbert connestable de France,, mestre Jehan de Puiseuz, chanoine de Chartres, nostre clerc,, Pierre \118 de Chambli et Jehan Poucin noz chambellenz,· 76 as quiex, quant à ceste execucion fere,, nous volons et com\119mandons que nostre hoir qui sera nostre successeur ou rëaume, porvoie en despens ausi à eus comme à ceus qu’ il \120 metront en lieu d’ eus., 77 Et se il tuit ne puent ou ne welent estre à fere l’ execution,, ou se il avient que \121 aucuns d’ eus trespasse de cest siecle avant,, 78 la greigneur partie en nombre de ceus qui demorront,, ou troiz \122 de ceus,, ou, se tuit trespassoient, li dui abbé et le tiers qu’ il vodroient apeler avec eus,, aient povoir de \123 fere l’ execution de cest testament.,
79 En tesmoing de la quele chose,, nous avons fet metre nostre seel à ces \124 presentes lettres.·
80 Ce fu fet à Paris, 81 en l’ an nostre Seigneur· mil deuz cens quatrevins et quatre, 82 ou \125 mois de marz.· ^[29]

Notes de fiche
^[a] Cf. R 1285 03 32 01 (testament définitif).

Notes de transcription
^[1] « Realmont » est écrit au-dessus de « Beaumont », qui n’a pas été raturé.
^[2] Le mot est souligné.
^[3] Le chiffre est souligné ; au-dessus de la ligne : « M ».
^[4] Le mot est souligné.
^[5] Le chiffre est souligné ; au-dessus de la ligne : « M ».
^[6] Les deux mots sont soulignés. Au-dessus de la ligne : « Ad emendos redditusperpetuos ad opussustentatonis pauperuminfirmorum ».
^[7] Le chiffre est souligné ; au-dessus de la ligne : « septingenti».
^[8] Le mot est souligné.
^[9] Le chiffre est souligné ; au-dessus de la ligne : « septingenti».
^[10] Le chiffre est écrit au-dessus de « cinquante », exponctué.
^[11] Sic !
^[12] À droite le mot « quadringenti», ajout d’une main postérieure.
^[13] Le chiffre est souligné.
^[14] Le chiffre est souligné ; au-dessus de la ligne : « sexaginta».
^[15] Au-dessus de la ligne : « Saint Materin ».
^[16] Au-dessus de la ligne : « centum».
^[17] D’une autre main, à droite : « Si tunc superstiterint frates dicti ordinis in domo eorumParisiensis».
^[18] Le chiffre « X » a été ajouté au-dessus de « V ».
^[19] Au-dessus de la ligne : « C ».
^[20] Au-dessus de la ligne : « XX ».
^[21] À droite : « CC ».
^[22] Le chiffre est souligné.
^[23] À partir du mot « terre », le texte est souligné ; au-dessus de la ligne : « rëaume ».
^[24] Le chiffre est raturé ; au-dessus de la ligne : « MM ».
^[25] Le chiffre est souligné ; au-dessus de la ligne : « M ».
^[26] Le chiffre est raturé ; au-dessus de la ligne : « CC ».
^[27] Sic ! Comprendre « sera ».
^[28] Au-dessus de la ligne : « propitantia die sepulturisC LX lb. ».
^[29] Note latine en bas de page : TerminisantiquiPhilippi VI^c L lb. parisis. ItemVI^c V lb. perpetui redditus et omnia iocalia et ornadata aurea ecclesie Sancti Dyoniysi.