Téléchargement du document

Documents linguistiques galloromans
Corpus : chartes Royales (chRoy)
Responsable du corpus : Martin-D. Glessgen
Édition de la charte : Paul Videsott

R 1284 05 17 01

Melun (Seine-et-Marne) - 1284, 17 mai

Type de document: lettre patente en forme de charte (« Traité de Melun »)

Objet: [1] Philippe [III, dit le Hardi], roi de France, [2] fait connaître l’accord [3] entre Jeanne, reine de Navarre, héritière des comtés de Champagne et de Brie d’une part, [4] et Blanche, sa mère, reine de Navarre, et Edmond d’Angleterre, son second mari, d’autre part, [5] pour décider si Jeanne, âgée de treize ans, peut régner seule sur ses domaines, [6] ou si elle doit être soumise à une régence jusqu’à ses vingt et un ans. [8] Jeanne reproche aux régents plusieurs manquements, [9] que ceux-ci nient. [10] L’accord conclu par la volonté du roi Philippe prévoit : [11] que le douaire obtenu par Blanche de Navarre en vertu de son deuxième mariage avec Edmond d’Angleterre restera inaltéré, [12] les rentes transmises à Blanche après la mort du roi Henri [III] d’Angleterre resteront à elle et à Edmond ; [13] en outre, la moitié des acquêts du mariage, [14] lesquels doivent être estimés et être transmis ensuite sous forme de châtellenie dans un fief de Champagne, hormis la maison de Paris qui restera commune à eux et à Jeanne. [17] Edmond et Blanche ont droit à d’autres rentes, [18] droits féodaux, [19] au paiement de leurs créances, [20] à des biens meubles, [21] à la taille levée sur Provins et [22] aux amendes et taxes provenant des jugements prononcés jusqu’à présent en Champagne. [24] Le roi Philippe donne quittance à Blanche et à Edmond de leur obligations précédentes envers lui, [25] hormis ce qu’ils sont tenus de remettre à Jeanne. [26] Le roi indemnise Blanche et Edmond d’une somme de 60.000 £ t. [30] Toutes les parties s’engagent à respecter le traité.

Auteur: Philippe [III], roi de France

Disposant: Philippe [III], roi de France

Sceau: Philippe [III], roi de France

Bénéficiaire: Jeanne [I^ère], reine de Navarre

Autres Acteurs: Blanche d’Artois, reine de Navarre ; Edmond de Lancastre, fils du roi Henri [III] d’Angleterre

Rédacteur: Chancellerie royale

Support: Original parchemin, 40 x 44,8 cm, scellé du sceau de cire verte sur lacs de soie rouge et verte de Philippe [III], roi de France.

Lieu de conservation: Paris AN : J 199 - Champagne VII, n° 36 ^[a]

Édition antérieure:

Commentaire:

Verso: Sur le repli à gauche : Collatio facta est

1 Phelippes· par la grace de Dieu roi de France.·
2 Sachent tuit cil qui sunt et qui à venir sunt, 3 que, com descorz et debaz fussent entre damoisele Jehanne reine de Navarre, hoir des \2 contez de Champaigne et de Brye, d’ une part,, 4 et nostre amé cousin Eymon fiz le roy Henri d’ Engleterre et Blanche par la grace de Dieu reyne de Navarre, contesse de Champaigne et \3 de Brye palazine, sa compaigne, mere à la dite Jehanne d’ autre,, 5 seur ce que la dite Jehanne nous offroit le cors et les mains et entrer en nostre homage des dites contez de Cham\4paigne et de Brye et des appartenances, pour ce qu’ ele estoit enaagee· et ses bauz failliz par les us et par les coustumes de Champaigne, si com ele disoit.· 6 Et lidiz Eymond et· Blanche·, sa com\5paigne, disoient le contraire en affermant qu’ il devoient tenir le bail jusques à vint un an acompli par les us et par les coustumes des pers et des barons de France,· 7 et que \6 la dite Jehanne ne devoit entrer devant lors en nostre homage des choses devant dites.·
8 Item, seur çe que la dite Jehanne disoit que li dit Eymond et· Blanche·, sa compaigne, avoient fait \7 couper forez anciennes autrement qu’ il ne devoient,, maisons,, chasteaus,, ponz,, chauciés et estans laissier descheoir,· juys reinz, et fait pluseurs autres griés,, levees et autres cho\8ses en la dite terre qu’ il ne devoient ne pooient faire par raison de bail,· si com ele disoit,· 9 et lidiz Eymond et· Blanche·, sa compaigne, disoient le contraire par mout de raisons qu’ il me\9toient avant.·
10 À la parfin, des diz contenz et descorz, pais et acorz fu fais de nostre assentement,, nostre volenté, et nostre auctorité entre les dites persones en la forme qui s’ ensuit.· 11 C’ est \10 à savoir que le douaire à la dite Blanche li demuere et demourra en la maniere et en la forme que li rois Henris li assena et eschanga, si com il est contenu en ses lettres qui en \11 sunt faites, et com nous l’ avons tesmoignié,, volu,, otroié, et greé par noz lettres.·
12 Derechief, li heritages qui est et dut estre acheté de la somme de vint deus mile livres torn., qui furent \12 baillies au roi Henri pour metre en heritage por la dite Blanche,· et de trois mile lb. torn., des quels li rois Henris pooit faire sa volenté tant com il vivroit,, et aprés sa mort, sun \13 hoir estoit tenuz à les rendre à la dite Blanche,, demuerent et demourront as diz Eymond et Blanche sa compaigne.·
13 Derechief,, la moitié des conquez que li rois Henris fist \14 durant le mariage entre li et la dite Blanche, demuere et demourra as diz Eymond et Blanche.· 14 Et est acordé, pour eschiver toz debaz, que la value de cez conquez soit enquise \15 et sehue et mise en une chastelerie ou en certaines viles tout ensemble,· sauve la maison de Paris, qui demuert commune, à eaus et à leur fille.·
15 Derechief,· les conquez que les diz \16 Eymond et Blanche ont fait durant le mariage entre eaus,, por eaus et por leur enfanz, leur demuerent et demorront.·
16 Derechief, est acordé que cil conquest et li dit heritage soi\17ent tenu à un fié et à un homage,, tant com apartient au conté de Champaigne, dou dit conte, et demuerent et demorront as diz Eymon et Blanche.·
17 Derechief,, totes les rentes,, li \18 profit et les issues des dites contez de Champaigne et de Brye, et des apartenances qui sunt escheoites et avenues, de quelquel chose que ce soit, jusques au jour de cest acort, \19 demuerent et demorront as diz Eymon et Blanche, ou à ceus qui i avront cause de eaus.·
18 Derechief, tuit quint denier,, les mains_mortes,, li formariage,, les eschoites des \20 larrons,, des murtriers,, des banniz,, soient mueble ou heritage, qui sunt avenu et cheoit, jusques au jour de cest acort,, demuerent et demorront as diz Eymon et \21 Blanche, en tel maniere que ces heritages soient vendu ou mis hors de leur main.·
19 Derechief,· totes les detes que l’ en leur doit,, soit de leur tens, ou dou tens au roi Thibaut· \22 ou dou roi Henri, en contez de Champaigne et de Brye, et en Navarre et ailleurs,, demuerent et demorront as diz Eymon et Blanche.·
20 Derechief,, leur demuerent et demor\23ront tuit li mueble,, soient dou roi· Thibaut· ou dou roi Henri, sanz les engins, arbalestres,, carreaus, et les armeüres des garnisons des chasteaus, qui demuerent au dit \24 hoir.·
21 Derechief,, demuert et demorra as diz Eymon et Blanche tout ce qui est encor à recevoir et à recovrer de la taille de Provins.·
22 Derechief, les amendes des enquestes et des mef\25faiz qui sunt fait en leur tens, qui ne sunt encor jugiees ne taxees de terme passé,, dont li jugement et li taxement à faire selon ce que l’ en a usé jusques ci,, leur demuerent et demorront \26 avec les dites amendes, 23 et totes les autres choses desus dites, demuerent et demorront par la dite pais enterinement,, paisiblement et quitement as diz Eymon et Blanche.· \27
24 Derechief,· il est acordé pour bien de pais que de totes demandes,, de totes quereles, et de toutes actions desus dites, et de toutes autres, que nous, par nostre office,, por le dit \28 hoir, ou por autre cause,, ou li diz hoirs de Champaigne, pooions demander as diz Eymon et Blanche, ne achoisonner, de quelquel chose, ne quelquel cause que ce fust,, jusques \29 au jour de cest acort,, li diz Eymond et Blanche et leur hoir sunt et seront quite et delivré à toz jourz,, 25 sauf ce que li dit Eymond et Blanche sunt tenu à delivrer \30 ladite Jehanne, hoir de Navarre, de Champaigne et de Brye,3 , de toutes detes cleres et conneües ou soufisanment prouvees dou tens au roi· Thibaut et au roi Henri, son frere,· \31 et dou testament dou dit roi· Thibaut.·
26 Et por ces dites choses, si com eles sunt çi desus devisees,, et por soixante mile lb. de torn. à paier dedenz trois anz,, que nous sommes \32 tenu à rendre as diz Eymon et· Blanche·, 27 c’ est à-savoir à la Toz_sainz procheinement à venir,, dis mile lb. tornois,· à l’ Ascension ensivant, dis mile lb. torn.,· e chascun an ensivant,, vint mile \33 livres tornois,· c’ est à-savoir à chascun des diz termes, dis mile lb. torn., jusques à tant que totes les dites soixante mile lb. torn. soient parpaiees,· 28 li dit Eymond et· Blanche· \34 quitent et otroient et delaissent enterignement à nous et au dit hoir tout le droit,, tote la-raison qu’ il ont par raison de bail es dites contez de Champaigne et de Brye \35 et des apartenances,, pour le tens qui est à-venir dou dit bail, dés le jour que ciz acorz fu faiz en avant.· 29 Et nous et nostre hoir sommes tenu à paier com nostre propre dete,, as diz Ey\36mon et· Blanche·, sa compaigne,, ou à leur hoirs, ou à leur certain commandement,, les dites· soixante mile lb. de torn., es termes desus nommez,, au Temple à Paris.· 30 Et sommes \37 encor tenu, nous et nostre hoir,, de faire et procurer, faire tenir et acomplir totes les choses desus dites,· et que ladite Jehanne ne si hoir ne venront jamés encontre, ne en tout,, \38 ne en partie.· 31 Et lidit Eymond,· Blanche· et Jehanne ont promis par devant nous, l’ une partie à l’ autre, qu’ il avront ces choses fermes et estables et que il ne venront encontre,· et \39 en obligent eaus et leur hoirs et leur biens.·
32 Et en tesmoing des choses desus dites,, nous avons fait metre nostre seel en ces presentes lettres.·
33 Ce fu fait à Meleun,, 34 la \40 voille de l’ Ascension,· l’ an de grace· mil· deus cenz· quatrevinz et quatre,, 35 ou mois de may.·

Notes de fiche
^[a] Copie : Paris AN : J 199 - Champagne VII, n° 37 (cf. RC 1284 05 17 01). La minute anglaise réalisée probablement pour Edmond d’Angleterre est conservée à Kew [Londres] TNA : E 30/1525.