Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM215

1266, août

Type de document: charte: notification d'échange

Objet: Echange aux termes duquel Orri de "Biaumeis" chevalier, cède à Jean, le clerc, son fils, la moitié d'une maison et du courtil sis derrière, à Saint-Loup, 5 journaux de terre au même lieu et une rente de 3 setiers de grain, à la mesure de Langres, moitié froment, moitié avoine, à prendre sur les tierces de Saint-Loup, contre tous les biens et les profits que Jean détenait au finage de Giey-sur-Aujon.

Auteur: Jean seigneur de Châteauvillain et de Luzy

Sceau: auteur

Bénéficiaire: Orri de "Biaumeis" chevalier; Jean le clerc, son fils

Rédacteur: scribe de Jean seigneur de Châteauvillain et de Luzy

Support: Parchemin scellé sur double queue d'un sceau rond de cire brune

Lieu de conservation: AD HM, 1H 97 - Abbaye d'Auberive

Verso: Pour ung eschange à Saint Loup et à Gié (XV^e s.)

1 Je, Jehanz, sires de Chatiavilain et de Luzy, 2 faz à savoir à touz ceaus qui verrunt et orrunt \2 ces presenz lettres 3 que, en ma-presence estaubliz, mes amez et mes feiaus mes sire Hourys de Biaumeis, \3 chevaliers, a requeneu par davant moi qu'il donei et eschangié à Jehan, le clerc, sum fil, 4 dimee \4 meisum qui siet à Saint Lou, la quex meisuns fui Costre, 5 et dimé le cortil qui siet darriers cele mei\5sum, 6 et cinc jornex de terre qui seent ou finaige de Saint Lou, 7 et trois setiere de bleif, meitié frommant \6 et meitié aveinne, à la mesure de Leingres, à panre chascun an à touz jorz meis es terces de Saint Lou. \7 8 Et li davant diz Jehanz a donei et quitei au dit Houry chevalier, sum pere, si cum il l'a requeneu \8 par davant moi, en eschange des choses dessus dites, 9 tout ce qu'il ha à Gyei et ou finaige en tou\9tes choses, en prez, en terres, en rantes et en touz autres profiz. 10 Et omt promis li diz Hourys et Jehanz, \10 ses filz, par lour foiz corporex baillies en ma main, qu'il nen iront jameis contre ce don et cest eschange, \11 ne ferunt venir par aus ne par autrui. 11 Et ce est fait par mon lous et par mum outroi. 12 En tesmoignaige de \12 la quel chose, j'ai seelees ces lettres de mum seel. 13 Ce fui fait en l'an Nostre Seigneur mil et deus cenz \13 et sexante sex, ou mois d'aoust.