Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM201

1266 (n.st.), 4 février

Type de document: charte: notification de don

Objet: Donation par Guy, dit Breton, de Giey-sur-Aujon chevalier, et par Isabelle, sa femme, à Gauthier, leur gendre, à l'occasion de son mariage, de deux ânées de grain, moitié froment, moitié avoine, à la mesure d'Arc-en-Barrois, perçues par eux chaque année sur les moulins de Jean seigneur de Châteauvillain et de Luzy, à Arc-en-Barrois, et vente, moyennant 100 sous de monnaie langroise, d'une troisième ânée à prendre au même lieu, ainsi que de trois provendiers de froment à prélever sur la part qui leur revenait des tierces de Jean de Châteauvillain à Giey-sur-Aujon.

Auteur: Jean seigneur de Châteauvillain et de Luzy

Sceau: auteur

Bénéficiaire: Gauthier gendre de Guy le Breton

Autres Acteurs: Guy dit Breton, de Giey-sur-Aujon chevalier

Rédacteur: scribe de Jean seigneur de Châteauvillain et de Luzy

Support: Parchemin jadis scellé sur double queue; une déchirure en bas, à gauche

Lieu de conservation: AD HM, 2G 945 - Chapitre de Châteauvillain

Verso: De .XXIIII. mt. par moitié ou molin d'Arc et de .III. bouiss(els) de froment es tierces de Giei (XIII^e s.)

1 Gié, Jehanz, sires de Chastelvillain et de Luzei, 2 faz à savoir à touz ceaus qui \2 verront et orront ces presentes lettres 3 que mes amez et mes feauls mes sire \3 Guiz diz Bretons, de Giei chevaliers, et ma dame Ysabeaus, sa fenme, ont \4 requeneu par davant moi qu'il ont donei et outroié en mariaige à Gautier, \5 lor genre, 4 deus asnees de blei, moitié froument, de rante, et moitié avoine, \6 à la mesure d'Arc, qu'il avoent chascun an en mes molins d'Arc. 5 Et li ont encor \7 vandui en heritaige, lui et à ses hoirs, une asnee de tel blei cum il est desus \8 diz, par moitié, qu'il avoent et devoent avoir en mes molins d'Arc, 6 dum li \9 davant dit Guiz et Ysabeaus se tienent por paié ausic cum il l'ont requeneu \10 par davant moi; 7 et li ont ausic vandui trois prevandiers de froument qu'il li \11 doent delivreir ou blei qu'il prenoent en mes tierces de Giei; 8 et monte \12 la vandue de l'asnee dou blei desus dit et des trois prevandiers de froument \13 à cent soulz de langones, 9 dum li davant diz Guiz et Ysabeaus se tienent \14 por paié, ausic cum il est ja desus diz. 10 Et totes ces choses desus dites, c'est à-savoir \15 vandue et dom, li-diz Guiz et Ysabeaus ont premis à guarantir au dit \16 Gautier et à sa fenme et à lor hoirs vers totes genz. 11 En tesmoingnaige \17 de la quel chose, je, par la requeste des davant diz Gui et Ysabeaul, ai \18 seelee ces lettres de mum seel. 12 Ce fu fait le juesdi aprés la Chandelouse, \19 l'an de gra[ce] [mil] et deus cenz et sexante et cinc.