Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

chHM090

1258, 25-31 mars ou 1259 (n.st.), 1^er-24 mars

Type de document: charte: fondation

Objet: Fondation par Simon seigneur de Châteauvillain, avec l'accord de son fils Jean chevalier, pour le repos de son âme, de celles de ses aïeux et de celle de Guy de Châteauvillain, son chapelain, fils de feu Herbert de Marnay, d'une chapellenie à laquelle il affecte un revenu de dix livrées de terre, monnaie de Provins, assigné sur son four de la "Craye" à Châteauvillain, et dont il dote Guy, qui avait contribué de son côté à la fondation, moyennant la célébration de son anniversaire, par le don de 30 livres de provenisiens forts, de ses terres, de ses prés et de ses maisons sises au marché de Châteauvillain, ainsi que de tout ce qui lui reviendra du douaire d'Ermenjart, sa marâtre; le nouveau chapelain sera tenu, ainsi que ses successeurs, de desservir en personne ou de faire desservir la chapellenie dont Simon de Châteauvillain se réserve le patronage.

Auteur: Simon seigneur de Châteauvillain

Sceau: auteur et

Bénéficiaire: Guy chapelain du seigneur de Châteauvillain

Rédacteur: scribe de Simon seigneur de Châteauvillain

Support: Parchemin jadis scellé de deux sceaux sur double queue

Lieu de conservation: AD HM, 2G 928 - Chapitre de Châteauvillain

1 Je, Symonz, sires de Chatelvilain, 2 faz à savoir à touz ces qui verront ces presantes letres 3 que, com j'aie haü et receu en deniers companz de mon \2 amei maitre Guion de Chatelvilain, mon chapelain, filz feu Harbert de Marnei, trante livres de provenisiens forz, 4 la quel summe d'arjant \3 il m'a donnee et baillie por aidier à funder en ma chapelle de Chatelvilain une provande de dex livres de provenisiens à recevoir chascun an perpetuemant, 5 \4 je, en remede de m'ame et de mes ancessors et de mes hoirs et en remede de l'ame au dit maitre Guion et de ses ancessors, fumde et estaubli en l'anor de \5 Dieu et de Nostre Dame et de mon seignor seint Jehan Euvangeliste et de touz sainz et de toutes saintes la dite provande de dex livrees de terre à prove\6nisiens, 6 à touz jors mais perpetuemant, en ma dite chapelle de Chatelvilain, por lou dit maitre Guion et por ces qui aprés lui tanront la dite provande, \7 dum je et mi hoir summes et serons adés patron. 7 Et ceste provande que je doin et otroi en perpetualitei au dit Guion et à ses successors je li assiei et ai \8 assise à Chatelvilain en mon for de la Craye, 8 où quel li diz Guiz et sui successor en la dite provande prandront à touz jors mais chascun an à la Seint \9 Remei en veneinges dex livres de provenisiens forz des deniers qu'an panra ou dit for. 9 Et doit en savoir que li successor au devant dit Guion, \10 qui tanront sa provande aprés lui, sunt tenu, chascun par sum sairemant, à faire sum anniversaire por lui et por ses ancessors, chascun an à touz jors mais, \11 le jor de sa mort. 10 Et est ancor à savoir que li diz Guiz m'a ancor donné en aide por la dite provande funder, avec les deniers desur diz, tout sum \12 heritaige dum il estoit tenanz au jor que ces letres furent faites, 11 c'est à savoir en terres et en prez et es maisons qui sunt assises ou marchié de Chatelvilain; \13 12 et l'autre partie que il atant à avoir por raison de l'escheoite del douaire que dame Amoingarz, sa marratre, tient, il ha donnee et outroie perpetuemant aprés \14 lou decés la dite Amoingard à ma dite chapelle por croissance de la dite provande et por sum anniversaire miez faire. 13 Et li diz Guiz et tuit sui successor \15 aprés lui doient et sunt tenu deis or en avant à desservir en ma chapelle de Chatelvilain la dite provande en lor propre persone ou par tel chapelain qui soit soffe\16sanz. 14 Et ceste provande ai je estaublie et assise si com il est desus devisez en touz poinz par lou consoil et par la volantei Jeham, mon fil chevalier, en perpetuel confirmatium. \17
15 En tesmoingnaige de la quel chose, et je et li diz Jehanz, mes filz, avons mis nos seés en ces presantes letres. 16 Ce fut fait en l'an de Nostre Seignor \18 mil et deus cenz et cinquante et huit, ou mois de marz.