Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM137

1262, 9-30 avril

Type de document: charte: sentence arbitrale

Objet: Sentence d'arbitrage de Hugues de Santenoge dit Burot chevalier, et de Hugues de Brognon dit Roussot chevalier, maintenant les religieux d'Auberive en possession des acquisitions par eux faites à Chalmessin, à l'encontre des revendications de Jean de Marey dit Beau Vaus, écuyer, qui prétendait exercer son retrait sur ces biens, son frère Simon de Marey dit Bogues chevalier, lui ayant affirmé en avoir offert le remboursement aux religieux. - Acte passé sous les sceaux de

Auteur: Hugues de Santenoge dit Burot chevalier, et Hugues de Brognon dit Roussot chevalier

Sceau: Jobert doyen de Châtillon-sur-Seine, et Jean doyen de Grancey-le-Château

Bénéficiaire: abbaye d'Auberive

Autres Acteurs: Jean de Marey dit Beau Vaus, écuyer

Rédacteur: sciptorium de l'abbaye d'Auberive? doyen de Châtillon-sur-Seine

Support: Parchemin jadis scellé de deux sceaux sur double queue

Lieu de conservation: AD HM, 1H 38 - Abbaye d'Auberive

Verso: Sententia de hominibus de Chessamessen contra Johannem Beauvant (XIII^e s.)

1 À touz ces qui verront ces presentes lettres, 2 nos, Hugues de Centenoiges chevaliers, diz Buroz en sorenon, et Hugues de Broignon diz Rousoz chevaliers, salut \2 en Nostre Soignour. 3 Saichiez teut que Janhanz de Mairé, escuiers, diz Beau Vaus, quereuloit à l'abbé et au couvant d'Auberrive sus choses de Chiesamaissen que Janhanz li Abi\3ganz avoit vandues ce en arriés es davant diz abbé et couvant d'Auberrive; 4 et disoit li diz Janhanz, escuiers, qu'il devoit tenir heretaublement totes les dites cho\4ses vandues à ces d'Auberrive dou dit Janhan Abigant, 5 por ce que mes sires Symonz de Mairé chevaliers, diz Bogues, frere dou dit Janhan Beauvaul, li fasoit entan\5dre qu'il avoit presenté l'arjant por la raançon des dites choses vandues es diz abbé et couvant d'Auberrive et ales estient venues au dit Janhan, escuier, dit Beauvaul, \6 sic com li diz Symons, ses freres, li fasoit entandre. 6 Et por ce que pais fust reformee entre les diz abbé et couvant d'Auberrive et Janhan, escuiers, dit Beauvaul, sus \7 les descordes des dites choses, 7 enqueste nos an fut donee de l'une et de l'autre partie, sus poine de. xl. livres; 8 et en donerent ploiges, c'est à savoir li diz Janhanz, es\8cuiers, mon soignour Allebant de Mairé chevalier, et li diz abbes et couvant d'Auberrive mon soignour Hugon de Broignon de_sus dit, de. xx. lb., 9 et mestre Jan\9han de Crecé, lou fisicien, d'autre. xx. lb. 10 Nos, davant dit Hugon chevalier, enquereour de la dite descorde, par nos sairemanz, essignesmes plusors jors es dites \10 parties por ce que li diz Janhanz, escuiers, provest s'entantion; 11 es quex jours, les prouves amenees et diligement examinees de nos, 12 et les diz de ces prouves escriz et les estru\11manz à-l'abbé et au couvant d'Auberrive veouz especialment et receu de nos sus les dites choses, 13 et nos sus totes icés choses receu consoil de saiges prodomes, 14 essignesmes jor \12 es dites parties au lou de Chiesemaissen por retraire et raporter lou droit sus les diz des dites prouves et des estrumanz des davant diz abbé et couvant receu de nos. 15 Au\13quel jour, lou dit Janhan, escuier, dit Beauvaul, presens por lou, et l'abbé d'Auberrive, por lou et por son couvant, 16 nos, par lou consoil de saiges prodomes, diesmes par droit \14 que li davant diz Janhanz Beauvaus, escuiers, ne avoit dit ne prové par lou ne par prouve qu'il aüst amenee, qu'il haüst droit ne raison es davant dites choses \15 qu'il demandoit es ces d'Auberrive; 17 et por ce nos diesmes que totes les davant dites choses deveent et doient demorer en pais es davant diz abbé et couvant d'Auber\16rive.
18 En tesmoignaige de la quel chose, por ce que nos ne avons nus saés, nos avons prié et requis à honoraubles barons et saiges au doien de Chastoillon sus \17 Soigne et au doien de Grancé lou Chastel que il metint lour saés en ces presentes lettres. 19 Et nos, Joberz, doiens de Chastoillon sus Soigne, et Janhanz, doiens \18 de Grancé lou Chastel desus dit, à la requeste de davant dit Hugon chevaliers, avons mis nos saés en ces presentes lettres. 20 Ce fu fait en l'an de grace .M. et .CC. et sexante \19 et dex, ou mois d'avri.