Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

chHM148

1263 (n.st.), janvier

Type de document: charte: engagement

Objet: Engagement pris par Jean seigneur de Joinville, et par Aalis, sa femme, fille de feu Gauthier seigneur de Reynel, à la suite de l'échange de leurs biens de Cirey, relevant du fief de Reynel, contre ceux que l'abbaye de la Crête possédait à Bettoncourt, d'exiger de leurs hommes le transfert de leur hommage à l'abbé de la Crête auquel est laissée, en cas de refus, la faculté d'acquérir des biens dans le fief de Reynel comme dans leur propre fief.

Auteur: Jean seigneur de Joinville, sénéchal de Champagne, et Aalis, sa femme, fille de feu Gauthier seigneur de Reynel

Sceau: auteurs

Bénéficiaire: abbaye de la Crête

Rédacteur: chancellerie du sénéchal de Champagne? scriptorium de l'abbaye de la Crête

Support: Parchemin jadis scellé de deux sceaux sur double queue; sous le repli, à gauche: Je Jehans, Je Jehans

Lieu de conservation: AD HM, 5H 7 - Abbaye de la Crête

Édition antérieure: Roserot, Seize..., n^o III, p.3

Verso: Li otrois de mon signor de Joinville et de Aaliz, sa femme, que cil qui tennent dou fié de Rinel à Cirex repraingnent de l'abbé de la Creste et li feissent homaige (XIV^e s.)

1 Je, Jehans, sires de Joinville, seneschaus de Champaingne, et je, Aalis, femme au davant-dit Jehan, fille au noble baron Gauthier, \2 signour de Risnel sa-en-arriers, 2 faisons savoir à tous 3 que, cum nos aiens eschaangié à-l'abbé et au couvant de la Creste \3 quanque nos aviens et avoir pooiens et deviens à Cireis et en finaige de cele ville, en toz preus et en touz us, 4 à ce que \4 li abbes et li couvans devant-dit avoient et avoir pooient et devoient à Betoncourt et en finaige de cele ville, an tous preus \5 et en tous us, 5 ausi cum il est pleinnemant contenu ens lettres faites de cest eschaainge qui-sunt saelees de nos saés et \6 dont il doient avoir par nos les lettres lou roi de Navarre, 6 nos lor avons promis et promettons par ces lettres \7 que nos tous ceus qui de nos tenoient et tiennent à Cireis et en finaige requerrons en bone foi que il repraingnent de l'abbé \8 de la Creste et fascent houmaige à-lui des choses qu'il tenoient et tenir devoient de nos pour la-raison des fiez de \9 Risnel. 7 Et se il avenoit que il ou aucuns de ceus qui tenoient et tenir devoient de nos à Cireis et en finaige de cele ville ne \10 voussissent repanre dou dit abbé ne faire houmaige à-lui, 8 se volons nos et ottroions que li abbes et li couvans davant diz \11 puissent acquerre en lou et an tans quanque hom tenoit ou tient de nos à Cereis et en finaige, sans contredit de nos \12 ne de nos hoirs, 9 ausi cum les choses dont li fié sont lor, et que autres n'i puisse entrer ne acquerre, se par lor non; \13 10 et que il ne lor puisse grever, se cil qui de nos tiengnent ou tenoient n'ont repris ou ne welent repanre de l'abbé de \14 la Creste, 11 kar nos volons et ottroions au-dit abbé et au couvant de la Creste qu'il puissent panre les houmaiges \15 davant-diz de tous çous qui tenoient ou tiennent de nos à Cireis et en finaige, toutes celes fois qu'il les porront \16 avoir. 12 Et ottroions ausi et volons que cil puissent repanre dou-dit abbé, queque il tart et cum longemant li homa\17ge demorscent en nostre main ou des signours de Risnel, toutes celes fois qu'il lor plaira, sans contredit de nos \18 ne des signors de Risnel, et que longe tenours et usaiges ne les puisse grever.
13 Et pour ce que se soit ferme chose \19 et que ces convenances soient tenues de nos et de nos hoirs à-l'abbé et au couvant davant-diz à-tous jors, je, Jehans, sires \20 de Joinville, ai mis mon sael en ces lettres, par la requeste et par la volanté la davant-dite Aalis, ma femme. 14 Et je, Aalis davant-dite, \21 de cui ces choses movoient et muevent, i ai ausi mis lou mien sael pour pluis grant surté et confermemant parmenable. \22 15 Et ai promis par ma foi donee corporelmant que je contre ces choses davant-dites ne vanrai jai mais, ne mi hoir ausi, ne ne \23 sofferrons à-venir autrui, à-nos pooirs. 16 Et se il avenoit que je ou mi hoir ou aucuns de mes hoirs alessiens encontre \24 ces couvenances, 17 nos nos obligons à ce que li officiaus de Laingres, quiquionques il soit, ait pooir de nos esquemenier et faire \25 denuncier pour esquemeniés, en queque leu que nos soiens, 18 et mettre nostre terre en entredit à-la requeste dou-dit abbé et dou \26 couvant de la Creste toutes celes fois que il ou lor commandemans li presenteront ces lettres. 19 Ce fu fait an l'an de l'Incarna\27tion Nostre Signor mil et deus cens et sexante deus, en mois de jamvier.