Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM088

1259 (n.st.), janvier

Type de document: charte: notification de donation

Objet: Donation au prieur et aux frères du Val-des-Ecoliers par Aveline, dite dame Aude de Chaumont, pour le repos de son âme et de celles de ses aïeux, de la totalité de ses biens, dont elle conserve l'usufruit moyennant le versement aux religieux de 12 deniers forts, chaque année, le lendemain de Noël.

Auteur: Nicolas doyen [de chrétienté] de Chaumont

Sceau: auteur

Bénéficiaire: prieuré du Val-des-Ecoliers

Autres Acteurs: Aveline, dite dame Aude de Chaumont

Rédacteur: scriptorium du prieuré du Val-des-Ecoliers

Support: Parchemin jadis scellé sur double queue

Lieu de conservation: AD HM, 11H 20 - Abbaye du Val-des-Ecoliers

Verso: De domina Auda (XIV^e)

1 À tous ceuz qui ces letres verront et orront, Nicholes, deins de Chaumont, salut. 2 Saichent \2 tuit cil qui sont et qui seront 3 que Aveline, que on apele dame Aude de Chaumont, en nostre presence \3 establie, a-reconeu qu'ele a otroié et doné par don qui est faiz entre vis au prieur et au freres do \4 Vaul des Escoliers, por Deu et en aumosne, por lo remede de l'ame de li et de ses ancessors, \5 4 tous ses biens, quanqu'ele a et porra avoir, mobles et heritaiges, ou qu'il soient et porroient \6 estre trové. 5 Et de ces davant dis biens la davant dite dame Aude s'est devestie do tout \7 en-tout, 6 et en nostre presence en-a revestuz lo prieur et les freres davant dis, et les-en \8 a mis en corporel possession; 7 en tel maniere que li prieus et li frere davant nomé li \9 ont lassiez les davant dis biens, tant com ele vivra, por. xii. doniers fors que la davant \10 dite dame Aude doit paier chascun an, l'ondemain de la Nativité Nostre Seignor, au \11 freres davant dis ou à lor certain mesaige. 8 En tesmongnaige de la quel chose, \12 à la requeste de la davant dite dame Aude, nos, davant dis deins, avons saielle\13es ces letres de nostre saiel. 9 Ce fu fait en l'an de grace mil deuz cens cinquan\14te et. VIII., en mois de jenvier.