Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM136

1261, 24 avril-1262 (n.st.), 8 avril

Type de document: charte: échange

Objet: Echange entre Gérard li Jarreiz, Durant, gendre de Fufei, Garnier li Mugneiz, Wiart dit Peingnou, Sauvainz li Tesseranz, Demenget Bele Moichine, Gauteret, gendre de Graivilein d'une part, le prieur et les frères du Val-des-Ecoliers de l'autre, de trois quartiers de pré "a la Sauce" contre trois quartiers de pré en Valain.

Auteur: maître Béraut curé de Luzy, et Gérard prévôt dudit lieu

Sceau: auteurs

Bénéficiaire: prieuré du Val-des-Ecoliers

Autres Acteurs: Gérard li Jarreiz, Durant, gendre de Fufei, Garnier li Mugneiz, Wiart dit Peingnou, Sauvainz li Tesseranz, Demenget Bele Moichine, Gauteret, gendre de Graivilein

Rédacteur: scriptorium du prieuré du Val-des-Ecoliers

Support: Parchemin scellé sur simple queue de deux sceaux; celui de Béraut, au-dessous, en navette, de cire vierge, subsiste en partie

Lieu de conservation: AD HM, 11H 28 - Abbaye du Val-des-Ecoliers

Verso: De Luseyo (XIII^e s.)

1 Nos, mastres Berauz, curiez de Lusei, et Girarz, prevos de Lusei, 2 faisons à toz cez qui cez letres verront et orront 3 que Girarz li Jarreiz et Duranz, li janres \2 au Fufei, et Garnierz li Mugneiz et Wyars c'on dit Peingnou, et Sauveinz li Tesseranz et Demengez Bele Moichine et Wauterez, li janres Graivilein \3 ont eschangié au prior et au freres do Vaul des Escolierz 4 trois quartierz de pré que sieent à la Sauce, desus la faucie que fu l'esvausque, 5 por la quel chose \4 li priouz et li devant dit frere do Vaul des Escolierz lor donent trois quartiert de pré que sieent en Waulayn. 6 Et ont promis li devant dit Girarz \5 et Duranz et Garnierz et Wyarz et Sauveinz et Demengez et Wauterez, parmi lor foi devant nos, que de cest eschange il porteront leaul garantie au \6 devant diz freres dou Vaul contre tote gens. 7 En tesmongnage de cez choses, nos avons seelees ces presentes letres, 8 en l'an de grace mil et .CC. et LXI.