Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

RC 1284 05 17 01

Melun - 1284, 17 mai

Type de document: lettre patente en forme de charte (« Traité de Melun »)

Objet: [1] Philippe [III, dit le Hardi], roi de France, [2] fait connaître l’accord [3] entre Jeanne, reine de Navarre, héritière des comtés de Champagne et de Brie d’une part, [4] et Blanche, sa mère, reine de Navarre, et Edmond d’Angleterre, son second mari, d’autre part, [5] pour décider si Jeanne, âgée de treize ans, peut régner seule sur ses domaines, [6] ou si elle doit être soumise à une régence jusqu’à ses vingt et un ans. [8] Jeanne reproche aux régents plusieurs manquements, [9] que ceux-ci nient. [10] L’accord conclu par la volonté du roi Philippe prévoit : [11] que le douaire obtenu par Blanche de Navarre en vertu de son deuxième mariage avec Edmond d’Angleterre restera inaltéré, [12] les rentes transmises à Blanche après la mort du roi Henri [III] d’Angleterre resteront à elle et à Edmond ; [13] en outre, la moitié des acquêts du mariage, [14] lesquels doivent être estimés et être transmis ensuite sous forme de châtellenie dans un fief de Champagne, hormis la maison de Paris qui restera commune à eux et à Jeanne. [17] Edmond et Blanche ont droit à d’autres rentes, [18] droits féodaux, [19] au paiement de leurs créances, [20] à des biens meubles, [21] à la taille levée sur Provins et [22] aux amendes et taxes provenant des jugements prononcés jusqu’à présent en Champagne. [24] Le roi Philippe donne quittance à Blanche et à Edmond de leur obligations précédentes envers lui, [25] hormis ce qu’ils sont tenus de remettre à Jeanne. [26] Le roi indemnise Blanche et Edmond d’une somme de 60.000 £ t. [30] Toutes les parties s’engagent à respecter le traité.

Auteur: Philippe [III], roi de France

Disposant: Philippe [III], roi de France

Sceau:

Bénéficiaire: Jeanne [I^ère], reine de Navarre

Autres Acteurs: Blanche d’Artois, reine de Navarre ; Edmond de Lancastre, fils du roi Henri [III] d’Angleterre

Rédacteur: Chancellerie royale

Support: Copie du XIII^e siècle sur parchemin, 32,3 x 61,8 cm

Lieu de conservation: Paris AN : J 199 - Champagne VII, n° 37 ^[a]

Édition antérieure:

Commentaire:

1 · Phelippes par la grace de Dieu roi de France.·
2 Sachent tuit cil qui sont et qui à-venir sunt 3 que, com descorz et debaz fussent \2 entre damoiselle Jehanne reine de Navarre, hoir des contez de Champaigne et de Brye d’ une part, 4 et nostre amé cousin \3 Eymon fiz le roy Henri d’ Engleterre et Blanche par la grace de Dieu reyne de Navarre, contesse de Champaigne et de Brye pala\4zine, sa compaigne, mere à-ladite Jahanne d’ autre,, 5 seur ce que ladite Jehanne nous offroit le cors et les mains et entrer \5 en nostre homage des dites contez de Champaigne et de Brye et des appartenances, pour ce qu’ ele estoit en_aagee et \6 ses bauz failliz par les us et par les coustumes de Champaigne, si com elle disoit.· 6 Et lidiz Eymond et· Blanche·, sa compaigne, disoi\7ent le contraire en affermant qu’ il devoient tenir le bail juques à vint un an acompli par les us, et par les coustumes des \8 pers et des barons de France,, 7 et que la dite Jehanne ne devoit entrer devant lors en nostre homage des choses devant dites. \9
8 Item, sur ce que ladite Jehanne disoit que lidit Eymond et· Blanche·, sa compaigne, avoient fet couper forez anciennes autrement qu’ il \10 ne devoient, maisons, chatiaus, ponz, chauciés et estans lessier descheoir,· juys reinz, et fait pluseurs autres greis,· levees \11 et autres choses en la dite terre qu’ il ne devoient ne poient fere par raison de bail, si com ele disoit,· 9 et lidiz Eymond et \12· Blanche·, sa compaigne, disoient le contraire par mout de raisons qu’ il metoient avant.
10 À la parfin des diz contenz et descorz, \13 pais et acorz fut fais de nostre assentement, nostre volenté, nostre auctoritate entre lesdites persones en la fourme qui s’ en\14suit.· 11 C’ est à-savoir que le douaire à la dite Blanche li demuere et demourra en la maniere et en la forme que li rois Henris \15 li assena et eschanga, si com il est contenu en ces lettres qui en-sont ^[1] faites, et com nous l’ avons tesmoignié,· volu,, otroié \16 et greé par noz lettres.·
12 Derechief, li heritages qui est et dut estre acheté de la somme de vint deus mile livres torn. \17 qui furent baillies au roi Henri pour metre en heritage por ladite Blanche,· et de trois mile lib. torn., dez quels li rois \18 Henris pooit faire sa volenté tant com il vivroit, et aprés sa mort son hoir estoit tenuz à les rendre à la dite Blanche, \19 demuerent et demourront as diz Eymond et Blanche sa compaigne.·
13 Derechief,, la moitié des conqués que li rois Henris \20 fist durant le mariage entre li et ladite Blanche demeure et demourra as dis Eymond et Blanche.· 14 Et est acordé, \21 pour eschiver toz debaz, que la value de cez conquez soit enquise et sehue et mise en une chastelerie ou en certaines \22 viles tout ensemble,· sauve la maison de Paris, qui demuert commune à eaus, et à-leur fille.·
15 Derechief, les conquez que \23 les diz Eymond et Blanche ont fait durant le mariage entre aus,, por eaus et por leur enfanz, leur demuerent et \24 demorront.·
16 Derechief, est acordé que cil conquest et li dit heritage soient tenu à un fié et à un homage,, tant com \25 apartient au conté de Champaigne dou dit conte, et demuerent et demorront as dis Eymon et Blanche.·
17 Derechief, \26 totes les rentes, li profit et les issues des dites contez de Champaigne et de Brye, et des apartenances qui sunt esche\27oites et avenues, de quelquel chose que ce soit, jusques au jour de cest acort, demeurent et demorront as diz \28 Eymon et Blanche, ou à ceus qui i-avront cause de eaus.·
18 Derechief, tuit quint denier,, les mains_mortes,, li forma\29riage,, les eschoites des larrons,, des murtriers,, des banniz,, soient mueble ou heritage, qui sunt avenu et cheoit jusques \30 au jour de cest acort, demuerent et demorront as diz Eymon et Blanche, en tel-maniere que ces heritages soient \31 vendu ou-mis hors de leur main.·
19 Derechief, totes les detes que l’ en leur doit, soit de leur tens, ou dou tens au roi \32 Thibaut· ou dou roi Henri, en contez de Champaigne et de Brye et en Navarre et ailleurs, demeurent et demorront as diz \33 Eymon et Blanche.·
20 Derechief,, leur demeurent et demorront tuit li mueble,, soient dou roi· Thibaut· ou dou roi Hen\34ri, sanz les engins, arbalestres,, carreaus, et les armeüres de garnisons des chasteaus, qui demuerent aut ^[2] dit hoir. \35
21 · Derechief, demuerent et demorra as diz Eymon et Blanche tout ce qui est encor à recevoir et à recovrer de la \36 taille de Provins.·
22 Derechief,, les amendes des enquestes et des meffaiz qui sunt fait en leur tens, qui ne sunt encor \37 jugiees ne taxees de terme passé, dont li jugement et li taxement à faire selon ce que l’ en a usé jusques ci,, leur \38 demuerent et demorront aveuc les dites amendes, 23 et totes les autres choses desus dites demuerent et demor\39ront par la dite pais enterinement, paisiblement et quitement as diz Eymon et Blanche.·
24 Derechief,· il est acordé \40 pour bien de pais que de totes demandes,, de totes quereles, et de totes actions desus dites, et toutes \41 autres, que nous, par nostre office, por ledit hoir, ou pour autre cause,, ou lidiz hoirs de Champaigne, pooions demander \42 as diz Eymon et Blanche, ne achoisonner, de quelquel chose, ne quelquel cause que ce fust, jusques au jour de cest acort, \43 li diz Eymond et Blanche et leur hoir sunt et seront quite et delivré à toz jourz,· 25 sauf ce que ledit Eymond \44 et Blanche sunt tenu à delivrer la dite Jehanne, hoir de Navarre, de Champaigne et de Brye,, et de toutes detes cleres \45 et conneües ou soufisanment prouvees dou-tens au roi Thibaut· et au roi Henri, son frere,, et dou testament dou \46 dit roi· Thibaut.·
26 Et pour ces dites choses, si com eles sunt ci desus devisees, et pour soixante mile lib. de torn. à \47 paier dedenz trois ans,, que nous soumes tenu à rendre as diz Eymon et· Blanche·, 27 c’ est à-savoir à la Toz_sainz pruchenement \48 à venir,, dis mile lb. tornois,· à-l’ Ascension ensivant, dis mile lb. tornois,· e chascun an ensivant, vint mile livres tornois, \49· c’ est à-savoir à chascun des diz termes, dis mile lb. tornois, jusques à-tant que totes les dites soixante mile lb. torn. \50 soient parpaiees,· 28 li dit Eymond et Blanche· quitent et otroient et delaissent enterignement ^[3] à nous et au dit hoir, tout \51 le droit,, tote la raison qu’ il ont par raison de bail es dites contez de Champaigne et de Brye et des apartenances,, pour \52 le tens qui est à-venir dou dit bail, dés le jour que ciz acorz fu faiz en avant.· 29 Et nous et nostre hoir soumes tenu \53 à paier com nostre propre dete,, as diz Eymon et· Blanche,· sa compaigne,, ou à-leur hoirs, ou à-leur certain commandement, \54, les dites soixante mile lb. de torn., es termes desus nommez,, au Temple à Paris.· 30 Et soumes encor tenuz, nous et \55 nostre hoir, de faire et procurer, faire tenir et acomplir totes les choses desus dites,, et que la dite Jehanne ne \56 si hoir ne venront jamés encontre, ne en-tout, ne en partie.· 31 Et lidit Eymond,· Blanche· et Jehanne ont \57 promis par devant nous, l’ une partie à l’ autre, qu’ il avront ces choses fermes et estables et que il ne venront \58 encontre,, et en obligent eaus et leur hoirs et leur biens.·
32 Et en tesmoing des choses desus dites,, nous avons \59 fait metre nostre seel en ces presentes lettres.·
33 Ce-fu fait à Meleun,, 34 la voille de l’ Ascension,· l’ an de grace· mil· deus \60 cenz· quatrevinz et quatre,, 35 ou mois de may.·

Notes de fiche
^[a] Cf. R 1284 05 17 01.

Notes de transcription
^[1] Suit le mot « finit », exponctué.
^[2] Sic !
^[3] Le « g »est écrit au-dessus de la ligne, une flèche indique sa position envisagée dans le mot.