Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

chHM159

1263, 6 juillet

Type de document: charte: contrat de pariage

Objet: Contrat de pariage entre Guy évêque de Langres, et Thiébaut [V], roi de Navarre, comte palatin de Champagne et de Brie, pour la ville de Dampierre.

Auteur: Thiébaut [V] roi de Navarre, comte palatin de Champagne et de Brie

Sceau: auteur

Bénéficiaire: Thiébaut [V] roi de Navarre, comte palatin de Champagne et de Brie; Guy évêque de Langres

Rédacteur: chancellerie de Thiébaut [V] roi de Navarre, comte palatin de Champagne et de Brie

Support: Parchemin scellé sur lacs de soie rouge d'un sceau rond de cire rouge

Lieu de conservation: AD HM, G 622 - Evêché de Langres

1 Nos, Thiebauz, par la grace de Dieu rois de Navarre, de Champaingne et de Brie quens palazins, 2 fasans savoir à touz ceus \2 qui verront ces presentes lettres 3 que nos avons fait celle compaingnie entre nos et honorauble pere Gui, par la grace de Dieu \3 esvesque de Loingres, 4 de la ville de Dampierre, en telle maniere que quanque nos aviens, avons et poons avoir et li diz esvesques en\4semant en la dite ville et ou finaige, en hommes, en justises granz et petites, en rentes, en yssues, en terres, en bois, en prez, en aïes, \5 en touz autres profiz, seront de-ci enavant commun entre nos et noz hoirs et lou davant dit esvesque et ses successors, 5 et partirons \6 toutes rentes, toutes ysues et touz profiz par mi. 6 Et sera mis uns serjanz en la dite ville, communs et jurez à nos et au dit esves\7que, prevoz ou maires, 7 et cil serjanz sera mis par commun assentement de nos ou de nostre commandemant et dou dit esvesque \8 ou de son commandemant, 8 et cil serjanz sera tenuz à fere lou sairement à nos ou à nostre commandement et au dit esvesque ou à son com\9mandement. 9 Et est à-savoir que nos ne poons retenir sor nos les hommes communs à nos et à l'esvesque, 10 ne li-diz esvesques ne puet re\10tenir sor lui les hommes communs à nos et à lui de la devant dite ville de Dampierre. 11 Et est à-savoir que, se nos ou nostre hoir acque\11riens en la dite ville ou au finaige aucune chose, li esvesques i-panroit la moitié se il voloit paier la moitié des couz dedanz l'an; 12 et ensin, \12 se li esvesques ou si successor acqueroient aucune chose en la dite ville ne ou finaige, nos panriens la moitié de l'aquest se nos voliens pa\13ier la moitié des couz dedanz l'an, 13 sanz les fiez qui nos demeurent ensi com nos les i-aviens devant ces lettres et au jor qu'elles \14 furent faites 14 et sanz les fiez au dit esvesque qui li demeurent ensi com il les avoit au jor que ces lettres furent faites et devant. \15 15 Et que ce soit ferme chose et estauble, nos avos fet seeler ces presentes lettres de nostre seel, 16 en l'an de grace mil et deus cenz et \16 sexante trois, lou venredi aprés les huitieves de la Saint Jehan, à Jeaucourt.