Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM117

1260, mai

Type de document: charte: consentement

Objet: Consentement de Jean de Naurois à la donation faite aux religieux de la Chapelle-aux-Planches par son frère Ogier de Naurois, chanoine de Saint-Etienne de Troyes, de la part qui lui revenait sur la grosse dîme de Longeville, soit 3 quarterons pour 12 setiers, la donation devant faire retour à Jean au cas où le roi de Navarre, comte de Champagne, refuserait de la confirmer.

Auteur: Manessier de Rethel, seigneur de Bourcq et de Beaufort

Sceau: auteur

Bénéficiaire: abbaye de la Chapelle-aux-Planches

Autres Acteurs: Jean de Naurois, frère d'Ogier de Naurois, chanoine de Saint-Etienne de Troyes

Rédacteur: scriptorium de l'abbaye de la Chapelle-aux-Planches

Support: Parchemin jadis scellé sur double queue

Lieu de conservation: AD HM, 4H 9 - Abbaye de la Chapelle-aux-Planches

Édition antérieure: Lalore, Cartulaire..., n^o 60, p. 59

1 Je, Manessiers de Retel chevaliers, sires de Bourc et de Biaufort, 2 fais savoir à touz ceus qui cez leitres verront et orront 3 que, com Ogiers \2 de Noveroie, clers et chenoines de Saint Estevne de Troies, aüst doné en aumosne perpetue as freres de la Chapele as Plan\3ches 4 tel portion et tel partie com il avoit en la grosse deime de Longevile, ce est à savoir de douze setiers trois quarterons, 5 mes sire \4 Jehans de Noveroie, freres à ce devant-dit Ogier, par devant nous en nostre presence establiz, otroia ce don et cele aumosne devant \5 dite, 6 en tel maniere que se mes sires li rois de Navarre et cuens de Champaigne n'avoit estable cele aumosne et ce don, cil troi \6 quarteron, si com il sont doné et otroié as freres de la Chapele devant-diz, revenroient à ce devant-dit Jehan de Noveroie, se \7 li devant-dit frere ne pooient avoir l'otroi le roi de Navarre. 7 Et je, Manessiers, de cui fié muet ce que cil Jehans et Ogiers \8 avoient et pooient avoir en cele deime devant-dite, otroiai et loai ce don et cele aumosne devant-dite. 8 Et en tesmoignage de \9 cez choses, je ai mis mon seel en cez presentes lettres, 9 qui furent faites en l'an de grace mil. CCLX., ou mois de mai.