Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM223

1267, octobre

Type de document: charte: notification de vente

Objet: Vente au chapitre [Saint-Jean-l'Evangéliste] de Châteauvillain par Jean de Saint-Martin chevalier, moyennant 100 sous tournois, d'une rente de neuf moitons de blé, moitié froment, moitié avoine, à lui due à titre de "colonge" à Châteauvillain, et désormais payable au chapitre par Renaudin li Folez, des Bordes, Girardin, son frère, Jacote, Henriot, frère dudit Renaudin, et Gilons, sa soeur, sur des terres énumérées dans l'acte et suivant les proportions qui y sont indiquées.

Auteur: Hugues d'Autricourt chevalier, bailli de Châteauvillain, et Pierre prévôt dudit lieu

Sceau: auteurs

Bénéficiaire: chapitre [Saint-Jean-l'Evangéliste] de Châteauvillain

Autres Acteurs: Jean de Saint-Martin chevalier

Rédacteur: scriptorium du chapitre [Saint-Jean-l'Evangéliste] de Châteauvillain

Support: Parchemin jadis scellé de deux sceaux sur double queue

Lieu de conservation: AD HM, 2G 928 - Chapitre de Châteauvillain

Verso: De mun seign(o)r Jehan de saint M(a)rtin (XIII^e s.)

1 Je, Huegues d'Otricourt chevaliers, bailliz de Chatelvilain, et je, Pierres, prevoz de ce meesme leu, 2 fazons savoir à touz \2 ceaus qui verront et orront ces presantes letres 3 que, an nos presances pour ce personeilmant estaubliz, mes sires Jehanz de Seint \3 Martin chevaliers, ha recogneu qu'il ha vandui à touz jourz mais au chapitre de Chatelvilain 4 nuef moiteons de bleif par me\4tié, qu'an li devoit de colonges à Chatelvilain, si cum de terraige guaainnable, 5 et les ha donez li diz Jehanz au dit chapitre, par marchié fait \5 et outroiei par le grei de lui dit Jehan chevalier, 6 pour cent soulz de tournois, des queils il se tient à paiez anterinnemant an boens deniers \6 companz bailliez et delivrez à lui par le dit chapitre. 7 Et les diz nuef mointeons li diz Jehanz ha assignei qui les doit, et s'en est desve\7tuz de son boen grei et de sa propre volantei par davant nous an la main es dites boennes genz; 8 et les dites boennes genz an la \8 main au dit chapitre s'en oblige, pour randre et pour paier chascun an au dit chapitre, par leur foiz corporeils baillies an nos presances \9 et par le grei au-dit chevalier. 9 Et doit l'an savoir que de ces nuef diz moiteons, Renaudins li Folez, des Bordes, an doit cinc \10 par metié, Girardins un par metié, qui est ses freres, 10 Jaquote un par metié, Henrioz, freres au dit Renaudin, et Gilons, sa suers, \11 un sestier par metié. 11 Et les dites terres guaainnables de que l'an doit le dit bleif au dit chapitre sient an teil leu, c'est à sa\12voir: desouz la vingne au prevost Girart, quatre journeil; 12 desouz la vingne mon seigneur Renaut le Louveir, eut jo\13urneil; 13 au Parier Saou, dui journeil; 14 au contour de Bouloimont, uns journeils; 15 an forest, un, que li prevoz Girarz tient; \14 16 es Chaufourz, quatre journeil; 17 es Charmes, uns journeils; 18 vers la Crouiz de Bierge, dui journeil; 19 amprés les Chaufourz, \15 dui journeil. 20 Et doit l'an savoir que ces diz moiteons li diz Jehanz doit guarantir vers toutes genz au dit chapitre, \16 et sui hoir, et les terres de qu'an les doit. 21 Et ce ha fiancié à-tenir li diz Jehanz chevaliers, an nos presances, sanz jemais \17 aleir an contre ne an tout ne an partie, ne par lui ne par autrui, ne par loier ne par premesse. 22 Et renonce an ce fait li diz chevali\18ers et à toutes aides, graces, indulgences, et à-touz privileiges de Romme ampetrez et ampetrer, et à toutes institucions, \19 et à touz privileiges de crouiseries, 23 et à-touz droiz et à toutes costumes de court de cretiantei et de court lee, et à-tou\20tes choses qui porreent au dit chapitre nuire et à lui dit Jehan aidier.
24 An tesmoingnaige de laqueil chose, nos avons \21 saalees ces letres de nos saels. 25 Ce fuit an l'an de grace mil et dus cenz et sexante sept, ou mois d'ouitobre.