Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM258

1269, avril ou 1270 (n.st.), 1-12 avril

Type de document: charte: transaction

Objet: Transaction aux termes de laquelle Mile abbé, et le couvent de Pothières abandonnent à Guy évêque de Langres, la ville et le château de Mussy-sur-Seine où ils pourront toutefois conserver une maison sans forteresse, en échange de 90 livrées de terre, monnaie viennoise, qui devront être assignées par les soins de Guillaume abbé de Flavigny, Eudrie, prieur de Sixte, maître Lambert, curé de Percey-le-Grand, à Bouix, Noiron, Charrey-sur-Seine, Gommeville et, si besoin est, à Plaines et à l'Isle; les trois arbitres se chargeront également du bornage des terres et de la délimitation des justices entre les deux parties, l'abbé de Flavigny gardant en cas de contestation son pouvoir d'arbitrage jusqu'à l'établissement de l'acte définitif.

Auteur: Mile abbé, et le couvent de Pothières

Sceau: auteurs

Bénéficiaire: abbaye de Pothières; évêché de Langres

Rédacteur: scriptorium de l'abbaye de Pothières? scriptorium de l'évêché de Langres

Support: Parchemin^[a] jadis scellé de deux sceaux sur double queue

Lieu de conservation: AD HM, G 451 - Evêché de Langres

Verso: Littere abbatis et conventus Pulteriarum de escambio Muxeii super Sequanam (XIII^e s.)

1 À [touz] [ces] [q]ui verro[nt] cels presentes l[e]tr[es], 2 [n]os, freres Miles, [hum]bles abbes de Poutieres \2 et toz l[i] couvanz de [ce] meisme [lieu], salut e[n] [Nostre] [Seigneur]. 3 [Saichent] tuit que, cu[m] desco[r]z f[us]t entre \3 nos, [d]'[une] part, [et] [le] honorable pe[re] Gui, [par] [la] [grace] de [Deu] [avesque] [de] [Leing]res, [d]'autre pa[rt], 4 [suis] ce qu[e] \4 [n]os aviiens à Mux[é] et de[viens] [avoir] [du] [darren]ier, la dite de[scorde] [est] apaisie [et] [accordee] [des] [dites] \5 choses en tel meniere, 5 c'[est] à-sav[o]ir [qu]e nos otr[oions] et qu[i]ttons [a]u dit avesque [et] à-ses successor[s] [à] [tou]jo[rs] \6 [mai]s [quan]que [nous] [a]vons [et] de[vo]ns [avoir] en la v[ill]e de Muxé et o[u] chatia[u] 6 en hommes, en justises, en seig[nories], \7, en rentes, en forterezes et en totes autres [choses] et toz a[u]tres droiz. 7 Et lidiz avesques, en recompenssacio[n] \8 de cels devant d[ites] [cho]ses, [done] et otroie à nos et à nos su[cce]s[sor]s pa[r]meinnablemant, [en] nom d'eschan[ge], 8 quatre \9 v[i]nz [et] dex livr[e]es de terre à viennois, 9 lez quels i nos [doit] [asseoir] [as] villes et as finaiges de_sous \10 nonmez en justise [et] [en] seigno[rie], c'et à̀-savoir à Bo[u]iz, à Noiron, à Chierre, à Gommeville; 10 et, se ce que il a \11 ne valoit les quatr[e]_vinz et dex livrees de terre, il nos doit essaoir à Pleinne, à l'Ile et as autres leus ou il \12 part à nos jusque à la-valor des quatre_vinz et dex livrees de terre; 11 la quele assise doit estre faite par \13 religieux homme Guillaume abbé de Flavigné, et par mon seignor Eudrie, prioux de Sixte, et par \14 maitre Lambert de Dijo, curé de Percé le Grant, 12 en tel meniere que, s'il i-avoit nun descort en-l'asise \15 faire, l'on s'en tenrroit à-l'asise et au dit del devant dit abbé de Flavigné; 13 et cil troi hont [j]uré de faire \16 l'asise bien et lealment à lor escient. 14 Et est à-savoir que nos summes tenu de rendre totes les lestres \17 que nos avons des devant-dites choses quittees et eschangies, 15 [e]n tel meniere que, se as-devant dites lestres \18 avoit articles ou article qui ne touichessent ou pallessent des devant dites choses quittee[s], quant à ce \19 les l[e]str[e]s remenroient en lor fermeté et en lor val[o]r; 16 et de-ce sera faite novelle chartre del roi et de[l] \20 avesque et del c[ha]pitre. 17 Et volons que n[os]tre finaige et li lor [et] les justises s[oi]ent deboné par ce[ls] \21 trois devant diz ou par autres preudes hommes. 18 Et est à-savoir que [nos] [po]uons aquerir et avo[ir] \22 à Muxé une maison senz [neu]ne forteresce, qui sera de la justise et [de] la seignorie l'avesque de Lengres \23 grant et petite, 19 et n'i porrons gemais plus avoir ne plus acquere. 20 Et est à-savoir que l'avesques \24 de Leingres ne puest retenir noz hommes à Muxé ne autre part, ne nos les suens à Poutieres ne \25 autre part. 21 Et est à-savoir que li viguier et li messier seront mis ensinc com il a esté acostumé, 22 en tel \26 meniere qu'il devent jurer devant chacun des seignors ou devant lor commandemant que totes les prises et [le]s \27 forfaiz que il prandront ou troveront au temps de lor garde, qu'il reveleront et diront en bone foi a \28 chacun des seignors ou à-lor commandemant, senz riens receler; 23 et-chacuns des seignors fara joiir l'aut[re] \29 des devant dites amandes en [s]a justise et en sa seignorie en bonne foi. 24 Et to[t]es cels choses nos promet[ons] \30 en b[o]ne foi à tenir et [a] garder à toujorz mes. 25 Et se auq[u]ne chose remenoit à-acorder entre nos \31 de cels choses devant dites, nos en devons croire le devant [dit] abbé de Flavigné, et tenir ce qu'il en \32 ordenera en bone foi de cels choses et d'autres; 26 et li pouoirs l'ab[b]é de cels choses ordener et acorder \33 dure jusq[u]e tant que chartres soient faites de l'eschange devant dit.
27 On tesmognaige de la quel \34 chose, nos avons mis noz seals en cels presentes lestre, 28 qui furent faites en l'an Nostre Seignor \35 mil du-cenz sexante et nuef, ou mois de avri.

Notes de fiche
^[a] Le document est très endommagé par des éraflures, en particuliers de la ligne 1 à la ligne 10.