Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

chHM238

1269, avril

Type de document: charte: fondation

Objet: Création par Jean seigneur de Châteauvillain et de Luzy, dans son église Saint-Jean-l'Evangéliste de Châteauvillain, de trois prébendes à sa collation, de 13 livres tournois chacune, aux conditions des prébendes déjà existantes, dont les titulaires devront notamment prêter serment de fidélité au fondateur ainsi qu'à l'abbaye de Cluny et au prieuré de Marmesse, et pour lesquelles il assigne 15 livres de tournois forts sur ses frétages et sur ses cens de Châteauvillain, et 24 livres de tournois forts sur sa taille de Blessonville, payables directement aux chanoines, les premiers à la saint Rémy, les seconds à la Saint Berchaire.

Auteur: Jean seigneur de Châteauvillain et de Luzy

Sceau: auteur

Bénéficiaire: chapitre de Saint-Jean-l'Evangéliste de Châteauvillain

Rédacteur: scribe de Jean seigneur de Châteauvillain et de Luzy? scriptorium de Saint-Jean-l'Evangéliste de Châteauvillain

Support: Parchemin jadis scellé sur double queue

Lieu de conservation: AD HM, 2G 928 - Chapitre de Châteauvillain

1 Je, Jehanz, sires de Chastiauvillain et de Luzey, 2 faz savoir à-touz ces qui verront et orront ces presentes lettres 3 que, veuillanz et desirranz acroitre le servise Deu, acroi et hai acreu en \2 m'yglise de Saint Jehan Euvangeliste de Chastiauvillain, 4 et fonde et hai fondees trois prevandes dou nombre outre celui qui ja i-estoit, 5 la valeur de chascune prevande treze livres \3 de tornois forz, 6 des quelx trois prevandes je et mi hoir seignor de Chastiauvillain sommes et serons patron, 7 et retenons le don et la collation ensi cum des-autres prevandes qui ja i-estoent. \4 8 Por les queiles trois prevandes j'ai assis et assiei à-ma dite yglise 9 quinze livres de tornois forz de perpetueil rante 10 à panre et à recevoir des chanoinnes de ma dite yglise ou \5 de leur commandement, franchement, sur mes fretaiges et sur mes autres cens qu-on paie et aporte à Chastiauvillain le jor de la feste saint Remi entrant octoubre; 11 et veuil et \6 otroi que cil qui recevra les diz fretaiges et les diz cens pait et rande les davant dites quinze livres es-mes davant diz chanoinnes ou à leur commendement senz jemais parleir à moi ne \7 à mes hoirs, 12 et qu'il ne puisse ne doe riens baillier ne delivrer ne à moi ne à mes hoirs jusques tant que mi dit chanoinne soent paiei enterinement des desus dites quinze livres; 13 et \8 se il avenoit par avanture, que ja Deux ne doint, que li dit fretaige ne li dit cens ne vaillissent les davant dites quinze livres, 14 je et mi hoir sereiens tenu à paier et à asseoir le \9 defaut en bone foi en autre leu soffisent. 15 Et lour assiei et si lor hai assis ancores vint et quatre livres de tornois forz de perpetueil rante sur ma taille de Bleçonville, 16 à panre \10 et à recevoir de mes diz chanoinnes ou de leur commandement, franchement, dedenz la feste saint Berchaire de Chastiavillain; 17 et veuil et otroi que cil qui recevra la dite taille pait et rande \11 es diz chanoinnes ou à leur commandement les dites vint et quatre livres senz jamais parleir à moi ne à mes hoirs, 18 et que je ne mi hoir n'an puissiens riens recevoir juques tant que mi dit \12 chanoinne en soent paiei enterinement chascun an des dites vint et quatre livres; 19 et s'il avenoit par avanture que la taille ne vaussist les dites vint et quatre livres, 20 je et mi hoir se\13reiens tenu à paier et à asseoir le defaut en autre leu soffisent. 21 Et est à-savoir que je lor puis asseoir et assener en autre leu sofisent en bone foi les dites vint et quatre livres \14 totes les foiz que je vorrai; 22 et si-tost cum je lour avrai assises les-dites vint et quatre livres en autre leu sofisent, ma davant dite taille demorra à moi et à mes hoirs \15 quittement. 23 Et veuil et otroi que li dit troi chanoinne et lor successour aient totes les graces que j'ai donees, otroiies et porchacies es autres chanoinnes qui ja i-estoent. 24 Et est a- \16savoir que li dit troi chanoinne cui j'ai donees les davant dites trois prevandes et lor successour cui je et mi hoir donrons les prevandes doent jurer et feautei et leautei \17 à moi et à mes hoirs qui seront seingnor de Chastiauvillain, 25 et feautei et leautei es estaublissemenz de ma dite yglise, ensi cum mi autre chanoinne qui ja i-estoent ont \18 fait ançois qu'il soent receu en chanoinne 26 et feautei et leautei à l'yglise de Clugny et de Marmaesse. 27 Et totes ces choses je promet à tenir fermement et leaument \19 à la bone foi, et en oblige à ma dite yglise moi et mes hoirs et noz biens, sauve la garde et la justise à moi et à mes hoirs en lour biens temporeilx.
28 Et por ce \20 que ce soit ferme chouse et estauble, j'ai mis mun sael en ces presentes lettres. 29 Ce fu fait en l'an de Nostre Seingnor mil deus cenz et sexante nuef, ou mois \21 d'avri.