Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM220

1267, 28 juin

Type de document: charte: notification de vente

Objet: Vente à l'abbé et au couvent de Vaux-la-Douce par Estevenin dit Tondu, et sa femme Hyersenon, et par Gauterin, frère d'Estevenin, et sa femme Houdiart, avec l'accord de leurs enfants, moyennant 50 sous de viennois, d'une fauchée de pré, sise vers "Mainbergort" et contiguë au pré des religieux.

Auteur: Gauthier seigneur de Laferté-sur-Amance

Sceau: auteur

Bénéficiaire: abbaye de Vaux-la-Douce

Autres Acteurs: Estevenin dit Tondu

Rédacteur: scriptorium de l'abbaye de Vaux-la-Douce

Support: Parchemin scellé sur double queue d'un sceau rond, de cire verte, dont un fragment subsiste

Lieu de conservation: AD HM, 30H 2 - Abbaye de Vaux-la-Douce

Verso: D'une faucie de prey (XIV^e s.) en Mainbergot (XV^e s.)

1 Je, Gautiers, sires de la Fertei sus Amance, chevaliers, 2 faz à-savoir à touz ces qui ces presentes lettres verront et orront \2 3 que, en ma presence establi por ceste chose especialment, Esteveninz diz Tondus, et Wauterinz, ses freres, de la Fertei \3 sus Amance, mi home, Hyersenons, famme dou dit Estevenin, et Odears, famme dou dit Wauterin, ont \4 recogneu 4 que il ont vendui en heritaige parmenablement à l'abbei et au convent de Douces Vaus, de l'ordre \5 de Cistiaus, 5 une fauchie de prei qui siet sus Mainbergort, selonc le prei les davant diz abbei et convent \6 de Douces Vaus, 6 por cinquante sols de viennois, les ques il ont receu des davant diz abbei et convent \7 entierement en bonne monoie compee, et si s'en-tiennent por bien paié. 7 Et ont promis li diz Esteveninz, \8 Wauterinz, ses freres, Hyersenons, famme dou dit Estevenin, et Oudears, famme dou dit Wauterin, par \9 lor foiz fiancies en ma main, que jamais à nul jor desorenavant contre ceste dite vendue nen iront, \10 8 et que par aus ne par autrui ne la rapeleront, ne feront rapeler, en recoi ne en apparent, mais leal garantie \11 en-porteront au davant diz abbei et convent de Douces Vaus envers totes gens. 9 Et ceste vendue \12 est faite par mon lous et par mon otroi, de cui fié la chose muet, 10 et en doie faire joïr les davant diz abbei et convent, \13 et lor en-sui tenuz se nus lor en aloit encontre. 11 Et la dite vendue ont loé et creanté et otroié et promis à-te\14nir ferme et estable à toz jors mais par davant moi Henrioz, Vienoz, Emengarz et Herambors, anfant des da\15vant diz Estevenin 12 et Hyersenon, et Philippes, Pierres, Guyoz, Thiebaus et Aalis, anfant des davant diz Wau\16terin et Oudeart, sa famme.
13 En-tesmoingnaige de la quel chose, por-ce que elle soit ferme et estable, à la \17 requeste des parties, je ai mis mon sael en ces presentes lettres. 14 Et se il avenoit chose que je feisse reno\18veler et refaire ou changier mon sael dou quel je use au jor que ces lettres sunt faites, 15 je ai promis à la \19 bone foi au davant diz abbei et convent que je meteroie à lor requeste mon sael changié et renovelei en ces \20 presentes lettres, en leu de mon sael dou quel je les ai saalees. 16 Ces lettres fuirent faites la vigile de Saint \21 Pere et Saint Pou, en l'an que li milliaires corroit par mil et deus cenz et sexante et sept ans, on mois \22 de jugnet.