Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0088

1256, mai. - Douai.

Type de document: charte: arrentement

Objet: Arrentement par Marie de Hainaut d'une maison avec sa cour au Barlet à Rénier "Gravel" moyennant 35 s. de par. et 2 chapons de rente et du jardin de cette maison à Nicolon "Carbonel" et Jean "le Cuvelier" moyennant 52 sous de par.

Auteur: non annoncé, échevins de Douai.

Disposant: Marie de Hainaut, veuve de Martin le Carpentier.

Sceau: non scellé; devise chirographaire: CIROGRAPHE

Bénéficiaire: Rénier Gravel, Nicolas Carbonel, Jean le Cuvelier.

Autres Acteurs: échevins de Douai: Baudouin d'Estrées, Bernard Catel.

Support: Original parchemin chirographe superposé bipartite - partie supérieure.

Lieu de conservation: AM Douai, FF 659/5683.

Édition antérieure: Bonnier, "Etude critique...", n° 60, p. 320.

Verso: Cis contre escris est Renier Gravel et Nicolon Carbonel et Jehan le Cuvelier de Barlet./

1 Sacent tout cil ki sunt et ki a-venir sunt ke 2 Maroie de Hainnau, ki feme fu Martin le Carpentier, a donné \2 a rente et werpi en le hale a Renier Gravel, le carpentier, se maison ki siet a Barlet ki fu Gillion \3 l'Alaing et le cort ki afiert a celi maison dedens les bonnes ki mises i-sunt por le desoivre de le cort et del gardin; \4 et çou li a ele donné por .XXXV. s. de par. de rente par an et .II. capons et par teile maniere que cius Reniers devant dis \5 en doit racater demi marc de .VII. lib. de par. dedens .II. ans les premiers que nous atendons; et ces .VII. lib. devant \6 dites, li a il en couvent a-lui et au-sien et vielt que ele le puist prendre par tout u que il l'ait conme le sien; et quant il-avera \7 racaté ce demi marc, il le doit rabatre et ramenrir de le rente devant nomee. Et si est a-savoir que Maroie devant \8 dite a donné a-rente et werpi en le hale a Nicolon Carbonel et a Jehan le Cuvelier de Barlet le gardin de celi maison \9 ki devant est nomee, dehors les bones, tot ainsi com ele le tenoit; si en a Nicoles Carboniaus les deus pars en contre lui et Jehans \10 li Cuveliers le tierce part en contre lui; et çou lor a ele doné por .LII. s. de par. de rente seur tout entre viés rente \11 et novele, si en doit Nicoles Carboniaus en se partie .XXXIIII. s. .VIII. d. de par. de rente par an et Jehans li Cuveliers en doit .XVII. \12 s. et .IIII. d. de par. de rente par an; si en doivent racater demi marc dedens les premiers deus ans que nous atendons de .VII. \13 lib. de-par., si en doit paier Nicoles les deus pars et Jehans li-Cuveliers le tierce part et si doit rabatre chascuns d'aus deus de le \14 rente devant nomee a l'avenant que chascuns paiera d'argent; et ces .VII. lib. devant dites li ont il en covent a-aus et au-leur \15 et voelent que ele le puist prendre partout u qu'il l'aient conme le sien. Et tout çou si conme il est devant devisé, lor a ele en covent \16 a-aquiter dusques al dit des eskievins. 3 Cis werps fu fais en le hale par devant eskievins Baude d'Estrees et Ber\17nars Cateus, l'an del Incarnation Nostre Seigneur mil .CC.L. et .VI. ans, el mois de may.