Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM085

1258, octobre

Type de document: charte: confirmation

Objet: Confirmation par Jean chevalier, fils de Simon seigneur de Châteauvillain, de la fondation précédente, avec engagement de porter de dix à quinze livres de provenisiens, après la mort de son père, les revenus affectés à la chapellenie.

Auteur: Jean chevalier, fils de Simon seigneur de Châteauvillain

Sceau: auteur

Bénéficiaire: Simon [Sébastien], chapelain du seigneur de Châteauvillain

Rédacteur: scribe du seigneur de Châteauvillain

Support: Parchemin jadis scellé sur double queue

Lieu de conservation: AD HM, 2G 928 - Chapitre de Châteauvillain

Verso: Littere domini Symonis cognomento Sebastiani (XIII^e s.)

1 Gié, Jehanz, chevaliers, filz au noble baron Symon seigneur de Chatiavilain, 2 faz à savoir à touz ceaus qui verront ces presenz lettres 3 que, cum je et mes \2 sires mes peres dessus nommez aiens donei et outroié, à Chatiavilain, en nostre chapele, 4 douze livrees de terre au vivant mum seigneur mum pere, et deix \3 livrees aprés sum decés, por une prevande, à touz jorz meis, à nostre amei chapelain mum seigneur Symon Sesbastien, 5 les quex deniers nos li avons assis, por \4 lui et por ses successors, le jor et l'andemain de la Saint Remi en hyver, es frestaiges de Chatiavilain et de Marmaasse, et es cens des vignes, et es \5 cens de Bleçonville, 6 si cum les lettres mum seigneur mum pere de sum seel seelees et dou mien, que li diz chapelains en a, le tesmoignent, 7 gié, avuoc ce, \6 promet et sui tenuz au dist mum seigneur Symon et à ceaus qui aprés lui tanroent la dite prevande d'acroite et de faire valoir la dite prevande \7 aprés le decés mum pere davant dit jus[qu]ex à quinze livres de proven., 8 et à asseoir en deniers conpanz es diz frestaiges de Chatiavilain et de Mar\8masse et es cens dessus diz, ou en autre moe rante por parfaire les. xv. lb. se li dit frestaige et li cens ne valoent par avanture les. xv. lb. \9
9 En tesmoingnaige de la quel chose et en perpetuel confermatium, je en ai seelees de mum seel ces presenz lettres pandanz. 10 Ce fui fait en l'an Nostre Seigneur \10 mil et deus cenz et cinquante et huit, ou mois d'octobre.