Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM089

1259 (n.st.), janvier

Type de document: charte: notification de donation

Objet: Donation au prieur et au couvent du Val-desEcoliers par Nicobiesles, entre le pré de l'évêque et la Marne, les religieux concédant en retour au donateur, à titre viager, un journal de terre en "Chamroton".

Auteur: Nicolas doyen de chrétienté de Chaumont

Sceau: auteur

Bénéficiaire: prieuré du Val-desEcoliers

Autres Acteurs: Nicolas "le Borgnes"

Rédacteur: scriptorium du prieuré du Val-desEcoliers

Support: Parchemin jadis scellé sur double queue

Lieu de conservation: AD HM, 11H 27 - Abbaye du Val-des-Ecoliers

Verso: De Nicholaz le Borgne de Laseio (XIII^e s.)

1 À tous ceaus qui ces letres verront et orront, 2 Nicholes, deiens de la crestienté de Chaumont, salut. \2 3 Saichent tuit cil qui ces letres verront que, en nostre presence establis, Nicholas li Borgnes, de Lusei, a-re\3coneu que il a doné et aquité à-tous jors au prieur et au freres do Vaul des Escoliers 4 lo tiers d'une fau\4ciee de prei qui siet en finaige de Warbielle, entre lo prei mon seignor l'evesque et Marne, pres de \5 la chauciee lo prieur et les freres davant dis; 5 cest don et ceste aquitance a-fait li davant dis Nicho\6las au freres davant dis por un jor de terre qu'il li ont lassié à-sa vie, 6 et cil jors de terre siet en Cham\7roton. 7 Et a-promis li-davant dis Nicholas, par sa foi donee corporelment en nostre main, que en davant dit \8 prei jemais nule rien ne reclamera ne par lui ne par autrui, 8 ne ancontre cest don et ceste aquitance il ne \9 vanra ne autre venir ne fera, ne en requoi ne en apert, einz en-portera leaul garantie envers tou\10tes gens au prieur et au freres davant dis; 9 et a-renoncié li davant dis Nicholas à-toutes exceptions \11 de toute maniere de droit qui en ceste chose li porroient aidier et au prieur et au freres davant dis \12 grever. 10 En tesmongnaige de la quel chose, nos davant dis doiens, à la requeste do davant dit \13 Nicholas, avons saiellees ces letres de nostre seel, en tesmongnaige de verité. 11 Ce fut fait en l'an \14 de grace mil .CC. et .L. et. VIII., en mois de jenvier.