Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM114

1260 (n.st.), février

Type de document: charte: confirmation de don

Objet: Confirmation par Jean seigneur de Choiseul et d'Aigremont, et par Bertromete dite Aalis, sa femme, de la donation aux frères de Morimond par feu Isabelle d'Aigremont, sa belle-mère, du four de Serocourt et de divers revenus au même lieu, relevant de lui en fief et payables par le maire de Serocourt chaque année à quatre termes, savoir: à Noël, 19 fouasses, 15 gelines, 8 sous et un porcelet de 12 sous; - à Pâques, 8 gelines et 15 oeufs par geline; - à la Saint Pierre en août, 16 sous; - à la Saint Martin, 28 poussins ou 2 deniers par poussin

Auteur: Jean seigneur de Choiseul et d'Aigremont

Sceau: auteur

Bénéficiaire: abbaye de Morimond

Rédacteur: scribe de Jean seigneur de Choiseul et d'Aigremont? scriptorium de l'abbaye de Morimond

Support: Parchemin jadis scellé sur double queue

Lieu de conservation: AD HM, 8H 103 - Abbaye de Morimond

Verso: Carta domine Acrimontis de furno de Sirecort et de reditibus (XIII^e s.); Carta de .IIII. l. stephanen. supra furnum de Serocort (XIV^e s.)

1 Je, Jehans, sires de Chosuel et d'Aygremont, 2 faz conusant à toz ces qui verront et orront ces pre\2sentes lettres 3 que dame Hysabés, que fut dame d'Aygremont, mere dame Bertrommete, ma \3 femme, dite Aalis en sornon, hai doné et outroié en pure aumosne en sa bone memoire, por \4 sue arme et por les armes de toz ses ancesors, au freres de Morimunt, 4 lou fuor de Cero\5cort et totes les rentes que ele avoit ou avoir puot à Cerocort, 5 ce est à savoir de - sen-\6nuef fuaces et quinze gelines et ouit s. d'estoveneins et un porchot en preis de doze \7 s. d'estoveneins, 6 c'un doit paier chacunc an à la Nativité Nostre Seignor au-freres \8 de Morimunt, 7 et d'autre part à la Pasche. viii. gelines et aviec chacunne geline. xv. \9 oua, 8 d'autre part à-feste seint Pere entrant aost sosze s. d'estovenens, 9 et à-la Seint \10 Martin vint et. viii. pucins ou. ii d. por lou pucin; 10 et totes ces choses doit ren\11dre li maires de Cerocort au freres de Morimunt. 11 Et por ce que ce muet et est \12 de mon fief, je, diz Jehans, et dame Bertrommete, ma feme, dite Aalis en sor_non, \13 louns et greantons et otrouns au diz freres ceste aumosne et totes ces choses davant \14 dites. 12 Et por ce que ce soit ferme chose et estauble, je hai saelees ces presentes \15 lettres de mon seel. 13 Ce fut fait en l'an Nostre Seignor mil et .CC. et \16 cinquante nuef, en mois de favrier.