Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM103

1259, juillet

Type de document: charte: renonciation

Objet: Renonciation en faveur du prieur et des frères du Val-des-Ecoliers, par Agnès de Luzy, belle-mère de Gérard, prévôt du lieu, à ses prétentions au remboursement d'un prêt qu'elle disait avoir consenti à frère Simon, moine de ladite abbaye.

Auteur: Nicolas doyen de chrétienté de Chaumont

Sceau: auteur

Bénéficiaire: prieuré du Val-des-Ecoliers

Autres Acteurs: Agnès de Luzy belle-mère de Gérard, prévôt du lieu,

Rédacteur: scriptorium du doyen de Chaumont? scriptorium du prieuré du Val-des-Ecoliers

Support: Parchemin scellé sur simple queue d'un sceau de cire verte qui subsiste en partie

Lieu de conservation: AD HM, 11H 27 - Abbaye du Val-des-Ecoliers

Verso: De Agnete de Luseio et de concordia inter nos et ipsam (XIII^e s.)

1 Nos, Nicholes, deiens de la crestienté de Chaumont, 2 fesons savoir à tous ceaus qui ces letres verront et orront 3 que, com descorde fuist entre \2 Agnel, de Lusei, la suire Girart, le prevost de cel-meismes chastel, et le prieur et les freres do Vaul des Escoliers, 4 sus ce que la dite Agnés disoit \3 que li frere davant dit li devoient doniers qu'ele avoit çai en-arriers comandeis ou presteis à frere Symon, lor frere, 5 et li frere davant dit disoient \4 et respondoient tout le contraire et que rien ne li devoient, 6 à la fin la quarele est apasiee en tel maniere que la davant dite Agnés, estaublie \5 en nostre presence, a reconeu de sa prope volenté et non pas contraincte 7 que li frere davant dit ne li devoient rien, ne de rien ne sont a li tenu, \6 8 einz les a aquiteis et quites clamés à tous jors entierement de tout quanque onques li duirent; 9 et de toutes quareles et de toutes grauses et \7 descordes qu'ele a eues envers aus, et de toutes detes et de toutes comandes qu'il li ont deues jusqu'au jor d'ui la davant dite Agnés les \8 a aquiteis et aquite bonement et debonairement. 10 Et a promis par sa foi donee corporement en nostre main que jemais contre ceste aquitance \9 ele ne vanra ne par li ne par autrui, ne rien n'i reclamera, ne en plait ne en costange les davant dis freres ne metra. 11 Et a-renoncié \10 la davant dite Agnés à-toutes exceptions qui aidier li porroient et grever au prieur et au freres davant dis. 12 En tesmongnaige \11 de la quel chose, nos davant dis deiens, à la requeste de la dite Agnel, avons ces letres saiellees de-nostre saiel. 13 Ce fu fait \12 en l'an de grace .M.CCL. et. IX., en mois de julet.