Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM124

1261 (n.st.), mars

Type de document: charte: accord

Objet: Accord aux termes duquel Ymote, veuve de Vienot, prévôt de Bologne-sur-Marne, et son fils, Alexandre, renoncent au profit des Templiers de Thors à leurs prétentions sur le tiers d'un moulin situé sur la Marne, sous Bologne, au lieu-dit "As Forches", que les religieux tiendront en totalité avec une pièce de pré attenante, sise entre le chemin de Lamancine et la rivière, moyennant le versement à Ymote et à son fils d'une indemnité de 8 livres de provenisiens forts, restituable en proportion des droits que ferait éventuellement valoir sur le moulin Étienne dit Gouart, du Val de Rognon; l'accord est consenti par les autres enfants de Vienot, et confirmé par Simon seigneur de Sexfontaine, qui s'engage à établir un acte quand il sera pourvu d'un sceau.

Auteur: Nicolas doyen de chrétienté de Chaumont, curé de Condes et de Brethenay, et Simon prévôt de Chaumont

Sceau: auteurs

Bénéficiaire: Templiers de Thors

Autres Acteurs: Ymote veuve de Vienot, prévôt de Bologne-sur-Marne, et son fils, Alexandre

Rédacteur: scriptorium du doyen de Chaumont? scriptorium du Temple de Thors

Support: Parchemin jadis scellé de deux sceaux sur double queue

Lieu de conservation: AD HM, 61H 4 - Commanderie de Thors

Verso: Dou molin des Fourches (XIII^e s.) et d'un prey apparten(ant)... (XIV^e s.)

1 Nos, Nicholes, deiens de la crestianté de Chaumont, curiez de Condes et de Bretenai, et je, Symons, prevoz de Chaumont, 2 fesom à savoir à toz cex qui verront et orront ces presentes letres 3 que, \2 cum descorde fust antre frere Nicholas, commandeor de la baillie dou Val de Tors, et les freres de la chevalerie dou Temple d'une part, et Ymote, qui fu feme Vienot, ça en arrier prevost de Boloigne, \3 et Alixandre, son fil, d'autre part, 4 de ce que cil devant dit Ymote et Alixandres disoient que il avoient le tierz en. i. molin qui est apelez as Forches, seant sus Marne, desoz Boloigne, 5 lou quel molin \4 li devant dit freres Nicholas et li frere dou Temple tenoient tot, 6 par lou consoil de bones genz fu pais faite an-tel maniere que li devant dit freres Nicholas et li frere dou \5 Temple tanront et avront ce devant dit molin à toz jorz sanz partie d'autrui, 7 et une piece de prei seant devant lou molin devant nommei ataignant à la voie qui an-va à La Mancine d'une \6 part et Marne d'autre part, ou-quel prei Hueçons, qui fu freres Vienot devant nommei, avoit la moitié; 8 et cele dite moitié cil diz Hueçons quite et otroie ligement à-perpetuité as devant diz frere \7 Nicholas et as freres dou Temple, por la priere et por la requeste des devant diz Ymote et Alixandre. 9 Et par ceste pais fesant, li devant dit Ymote et Alixandres an portent. viii. lb. de proven. forz des devant \8 diz frere Nichoas et des freres dou Temple, 10 des quex deniers li devant dit Ymote et Alixandres se tienent por paié anterinement des devant diz frere Nicholas et des freres dou Temple an deniers nombrez. \9 11 et ont promis par devant nos li devant dit Ymote et Alixandre, par lor foiz corporelment donees, de la devant dite pais issi cum-il contient an ces presentes lotres porter leal garantie \10 as devant diz frere Nicholas et as freres dou Temple contre toz et contre totes qui à droit vorrient venir, fors que de Estene c'on-dit Gouart dou Val de Rooignon; 12 et s'il avenoit que cil diz Estenes conque\11roit auques an ce devant dit molin ou sui hoir, li devant dit Ymote et Alixandre remetroient arrier an la main des devant diz frere Nicholas et des freres dou Temple des. viii. lb. à la vaillan\12ce de tant cum li diz Estenes ou sui hoir an porterient de ce devant dit molin. 13 Et ceste pais et ceste acorde sunt et furent faites par le los et par l'assantement de Huguenin, frere dou \13 devant dit Alixanre, et de Johannote, sa feme, et de Vauterin, le fil Jaquin de Darmanne, et de sa feme, qui fu fille dou devant dit Vienot. 14 Et totes ces choses devant et aprés nommees sunt fe\14tes et otroies par lou grei et par la bone volantei de Symon, soignor de Saixefontaine. 15 Et por ce que il n'a ancor point de seel, il s'est otroiez à totes ces choses issi cum il contient an ces pre\15sentes lotres, 16 an-tel maniere que, si tost cum il avra seel qui suens soit et an son nom, que il saelera totes ces choses issi cum il est devant devisé.
17 Et an tesmoignaige de ces choses, à la requeste des \16 parties, nos avom saelees ces presentes lotres de noz seés. 18 Ce fut fait an l'an de grace .MCC. et. LX., ou mois de marz.