Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM133

1262 (n.st.), janvier

Type de document: charte: assignation

Objet: Assignation aux chanoines de Châteauvillain par Jean seigneur de Châteauvillain, sur sa vente du lieu, et au besoin sur ses fours et sur ses biens propres, de diverses rentes, soit 84 livres de provenisiens forts, 6 livres pour le luminaire, 20 sous pour le marguillier, 100 sous pour l'anniversaire de feu Aalis, sa mère, dame de Châteauvillain, à percevoir directement de ses ventiers, moitié à Pâques, moitié à la Saint Remi. Jean donne en outre au chapitre la dîme de Cour-l'Évêque, ainsi qu'un moulin sis au même lieu et une vigne à Boulaumont, confirme les donations faites antérieurement, et autorise les chanoines à accroître chacun de vingt-cinq livrées de terre au plus leur prébende dans l'étendue de ses fiefs.

Auteur: Jean seigneur de Châteauvillain

Sceau: auteur

Bénéficiaire: chanoines de Châteauvillain

Rédacteur: scribe de Jean seigneur de Châteauvillain? chanoines de Châteauvillain

Support: Parchemin jadis scellé sur lacs de soie rouge

Lieu de conservation: AD HM, 2G 928 - Chapitre de Châteauvillain

1 Giei, Jehanz, sires de Chatiauvilain, 2 faz à savoir à touz ces qui sunt et qui serunt 3 que, com je et mi hoir qui serunt seigneur \2 de Chatiauvilain deussiens chascun an, de perpetueil rante, à-mes amez et à mes feaus mes chanoingnes de Chatiauvilain et à lor ygli\3se, 4 quatre_vinz et quatre livres de proven. forz, et sex lb. de proven. aussi por le luminaire de lor yglise, 5 et vint solz de proven. aussi por lor \4 marreuglier, 6 et cent solz de proven. aussi por l'anniversaire Aaliz, ma dame ma mere, ça en arriés dame de Chatiauvilain, 7 je lor ai assis et assiei per\5petuemant en ma vante et sur ma vante de Chatiauvilain, à randre et à paier chascun an à-touz jors mais à deus termines, 8 c'est à-savoir la \6 meitiei à la Resurrectium Nostre Seigneur et l'autre moitiei à la Seint Remey entrant octobre. 9 Et por ce que ce soit ferme chouse à touz jors \7 mais, je weil et outroi et commant, por moi et por mes hoirs, que quionques tanra ou recevra ma dite vante de Chatiauvilain, 10 que'il, senz je mais \8 parler à moi ne à mes hoirs ne à nos commandemanz, pait et soit tenuz à-paier à-mes diz chanoingnes ou à lor commandemant toute la dite summe d'ar\9gent es diz termines. 11 Et por ce miez faire et assegurer weil je et commant que mes sergenz ou li vantiers qui de par moi recevra ma dite vante \10 lor face sairemant seur Saintes Euvangiles, chascun an à la Seint Remey, 12 que il bien et leaumant paiera es diz termines chascun an es diz cha\11noingnes ou à lor commandemant les diz deniers, c'est à savoir quatre_vinz et seze lb. de boens proven. forz, einçois que il en pait ne rande riens \12 à-moi ne à mes hoirs ne à nostre commandemant ne à autre persone; 13 et avioc ce, que il les an face bien seurs par boens ploiges soffeisanz; 14 louqueil \13 sairemant faire et les quex ploiges baillier se li vantiers ou li sergenz de ma dite vante nel voloit faire, 15 je, ou mi hoir quiquionques serunt seig\14neur de Chatiauvilain, ou nostre commandemanz, l'an summes tenu à efforcier et contraindre dou faire et de renouveler et le sairemant et les \15 ploiges chascun an. 16 Aprés, je weil et outroi que, s'il avient ja ça en avant, que je Dex ne doint, que ma dite vante ne soffeise au paiemant \16 faire de la dite summe d'argent, que par aucun cas ou par aucune reison il i ait defaut, 17 que il, mi dit chanoingne ou lor commandemanz, preingnent \17 le defaut sur mes fourz de Chatiauvilain, 18 lesquex fourz, et les forniers des diz fourz avioc, je oblige ves les diz chanoingnes \18 en teil forme de touz poinz com j'ai fait ma dite vante et le sergent ou le vantier de ma dite vante, por reison dou defaut, s'il i estoit. \19 19 Et encor, se ces deus chouses, c'est à-savoir la vante et li four, ne soffeisoient au dit paiemant, je en oblige et moi et mes hoirs \20 dou parfaire enterinemant dou nostre propre. 20 Aprés, je lor lou et outroi et lor confarme perpetuemant, por moi et por mes hoirs, quitemant et fra\21inchemant, 21 le disme de Cort-Evesque et le molin de Cort-Evesque, qui fut mon seignor Jehan Roiger, chapelain, avec sa vigne de Boloimont, \22 en auteil point com an les a tenuz ça en arriés, 22 et touz les dons qui lor estoient fait jusque au jor que ces letres furent faites, 23 et touz les \23 heritaiges que il meismes mi dit chanoingne ont donnei et mis en augmentium de lor provandes. 24 Aprés, por ce que je desir l'acroissemant \24 des rantes et des provandes à mes diz chanoingnes, 25 je lor outroi et weil, por moi et por mes hoirs, qu'il s'acroissent et puissent acroitre \25 à Chatiauvilain et en ma terre et en mes fiez et en mes rierefiez jusqu'à la montance de vintecinc livrees de terre à proven. chascuns, 26 \26 entre ce qu'il avient an jor que ces letres furrent faites et ce qu'il aquerront ça en avant; 27 et s'il aquerient chouse qui ne fust de ma \27 seignorie ne de mes fiez ne de mes rierefiez, il ne lor seroit pas compei dedanz les vintecinc livrees de terre, sauve la garde \28 et la jostise moi et mes hoirs en lor biens temporex. 28 Et se mi dit chanoingne ne lor successor aportoent ça en avant letres \29 qui fussient contre ceste tenor, eles ne lor vaudrient riens.
29 Et por ce que ceste chouse soit ferme et estauble, j'ai mis mon \30 seel en ces presantes letres. 30 Ce fut fait en l'an de Nostre Seignor mil et deus cenz et sexante un, ou mois de janvier.