Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM157

1263, 7 juin

Type de document: charte: notification de confirmation

Objet: Confirmation par Orri dit de Luzy chevalier, et ses enfants Orri, Régnier, Méline et Aceline, de la donation faite au prieur et aux frères du Val-des-Ecoliers, par feu Marguerite, leur épouse et mère, d'une pièce de terre sise aux finages de Luzy et de Verbiesles, entre le chemin de Chaumont et le ruisseau, la "Fontene dou Frasne" et une autre pièce de terre au-dessous du "Perier Chapelui".

Auteur: maître Béraut curé de Luzy, et Gérard prévôt dudit lieu

Sceau: auteurs

Bénéficiaire: prieuré du Val-des-Ecoliers

Autres Acteurs: Orri dit de Luzy chevalier

Rédacteur: scriptorium du prieuré du Val-des-Ecoliers

Support: Parchemin jadis scellé sur simple queue

Lieu de conservation: AD HM, 11H 28 - Abbaye du Val-des-Ecoliers

Verso: De Luseio. De madame Meline .V. (XIII^e s.); D'une piece de terre desuiz la Fontaine au Fraine (XIII^e-XIV^e s.)

1 Nos, maitres Berauz, curiez de Lusei, et je, Giraz, prevoz de cel maiinmes lui, 2 fasons savoir ha toz \2 ces qui verrunt ces presentes letres 3 que, por ce estaubli en nostre presance, mes sires Orriz, che\3veliers, diz de Lusei, et Orriz, Reniers, Meline et Aceline, sui anfant, ont requeneu et tesmoin\4nié 4 que ma dame Marguerite, jadis famme au devant dit chevaliers et mere es-devant diz an\5fanz, ha doné et outroié en armorne perpetuel au priour et as freres dou Val des Escoliers \6 5 une piece de terre essise ou finaije de Lusi et de Varbille, desuis la fontene dou Frasne, entre \7 le chemim de Chamunt et le ruisel, la-dite fontene et chenelle, la-dite terre, 6 et une autre \8 piece de terre que siet desouz le Perier Chapelui, 7 la quel piece de terre li diz chevalier et li dit \9 anfant ont loee et esquitee hà touz-jorz au-priour et es-freres devant diz. 8 Ou-tesmoinneigie \10 de la quel chose, nos avons panduz nos seés ha ces presentes letres. 9 Ce fui fait en-l'an \11 Nostre Seignor .MCC. et. LXIII., le jesdi aprés las huitaives de la Trinité.